ಬಿಡದಿ ಟೌನ್ ಶಿಪ್ ಪ್ರಿಲಿಮಿನರಿ ನೋಟಿಫಿಕೇಶನ್ ಗೆ ವಿರೋಧ

ಕನ್ನಡಪ್ರಭ ವಾರ್ತೆ ರಾಮನಗರ

ಹೊಸೂರಿನಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಟೌನ್ ಶಿಪ್ ಕಾರಣದಿಂದ ಅನ್ಯಾಯಕ್ಕೆ ಒಳಗಾಗುತ್ತಿರುವ ರೈತರ ಪರವಾಗಿ ಮಾಜಿ ಪ್ರಧಾನಿ ದೇವೇಗೌಡ, ಕೇಂದ್ರ ಸಚಿವ ಕುಮಾರಸ್ವಾಮಿ, ಬಿಜೆಪಿ ನಾಯಕರ ನೇತೃತ್ವದಲ್ಲಿ ಹೋರಾಟ ನಡೆಸಿ ರಾಜ್ಯಪಾಲರು, ಮುಖ್ಯಮಂತ್ರಿ, ಉಪಮುಖ್ಯಮಂತ್ರಿ ಹಾಗೂ ಸಂಬಂಧಿಸಿದ ಅಧಿಕಾರಿಗಳಿಗೆ ಮನವಿ ಸಲ್ಲಿಸುತ್ತೇವೆ ಎಂದರು.

ಕೆಐಎಡಿಬಿಯ ಭೂಸ್ವಾಧೀನ ಕಾಯ್ದೆಯಲ್ಲಿ ಪ್ರಿಲಿಮಿನರಿ ನೋಟಿಫಿಕೇಷನ್ ಅಂದರೆ 28/1 ಅಂತ ಕರೆಯುತ್ತಾರೆ. ಬಿಡಿಎ ನೋಟಿಫಿಕೇಷನ್ ನಲ್ಲಿ 4/1 ಅನ್ನುತ್ತಾರೆ. ಪ್ರಾಧಿಕಾರ ರೂಪಿಸಿರುವ ಪ್ರಾಜೆಕ್ಟ್ ಗೆ ನನ್ನ ವಿರೋಧ ಇಲ್ಲ. ಆದರೆ, ನೋಟಿಫಿಕೇಷನ್ ಹೊರಡಿಸಿ ಪ್ರಾಜೆಕ್ಟ್ ಅನುಷ್ಠಾನಕ್ಕೆ ಬರದಿದ್ದರೆ ನೊಂದಿರುವ ರೈತರ ಪರಿಸ್ಥಿತಿ ಏನಾಗಬೇಕು. ಮುಂಬರುವ ಅಧಿಕಾರಿಗಳಿಗೂ ಇಷ್ಟೇ ಕಾಳಜಿ ವಹಿಸುತ್ತಾರೆ ಎನ್ನುವುದಕ್ಕೆ ಗ್ಯಾರಂಟಿ ಏನೆಂದು ಪ್ರಶ್ನಿಸಿದರು.

ರಿಯಲ್ ಎಸ್ಟೇಟ್ ಗೆ ಅವಕಾಶ ಕೊಡಲ್ಲ:

ನೀವು ಯಾವ ಪ್ರಾಜೆಕ್ಟ್ ಮಾಡುತ್ತಿದ್ದೀರಿ, ಎಷ್ಟು ಎಕರೆ ಸ್ವಾಧೀನ ಪಡಿಸಿಕೊಳ್ಳುತ್ತೀರಿ, ಎಲ್ಲೆಲ್ಲಿ ಪ್ರಾಜೆಕ್ಟ್ ಆರಂಭಿಸುತ್ತೀರಿ, ಪ್ರಾಜೆಕ್ಟ್ ಮಾಡಲು ಬಂದಿರುವ ಹೂಡಿಕೆದಾರರು ಯಾರು, ಅವರು ಎಷ್ಟು ಹೂಡಿಕೆ ಮಾಡುತ್ತಾರೆ. ರೈತರ ಜಮೀನಿಗೆ ಯಾವ ಆಧಾರದ ಮೇಲೆ ದರ ನಿಗದಿ ಮಾಡುತ್ತೀರಿ ಎಂಬ ಪ್ರಶ್ನೆಗಳಿಗೆ ಉತ್ತರ ನೀಡಲಿ ಎಂದು ಶಾಸಕ ಬಾಲಕೃಷ್ಣ ಮತ್ತು ಪ್ರಾಧಿಕಾರ ಅಧ್ಯಕ್ಷ ಗಾಣಕಲ್ ನಟರಾಜ್ ಗೆ ಸವಾಲು ಹಾಕಿದರು.

ಈ ಪ್ರಾಧಿಕಾರಕ್ಕೆ ಸ್ವಂತ ಕಚೇರಿಯೇ ಇಲ್ಲ. ಲೇಔಟ್ ಮಾಡಿದ, ಅಪಾರ್ಟ್ ಮೆಂಟ್ ಕಟ್ಟಿದ ಅನುಭವ ಇಲ್ಲ. ಕೇವಲ ಸೀಲು, ಸಹಿ ಹಾಕುವುದಷ್ಟೇ ಕೆಲಸ. ಇಷ್ಟಕ್ಕೂ ಪ್ರಾಧಿಕಾರ ಹುಟ್ಟಿ ಕೇವಲ 9 ತಿಂಗಳಾಗಿದೆ. ಆಗಲೇ 10 ಸಾವಿರ ಎಕರೆಯಲ್ಲಿ ಟೌನ್ ಶಿಪ್ ಮಾಡಲು ಹೊರಟು ರೈತರ ಬದುಕಿನಲ್ಲಿ ಆಟವಾಡಲು ಮುಂದಾಗಿದೆ. ನಿಮಗೆ ಯಾವ ನೈತಿಕತೆ ಇದೆ. ಈ ಹೋರಾಟದಲ್ಲಿ ನನ್ನ ಸ್ವಾರ್ಥವಿಲ್ಲ. ಇಲ್ಲಿ ನನ್ನ ಜಮೀನೂ ಇದೆ. ನಿಮಗೆ ಆದಂಗೆ ನನಗೂ ಆಗುತ್ತದೆ ಅಂತ ಸುಮ್ಮನಿರಬಹುದು. ರೈತರಿಗೆ ತೊಂದರೆ ಆಗಬಾರದೆಂಬ ಕಾರಣದಿಂದ ನಿಮ್ಮೊಂದಿಗೆ ಹೋರಾಟಕ್ಕೆ ಸಿದ್ಧನಾಗಿದ್ದೇನೆ. ನಾವೆಲ್ಲರೂ ಪ್ರಿಲಿಮಿನರಿ ನೋಟಿಫಿಕೇಷನ್ ಆಗದಂತೆ ತಡೆಯಬೇಕಿದೆ. ಇದಕ್ಕಾಗಿ ಎಲ್ಲ ಬಗೆಯ ಹೋರಾಟಕ್ಕೂ ಸಿದ್ಧರಾಗಿದ್ದೇವೆ. ಚಳವಳಿ ನಡೆಸಲು ಹೋರಾಟ ಸಮಿತಿಯನ್ನೇ ರಚಿಸುತ್ತೇವೆ ಎಂದು ಮಂಜುನಾಥ್ ತಿಳಿಸಿದರು.

ಏನಿದು ಬಿಡದಿ ಟೌನ್ ಶಿಪ್ ವಿವಾದ?:

ಇದನ್ನು ಪ್ರಶ್ನಿಸಿ ರೈತರು ಹೋರಾಟ ನಡೆಸಿ ಹೈಕೋರ್ಟಿನ ಮೊರೆ ಹೋದರೂ ಸರ್ಕಾರದ ಪರವಾಗಿಯೇ ತೀರ್ಪು ಬಂದಿತು. ಕುಮಾರಸ್ವಾಮಿಯವರು ಅಧಿಕಾರ ಕಳೆದುಕೊಂಡ ನಂತರ ಮುಖ್ಯಮಂತ್ರಿಗಳಾದ ಸದಾನಂದಗೌಡರು, ಡಿಎಲ್ ಎಫ್ ನೊಂದಿಗೆ 500 ಕೋಟಿ ರು.ಗೆ ಒಪ್ಪಂದವಾಗಿದ್ದ ಕಾರಣ ಬಿಡದಿ ಹೊರತು ಉಳಿದ ನಾಲ್ಕು ಟೌನ್ ಶಿಪ್ ಗಳ ನೋಟಿಫಿಕೇಷನ್ ಗಳನ್ನು ರದ್ದುಪಡಿಸಿದರು. ಆನಂತರ ಸರ್ಕಾರದಿಂದ ಸರಿಯಾದ ಸ್ಪಂದನೆ ಸಿಗದ ಕಾರಣ ಡಿಎಲ್ ಎಫ್ ಕೂಡ ಬಿಡದಿ ಟೌನ್ ಶಿಪ್ ಗೆ ಮೀಸಲಿಟ್ಟಿದ್ದ ಹಣವನ್ನು ವಾಪಸ್ ಪಡೆದಿದ್ದರು.

ಘೋಷಿಸಬೇಕು ಅಥವಾ ಕೆಐಎಡಿಬಿ ಭೂಮಿಯನ್ನು ಸ್ವಾಧೀನ ಪಡಿಸಿಕೊಳ್ಳಬೇಕೆಂದು ಬಾಲಕೃಷ್ಣರವರು ಮಾಜಿ ಶಾಸಕರಾಗಿದ್ದಾಗ ಒತ್ತಾಯಿಸಿದ್ದರು.

ಈ ಭಾಗದಲ್ಲಿ 2008ರಿಂದ ಈವರೆಗೂ ಯಾವುದೇ ಅಭಿವೃದ್ಧಿ ಕಾರ್ಯಗಳು ಆಗಿಲ್ಲ. ಭೂ ಮಾಲೀಕರಾದ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಅಧ್ಯಕ್ಷರಿಗೆ ಮೋಕ್ಷ ಕಾಣಿಸುತ್ತೇವೆ: ಎ.ಮಂಜುನಾಥ್

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಭೂ ಮಾಲೀಕರ ಸಭೆಯನ್ನು ಕರೆದು ಎಲ್ಲರ ಅಭಿಪ್ರಾಯ ಸಂಗ್ರಹಿಸಬೇಕು. ರೈತರು ಕೇಳುವ ಪ್ರಶ್ನೆಗಳಿಗೆ ಉತ್ತರ ಕೊಡಬೇಕು. ರೈತರ ಗಮನಕ್ಕೆ ತರದೆ ನಾಲ್ಕು ಗೋಡೆಗಳಲ್ಲಿ ಕುಳಿತು ತೀರ್ಮಾನ ಮಾಡಿದರೆ ತಕ್ಕಶಾಸ್ತಿ ಮಾಡುತ್ತೇವೆ. ರೈತರ ಮೇಲೆ ಸಮಾಧಿ ಕಟ್ಟಲು ಬಿಡುವುದಿಲ್ಲ ಎಂದರು.

ಬಿಜೆಪಿ ಮುಖಂಡ ಪ್ರಸಾದ್ ಗೌಡ ಮಾತನಾಡಿ, ಡಿಕೆ ಪಟಾಲಂ ರಿಯಲ್ ಎಸ್ಟೇಟ್ ಮಾಡುತ್ತಲೇ ಬಂದಿದೆ. ಅದೇ ಟೀಮಿನ ಗಾಣಕಲ್ ನಟರಾಜು ಕೂಡ ಅದೇ ರೀತಿ ಹಣ ಸಂಪಾದಿಸಿ ಬೇಗ ಶ್ರೀಮಂತರಾಗಲು ಮುಂದಾಗಿದ್ದಾರೆ.

- ಎ.ಮಂಜುನಾಥ್ , ಮಾಜಿ ಶಾಸಕರು.