ಬೆಲೆ ಏರಿಕೆ ನಡುವೆ ಸಂಭ್ರಮದ ನೋಮುಲ ಪಂಡಗ

ಕನ್ನಡಪ್ರಭ ವಾರ್ತೆ ಕೋಲಾರಬೆಲೆ ಏರಿಕೆಯ ತಾಪಕ್ಕೆ ಜಗ್ಗದೇ ಹಬ್ಬದ ಸಂಭ್ರಮಕ್ಕೆ ಜನತೆ ಸಿದ್ಧತೆ ನಡೆಸಿದ್ದಾರೆ. ಜಿಲ್ಲಾಡಳಿತ ಹಸಿರು ಪಟಾಕಿ ಮಾರಾಟಕ್ಕೆ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದ್ದು, ನಗರದ ಜೂನಿಯರ್ ಕಾಲೇಜು ಮೈದಾಣದಲ್ಲಿ ಪಟಾಕಿ ಅಂಗಡಿಗಳಿಗೆ ಅನುಮತಿ ನೀಡಿದೆ. ದೊಡ್ಡಪೇಟೆ ಮತ್ತಿತರ ಕಡೆಗಳಲ್ಲಿ ನೋಮುದಾರ, ಹಣತೆ, ದಿನಸಿ ಖರೀದಿ ಜೋರಾಗಿಯೇ ನಡೆದಿದೆ. ಈ ಬಾರಿ ದೀಪಾವಳಿ ಅಮಾವಾಸ್ಯೆ ಅ.೨೧ರ ಮಂಗಳವಾರ ಬಂದಿದೆ, ಇದೇ ದಿನ ಕೇದಾರೇಶ್ವರ ವ್ರತ ಮಾಡಲು ಆಗಮಿಕರು ಸೂಚಿಸಿರುವ ಹಿನ್ನೆಲೆಯಲ್ಲಿ ಹಬ್ಬದ ಸಿದ್ಧತೆಗಳು ಜೋರಾಗಿಯೇ ನಡೆದಿವೆ. ಅ೨೨ ರಂದು ಬಲಿಪಾಢ್ಯಮಿ ಇದೆ. ವ್ಯಾಪಾರ ವಹಿವಾಟು ಚುರುಕು

ದೀಪಾವಳಿ ಹಬ್ಬವನ್ನು ಹಣತೆಗಳನ್ನು ಆಚರಿಸುವ ಹಲವಾರು ಮಂದಿ ವಿವಿಧ ಮಾದರಿಗಳ ಹಣತೆ ಖರೀದಿಯಲ್ಲಿ ತೊಡಗಿದ್ದುದು ಕಂಡು ಬಂತು. ಆಧುನಿಕತೆ ಭರಾಟೆಯಲ್ಲಿ ಮಣ್ಣಿನ ಹಣತೆಗಳು ಮಾಯವಾಗಿದ್ದು, ಪಿಂಗಾಣಿಯ ಹಣತೆಗಳ ಕಾರುಬಾರು ಮಾರುಕಟ್ಟೆಯಲ್ಲಿ ಕಂಡು ಬರುತ್ತಿದೆ. ಮಣ್ಣಿನ ಹಣತೆಗಳು ಗಾತ್ರವಾರು ಡಜನ್‌ಗೆ ೬೦ ರಿಂದ ೧೫೦ ರವರೆಗೂ ಮಾರಾಟವಾಗುತ್ತಿದೆ, ನೋಮುದಾರಗಳು ಡಜನ್‌ಗೆ ೮೦ ರಿಂದ ೧೦೦ ರೂ ವರೆಗೂ ತನ್ನ ಬೆಲೆ ಹೆಚ್ಚಿಸಿಕೊಂಡಿವೆ.

ದೀಪಾವಳಿ ಹಬ್ಬದಂದು ಕೆಲವರು ಆಯುಧಪೂಜೆ, ಅಂಗಡಿ ಪೂಜೆ, ಲಕ್ಷ್ಮೀ ಪೂಜೆ ಮಾಡುವ ಪದ್ದತಿಯೂ ಇದೆ, ಅದ್ದರಿಂದಾಗಿ ಹೂವಿನ ಬೆಲೆ ಗಗನಕ್ಕೇರಿದ್ದು, ಕನಕಾಂಬರ ಕನಕದಷ್ಟೇ ಬೆಲೆ ಏರಿಸಿಕೊಂಡು ಕೆಜಿಗೆ ೧೦೦೦ರೂ ಆಗಿದೆ. ಇನ್ನು ಮಲ್ಲಿಗೆ ೮೦೦ ರೂ, ಕಾಕಡಾ ೧೨೦೦ ರೂಗಳಿಗೆ ಮಾರಾಟವಾಗುತ್ತಿದೆ. ಸಣ್ಣ ರೋಸ್ ಕೆಜಿಗೆ ೨೦೦ ರಿಂದ ೨೫೦ರೂಗೆ ಮಾರಾಟವಾಗುತ್ತಿದ್ದು,ಸೇವಂತಿಕೆ ೧೫೦ ರೂ, ಚೆಂಡು ಹೂ ೮೦ ರಿಂದ ೧೦೦ಗೆ ಬೆಲೆ ಹೆಚ್ಚಿಸಿಕೊಂಡಿದ್ದು, ಹಳೆ ಬಸ್ ನಿಲ್ದಾಣದ ಹೂ ಮಾರುಕಟ್ಟೆಯಲ್ಲಿ ಜನ ಖರೀದಿಗೆ ಜಮಾಯಿಸಿದ್ದಾರೆ.

ಕೇದಾರೇಶ್ವರ ವ್ರತಾಚರಣೆ