ಪಾಳು ಬಿದ್ದಿದೆ ಪೇರಡ್ಕ ಸಮುದಾಯ ಭವನ: ಲೋಕಾಯುಕ್ತರಿಗೆ ದೂರು

ರಾಂ ಅಜೆಕಾರು

ಸರ್ಕಾರದ ಯೋಜನೆಗಳು ಪಾಳು ಬಿದ್ದು ಅನುದಾನ ವ್ಯರ್ಥವಾಗುತ್ತಿರುವುದಕ್ಕೆ ಇನ್ನೊಂದು ಉದಾಹರಣೆ ಕಾರ್ಕಳ ತಾಲೂಕಿನ ಮಾಳ ಗ್ರಾಮದ ಪೇರಡ್ಕ ಎಂಬಲ್ಲಿ ಕಂಡುಬಂದಿದೆ. ಕಾರ್ಕಳ ತಾಲೂಕು ಮಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪೇರಡ್ಕದಲ್ಲಿ ನಿರ್ಮಾಣಗೊಂಡ ಪರಿಶಿಷ್ಟ ಜಾತಿ ಮತ್ತು ಪಂಗಡದ ಸಮುದಾಯ ಭವನ ವರ್ಷಗಳಿಂದ ಬಳಕೆಯಾಗದೆ ಪಾಳು ಬಿದ್ದ ಸ್ಥಿತಿಗೆ ತಲುಪಿದೆ.

2013-14ರ ಧಾರ್ಮಿಕ ದತ್ತಿ ಇಲಾಖೆಯ ವಿಶೇಷ ಘಟಕ ಯೋಜನೆ ಮತ್ತು ಗಿರಿಜನ ಉಪಯೋಜನೆಯ ಅಡಿಯಲ್ಲಿ ₹ 9.50 ಲಕ್ಷ ಅನುದಾನದಲ್ಲಿ ನಿರ್ಮಿತ ಈ ಸಮುದಾಯ ಭವನ, ಉದೇಶಿತ ಸಮುದಾಯದ ಉಪಯೋಗಕ್ಕೆ ಕಟ್ಟಲ್ಪಟ್ಟಿದ್ದರೂ, ಇಂದಿಗೂ ಬೀಗ ಹಾಕಿ ಬಿಟ್ಟಿರುವ ಸ್ಥಿತಿಯಲ್ಲಿದೆ. ಮಳೆಗಾಲದಲ್ಲಿ ಪಾಚಿ ಹಬ್ಬಿರುವ ಭವನದಲ್ಲಿ ಈಗ ದನ, ಕರು, ನಾಯಿಗಳು ಆಶ್ರಯ ಪಡೆಯುವಂತಾಗಿದೆ.

ದಶಕ ಕಳೆದರು ಹಸ್ತಾಂತರ ವಿಳಂಬ:

ಅಧಿಕಾರಿಗಳಿಗೆ ಪತ್ರ, ಲೋಕಾಯುಕ್ತ ದೂರು: ಈ ಭವನದ ಮೂಲ ದಾಖಲೆಗಳು ಸ್ಪಷ್ಟವಾಗದಿರುವ ಹಿನ್ನೆಲೆಯಲ್ಲಿ, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿಗಳು ಜಿಲ್ಲಾಧಿಕಾರಿ ಹಾಗೂ ತಹಸೀಲ್ದಾರ್‌ಗೆ ಪತ್ರ ಬರೆದು ಪರಿಶೀಲನೆ ನಡೆಸುವಂತೆ ವಿನಂತಿಸಿದ್ದಾರೆ. ಸಾಮಾಜಿಕ ಕಾರ್ಯಕರ್ತೆ ಆರತಿ ಅಶೋಕ್ ಈ ಕುರಿತು ಲೋಕಾಯುಕ್ತಕ್ಕೆ ದೂರು ಸಲ್ಲಿಸಿದ್ದು, ಭವನವನ್ನು ಸಾರ್ವಜನಿಕ ಬಳಕೆಗೆ ಮುಕ್ತಗೊಳಿಸುವಂತೆ ಒತ್ತಾಯಿಸಿದ್ದಾರೆ........................