ಮಠ, ಮಂದಿರಗಳು ನೆಮ್ಮದಿ ನೀಡುವ ಆಧ್ಯಾತ್ಮಿಕ ಕೇಂದ್ರಗಳು: ತಹಸೀಲ್ದಾರ್‌

- ಹಿರೇಮಠ ಆವರಣದಲ್ಲಿ ಕಡೇ ಕಾರ್ತಿಕೋತ್ಸವ ಸಂಭ್ರಮ - - - ಕನ್ನಡಪ್ರಭ ವಾರ್ತೆ ಚನ್ನಗಿರಿ

ಪಟ್ಟಣದ ಹಿರೇಮಠದ ಆವರಣದಲ್ಲಿ ಮಂಗಳವಾರ ರಾತ್ರಿ ಶ್ರೀ ಕೇದಾರೇಶ್ವರ ಸ್ವಾಮಿಯ ಕಡೇ ಕಾರ್ತಿಕೋತ್ಸವ ಉದ್ಘಾಟನೆಯನ್ನು ದೀಪಗಳನ್ನು ಬೆಳಗಿಸುವ ಮೂಲಕ ಚಾಲನೆ ನೀಡಿ ಅವರು ಮಾತನಾಡಿದರು.

ಶ್ರೀ ಹಾಲಸ್ವಾಮಿ ವಿರಕ್ತ ಮಠದ ಶ್ರೀ ಬಸವ ಜಯಚಂದ್ರ ಮಹಾಸ್ವಾಮೀಜಿ ದಿವ್ಯ ಸಾನಿಧ್ಯ ವಹಿಸಿ, ಮನೆಗಳಲ್ಲಿ ದೀಪ ಬೆಳಗುವುದು ಮನೆ ಸದಸ್ಯರ ಒಳಿತಿಗಾದರೆ, ಮಠ-ಮಂದಿರಗಳಲ್ಲಿ ಬೆಳಗುವ ದೀಪಗಳು ಸರ್ವಜನರ ಒಳತಿಗಾಗಿ. ಕಾರ್ತಿಕೋತ್ಸವದಲ್ಲಿ ಏಕತಾ ಭಾವನೆಗಳನ್ನು ಕಾಣಲು ಸಾಧ್ಯ ಎಂದರು.

ಹಿರೇಮಠದ ಶ್ರೀ ಕೇದಾರಲಿಂಗ ಶಿವಶಾಂತವೀರ ಶಿವಾಚಾರ್ಯ ಮಹಾಸ್ವಾಮಿಗಳು ಮಾತನಾಡಿ, ಕಾರ್ತಿಕೋತ್ಸವದಲ್ಲಿ ದೀಪಾರಾಧನೆ ಮಾಡುವುದರಿಂದ ಮನಸ್ಸಿನಲ್ಲಿನ ಅಂಧಕಾರ ತೊಡೆದು, ಪ್ರಜ್ವಲಿಸುವ ದೀಪಗಳಂತೆ ಬೆಳಗಬೇಕು. ಪ್ರತಿದಿನ ಜೀವನದ ಜಂಜಾಟಗಳಲ್ಲಿ ತೊಡಗಿಕೊಳ್ಳುತ್ತೇವೆ. ಆದ್ದರಿಂದ ಮಠ-ಮಂದಿರಗಳಿಗೆ ಭೇಟಿ ನೀಡಿ, ಆಧ್ಯಾತ್ಮಿಕತೆ ಮೈಗೂಡಿಸಿಕೊಂಡು, ನೆಮ್ಮದಿ ಕಾಣಬೇಕಿದೆ ಎಂದರು.

ಕಾರ್ತಿಕೋತ್ಸವಕ್ಕೂ ಮುನ್ನ ತಹಸೀಲ್ದಾರ್ ಶಂಕರಪ್ಪ ಅವರು ಶ್ರೀ ಮಠದಲ್ಲಿರುವ ಶ್ರೀ ಕೇದಾರೇಶ್ವರ, ಭದ್ರಕಾಳಿ, ಶ್ರೀ ವೀರಭದ್ರೇಶ್ವರ ದೇವರಿಗೆ ಪೂಜೆ ಸಲ್ಲಿಸಿದರು.

ಚನ್ನಗಿರಿ ಪಟ್ಟಣದ ಹಿರೇಮಠದ ಆವರಣದಲ್ಲಿ ನಡೆದ ಕಡೇ ಕಾರ್ತಿಕೋತ್ಸವದಲ್ಲಿ ತಹಸೀಲ್ದಾರ್ ಜಿ.ಎಸ್.ಶಂಕರಪ್ಪ, ಹಿರೇಮಠದ ಶ್ರೀ, ಹಾಲಸ್ವಾಮಿ ಶ್ರೀ ಪಾಲ್ಗೊಂಡರು.