ಮಾಂಗಲ್ಯ ಕಿತ್ತುಕೊಂಡುಪರಾರಿಯಾಗುತ್ತಿದ್ದ ಸೆರೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಆರೋಪಿ ಆಂಧ್ರಪ್ರದೇಶದ ಕಡಪ ಮೂಲದ ಪೋತು ನರಸಿಂಹ ರೆಡ್ಡಿ (22) ಎಂಬಾತನಿಂದ ₹6 ಲಕ್ಷ ಮೌಲ್ಯದ 60 ಗ್ರಾಂ ಚಿನ್ನದ ಮಾಂಗಲ್ಯ ಸರ ಜಪ್ತಿ ಮಾಡಲಾಗಿದೆ. ಜೆ.ಪಿ.ನಗರ 3ನೇ ಹಂತದ 12ನೇ ಎ ಕ್ರಾಸ್‌ ನಿವಾಸಿ ರೇವತಿ ಆನಂದ್‌ ಅವರು ಅ.4ರಂದು ಸಂಜೆ ಮನೆ ಸಮೀಪದ ಮಿನಿ ಫಾರೆಸ್ಟ್‌ ಪಾರ್ಕ್‌ನಲ್ಲಿ ವಾಯ ವಿಹಾರ ಮುಗಿಸಿ ಸಂಜೆ ಸುಮಾರು 6 ಗಂಟೆಗೆ ಮನೆಗೆ ನಡೆದುಕೊಂಡು ಹೋಗುತ್ತಿದ್ದರು. ಇದೇ ಸಮಯದಲ್ಲಿ ಹಿಂದಿನಿಂದ ಬಂದಿರುವ ಅಪರಿಚಿತ ವ್ಯಕ್ತಿ ಏಕಾಏಕಿ ರೇವತಿ ಅವರ ಮಾಂಗಲ್ಯ ಸರ ಕಿತ್ತುಕೊಂಡು ಓಡಲು ಆರಂಭಿಸಿದ್ದಾನೆ.