ಆ.20ಕ್ಕೆ ನಾರಾಯಣ ಗುರು, ದೇವರಾಜ ಅರಸು ಜಯಂತಿ ಆಚರಣೆ

ಕನ್ನಡಪ್ರಭ ವಾರ್ತೆ ಬೀದರ್‌

ಶುಕ್ರವಾರ ನಗರದ ಜಿಲ್ಲಾ ಪತ್ರಿಕಾ ಭವನದಲ್ಲಿ ಆಯೋಜಿಸಲಾಗಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ತಾಲೂಕಿನ ಶಿರೂರನಲ್ಲಿ ಭೂಕುಸಿತದಿಂದ 7 ಜನ ಕುಲಬಾಂಧವರು ಪ್ರಾಣ ಕಳೆದುಕೊಂಡಿದ್ದು ಈ ಪ್ರಯುಕ್ತ ಆ.20ರಂದು ಬೆಳಗ್ಗೆ 11ಕ್ಕೆ ಯಾವುದೇ ರಥಯಾತ್ರೆ, ಮೆರವಣಿಗೆ ನಡೆಸದೆ, ನಗರದ ಡಾ.ಚನ್ನಬಸವ ಪಟ್ಟದ್ದೇವರ ರಂಗಮಂದಿರದಲ್ಲಿ ವೇದಿಕೆ ಕಾರ್ಯಕ್ರಮ ಜರುಗಲಿದೆ ಎಂದು ತಿಳಿಸಿದರು.

ಹಿಂದುಳಿದ ವರ್ಗಗಳ ಮುಖಂಡರಾದ ಬಸವರಾಜ ಮಾಳಗೆ ಮಾತನಾಡಿ, ಬ್ರಹ್ಮಶ್ರೀ ನಾರಾಯಣ ಗುರುಗಳು ಹಾಗೂ ದೇವರಾಜ ಅರಸ್‌ ಅವರ ವಿಚಾರ ಧಾರೆ ಒಂದೇ ಆಗಿರುವುದರಿಂದ ಇಬ್ಬರ ಜಯಂತಿಯನ್ನು ಒಂದೇ ವೇದಿಕೆಯಲ್ಲಿ ಆಚರಿಸಲು ನಿರ್ಧರಿಸಲಾಗಿದೆ. ಹಿಂದುಳಿದ ವರ್ಗದವರ ಏಳಿಗೆಗೆ ರೂಪರೇಷ ಸಿದ್ದಪಡಿಸಿದ್ದ ಅರಸು ಅವರ ಜಯಂತಿ ಮತ್ತು ಎಲ್ಲ ಧರ್ಮದವರನ್ನು ಒಂದೇ ಎಂದು ಸಾರಿದ ಸಂತ ನಾರಾಯಣ ಗುರುಗಳ ಜಯಂತಿಯಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕೆಂದು ಕರೆ ನೀಡಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಆರ್ಯ ಈಡಿಗ ಸಮಾಜದ ಮುಖಂಡರಾದ ಸುಭಾಷ ಚೌದ್ರಿ, ಸಂಗಯ್ಯ ಸುಲ್ತಾನಪೂರ, ಅಶೋಕ ತೇಲಂಗ, ಚಂದ್ರಶೇಖರ ಗೌಡ, ಆನಂದ ಗೌಡ, ಅನೀಲ ಗೌಡ, ಶಂಕರರಾವ್‌ ನೇಳಗಿ ಹಾಗೂ ಇತರರು ಇದ್ದರು.