ನಿಜಗುಣರು ಕರುನಾಡು ನಾಡು ಕಂಡ ಶ್ರೇಷ್ಠ ತತ್ವಜ್ಞಾನಿ: ಶಾಸಕ ಸಿದ್ದು ಸವದಿ

ಕನ್ನಡಪ್ರಭ ವಾರ್ತೆ ಮಹಾಲಿಂಗಪುರ

ಸ್ಥಳೀಯ ನೀಲಕಂಠೇಶ್ವರ ಮಠದಲ್ಲಿ ಕುರುವಿನಶೆಟ್ಟಿ ಸಮಾಜದ ಆಶ್ರಯದಲ್ಲಿ ನಡೆದ ವಿಶ್ವ ಶಾಂತಿಗಾಗಿ ವೇದಾಂತ ಪರಿಷತ್ ಕಾರ್ಯಕ್ರಮದಲ್ಲಿ ನಿಜಗುಣ ಶಿವಯೋಗಿಗಳ ಜಯಂತ್ಯುತ್ಸವದಲ್ಲಿ ಮುಖ್ಯ ಅಥಿತಿಗಳಾಗಿ ಭಾಗವಹಿಸಿ ಮಾತನಾಡಿ, ನಿಜಗುಣರು ನಾಡಿನ ಮುಕ್ತಿ ಪದ್ಧತಿ (ಕೈವಲ್ಯ ಪದ್ಧತಿ) ಪ್ರತಿಪಾದಕರು. ಅವರು ರಾಜ ಮನೆತನದಲ್ಲಿ ಹಳೆಯ ಮೈಸೂರು ಜಿಲ್ಲೆಯ ಚೀಲಕವಾಡಿ ಎಂಬ ಪುಟ್ಟ ಗ್ರಾಮದಲ್ಲಿ ಹುಟ್ಟಿದರು, ರಾಜ್ಯ ಬಿಟ್ಟು ವೈರಾಗ್ಯ ತಾಳಿ ಶಂಭುಲಿಂಗ ಬೆಟ್ಟದಲ್ಲಿ 12 ವರ್ಷ ತಪಸ್ಸು ಮಾಡಿ ನಾಡಿಗೆ ಬಹು ದೊಡ್ಡ ಕೊಡುಗೆ ನೀಡಿದ್ದಾರೆ. ಸಂಸ್ಕೃತ ಮತ್ತು ಕನ್ನಡ ಭಾಷೆ ಪಂಡಿತರಾಗಿದ್ದ ಅವರು, ಅಮೂಲ್ಯ ಏಳು ಗ್ರಂಥ ರಚಿಸಿ ಕೊಡುಗೆ ನೀಡಿದ್ದಾರೆ ಎಂದರು.ಮುಖ್ಯ ಪ್ರವಚನಕಾರ ಕೋಲೂರಿನ ಕೃಷ್ಣಗೌಡ ಪಾಟೀಲ ಮಾತನಾಡಿ, ಯಾವ ಕಾಲಕ್ಕೂ ಎಲ್ಲರಿಗಿಂತಲೂ ಗುರು ದೊಡ್ಡವನು. ಹರ ಮುನಿದರೆ ಗುರು ಕಾಯುವನು. ಗುರು ಮುನಿದರೆ ಹರ ಕಾಯಲಾರ, ಗುರುವಿನ ಉಪದೇಶ ಆಲಿಸಬೇಕು. ಅದರಂತೆ ಆಚರಿಸಿದರೆ ಮಾನವನಿಗೆ ಮುಕ್ತಿ ದೊರೆಯುತ್ತದೆ, ಶಿವಾ ತಮ್ಮನ್ನು ಕರುಣೆ ತೋರಿ ನೋಡಬೇಕು. ತಮ್ಮ ಮನಸ್ಸಿನಲ್ಲಿದ್ದ ಕತ್ತಲೆ ಕಳೆಯಬೇಕು ಎಂದರು.

ಮೆರವಣಿಗೆ:

ಮುಖಂಡರಾದ ಎಂ.ಆರ್.ತೇರದಾಳ , ಎಂ.ಎಸ್ ಮುಗಳಖೋಡ, ರವಿ ಮುಂಡಗನೂರ, ಮಲ್ಲಪ್ಪ ಹುಣಶ್ಯಾಳ, ಶ್ರೀಮಂತ ಹಳ್ಳಿ, ಚೇತನ ಹುಣಶ್ಯಾಳ, ಶ್ರೀಶೈಲ ಬಿಸನಕೊಪ್ಪ, ಶಿವಾನಂದ ಹುಣಶ್ಯಾಳ, ಈರಪ್ಪ ಜಿಡ್ಡಿಮನಿ, ಅಡಿವೆಪ್ಪ ಹುಣಶ್ಯಾಳ, ಪ್ರಕಾಶ ಮರೆಗುದ್ದಿ, ರಾಜು ಮುಗಳಖೊಡ, ಶಿವರುದ್ರ ಮುಂಡಗನೂರ, ರಾಜೇಂದ್ರ ಮಿರ್ಜಿ, ಕುಬೇರ ಹಟ್ಟಿ, ಶ್ರೀಶೈಲ್ ಕೋಟಿ, ರಾಜು ಚಿಕ್ಕನರಗುಂದ, ಮಲ್ಲಪ್ಪ ಮುದಕಪ್ಪಗೋಳ, ಶಿವಾನಂದ ಬೆಳವಿ, ಹೊಳೆಪ್ಪ ಬಾಡಗಿ, ಈರಪ್ಪ ನಾಗರಾಳ, ಶಂಕರ ಯಾದವಾಡ ಹಲವರಿದ್ದರು.