ಸಮುದಾಯ ಭವನಕ್ಕೆ ಸರ್ಕಾರಿ ಅನುದಾನ ಪ್ರಯತ್ನ: ಗೋಪಾಲ ಪೂಜಾರಿ

ಕುಂದಾಪುರ: ಮರವಂತೆಯ ಬ್ರಹ್ಮಶ್ರೀ ನಾರಾಯಣ ಗುರು ಬಿಲ್ಲವ ಸಮಾಜ ಸೇವಾ ಸಂಘದ ನೂತನ ಸಮುದಾಯ ಭವನ ನಿರ್ಮಾಣದ ಗುದ್ದಲಿ ಪೂಜೆ ಕಾರ್ಯಕ್ರಮ ಗುರುವಾರ ಮರವಂತೆಯಲ್ಲಿ ನಡೆಯಿತು.

ಕುಂದಾಪುರ ತಾಲೂಕು ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷ ಅಶೋಕ ಪೂಜಾರಿ ಬೀಜಾಡಿ ಮಾತನಾಡಿ, ಬೈಂದೂರು ಭಾಗದಲ್ಲಿ ಬಿಲ್ಲವ ಸಮುದಾಯ ಯಾವುದೇ ಕಟ್ಟಡ, ನಿವೇಶನ ಇಲ್ಲ ಅನ್ನುವ ಕೊರಗು ಇತ್ತು. ಆ ಕೊರತೆ ನೀಗಿಸುವ ನಿಟ್ಟಿನಲ್ಲಿ ಮರವಂತೆಯ ಈ ಸಮುದಾಯ ಭವನ ಸಹಕಾರಿಯಾಗಲಿದೆ. ಇಂತಹ ಭವನ ನಿರ್ಮಿಸುವುದು ಸಮಾಜದ ಎಲ್ಲರ ಕರ್ತವ್ಯ. ಕುಂದಾಪುರದ ನಾರಾಯಣ ಗುರು ಹಾಲ್ ನಲ್ಲಿ ಕೇವಲ ಬಿಲ್ಲವ ಸಮಾಜದವರಿಗೆ ಮಾತ್ರವಲ್ಲ, ಎಲ್ಲರಿಗೂ ಉಚಿತವಾಗಿ ಕಾರ್ಯಕ್ರಮ ಆಯೋಜನೆಗೆ ಅವಕಾಶ ಕಲ್ಪಿಸಿದ್ದೇವೆ. ಎಲ್ಲ ದಾನಿಗಳ ಸಹಕಾರದಿಂದ ಈ ಕಟ್ಟಡ ನೆರವೇರಲಿ. ಸಮಾಜದ ಪ್ರತಿಯೊಬ್ಬರಿಗೂ ಈ ಸಮುದಾಯ ಭವನ ನೆರವಾಗಲಿ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಮರವಂತೆ ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷ ಗಣೇಶ್ ಪೂಜಾರಿ ಪ್ರಸ್ತಾವಿಸಿದರು.ದುಬೈ ಉದ್ಯಮಿ ಮಂಜುನಾಥ ಪೂಜಾರಿ ಸೇನಾಪುರ ಶುಭಹಾರೈಸಿದರು.

ಗಣೇಶ್ ಪೂಜಾರಿ ಸ್ವಾಗತಿಸಿ, ಸತೀಶ್ ಪೂಜಾರಿ ಮರವಂತೆ ವಂದಿಸಿದರು. ಕಿಶೋರ್ ಸಸಿಹಿತ್ಲು ಕಾರ್ಯಕ್ರಮ ನಿರೂಪಿಸಿದರು.