ವಚನ ಪಾಲಿಸಿದರೆ ಸಂವಿಧಾನ ಪಾಲಿಸಿದಂತೆ: ಅಮರಣ್ಣವರ

ಕನ್ನಡಪ್ರಭ ವಾರ್ತೆ ಧಾರವಾಡ

ಕರ್ನಾಟಕ ವಿದ್ಯಾವರ್ಧಕ ಸಂಘ ಶ್ರೀ ರಾ.ಹ. ದೇಶಪಾಂಡೆ ಸಭಾಭವನದಲ್ಲಿ ದಿ. ಪ್ರೊ. ರಾಮಚಂದ್ರ ಪಾಟೀಲ ದತ್ತಿ ಅಂಗವಾಗಿ ಆಯೋಜಿಸಿದ್ದ ''''ವಚನಗಳು ಮತ್ತು ಮಾನವ ಹಕ್ಕುಗಳು'''' ವಿಷಯದ ಕುರಿತು ಉಪನ್ಯಾಸ ನೀಡಿದರು.

ವಚನಕಾರರು ಕೇವಲ ವಚನ ಬರೆಯಲಿಲ್ಲ. ಬರೆದಂತೆ ಬದುಕಿ ತೋರಿಸಿದರು. ಬದುಕಿದಂತೆ ಬರೆದರು. ಜಗತ್ತಿಗೆ ಮಾನವೀತೆಯ ಶ್ರೇಷ್ಠತೆಯ ದಾರಿ ತೋರಿಸಿದರು ಎಂದರು.

ಮಾನವ ಹಕ್ಕುಗಳನ್ನು ಜಾರಿಗೊಳಿಸಿರುವುದರಿಂದ ದೇಶದಲ್ಲಿ ಜೀವನ ಮಟ್ಟ ಸುಧಾರಿಸಿದೆ. ಇದಕ್ಕೆಕಾರಣ ವಚನಗಳ ಪ್ರಭಾವವೂ ಆಗಿದೆ ಎಂದ ಅವರು, ಇಂದು ಜಗತ್ತಿನಲ್ಲಿ ಭಯೋತ್ಪಾದನೆ, ಅನಾಚಾರ, ಭ್ರಷ್ಟಾಚಾರ ಮಿತಿ ಮೀರಿದೆ. ಇವುಗಳು ನಿಯಂತ್ರಣಕ್ಕೆ ಬರಬೇಕೆಂದರೆ ವಚನ ಪಾಲಿಸಿದರೆ ಸಾಕು ಎಂದರು.

ಹೈಕೋರ್ಟ್‌ ಧಾರವಾಡ ಪೀಠದ ವಿಶ್ರಾಂತ ಹೆಚ್ಚುವರಿ ಸಹಾಯಕ ಸಾಲಿಸಿಟರ್ ಜನರಲ್‌ ಕೆ.ಬಿ. ನಾವಲಗಿಮಠ ಅಧ್ಯಕ್ಷತೆ ವಹಿಸಿದ್ದರು.

ಸಂಘದ ಅಧ್ಯಕ್ಷ ಚಂದ್ರಕಾಂತ ಬೆಲ್ಲದ ಉಪಸ್ಥಿತರಿದ್ದರು. ವೀರಣ್ಣ ಒಡ್ಡೀನ, ಡಾ. ಧನವಂತ ಹಾಜವಗೋಳ, ಡಾ. ಜಿನದತ್ತ ಹಡಗಲಿ, ಪ್ರಮಿಳಾ ಜಕ್ಕಣ್ಣವರ, ಸದಾನಂದ ಮುಂದಿನಮನಿ, ರಾಜು ನಾವಲಗಿಮಠ, ಮಹಾಂತೇಶ ನರೇಗಲ್ಲ, ಶಿವಾನಂದ ಹೂಗಾರ, ನಿಂಗಣ್ಣಕುಂಟಿ, ಮುದಿಗೌಡರ ಹಾಗೂ ರಾಮಚಂದ್ರ ಪಾಟೀಲ ಪರಿವಾರ ಭಾಗವಹಿಸಿದ್ದರು.