ಪಂಪಸೆಟ್‌, ತಾಮ್ರದ ಹಂಡೆ ಕಳ್ಳರ ಬಂಧನ

ಕನ್ನಡಪ್ರಭ ವಾರ್ತೆ ಗುಳೇದಗುಡ್ಡ

ಜು.23ರಂದು ಮತ್ತು ಆಸಂಗಿ ಗ್ರಾಮದಲ್ಲಿ ಮೋಟಾರ್ ಪಂಪಸೆಟ್ ಕಳ್ಳತನವಾದ ಬಗ್ಗೆ ಇಂಜಿನವಾರಿ ಗ್ರಾಮದ ಭೀಮನಗೌಡ ಯಲಗೂರದಪ್ಪ ಗೌಡರ, ರಾಮಣ್ಣ ನೂರಂದಪ್ಪ ತಳವಾರ 5 ಮೋಟಾರ್ ಪಂಪಸೆಟ್ ಕಳ್ಳತನವಾದ ಬಗ್ಗೆ ದೂರು ನೀಡಿದ್ದರು. ತನಿಖೆ ನಡೆಸಿದ ಪೊಲೀಸರು ಜು.24 ರಂದು ಮಹಿಂದ್ರಾ ಬೊಲೆರೋ ವಾಹನದಲ್ಲಿ ಕಳ್ಳತನ ಮಾಡಿದ ಪಂಪ್‌ಸೆಟ್‌ ಸಾಗಿಸುತ್ತಿದ್ದಾಗ ಗುಳೇದಗುಡ್ಡ ಪಟ್ಟಣದ ನಾಕಾಬಂದಿ ತಪಾಸಣೆ ವೇಳೆ ಸಂಶಯ ಬಂದು ಹುನಗುಂದ ನಿವಾಸಿ ಆರೋಪಿ ಸತೀಶ ಮಣಿ ಮಾದರ ಈತನನ್ನು ವಿಚಾರಿಸಿದಾಗ ನಾನು ಹಾಗೂ 4 ಜನರು ಕೂಡಿಕೊಂಡು ಆಸಂಗಿ ಮತ್ತು ಇಂಜಿನವಾರಿ ಗ್ರಾಮದ ಮಲಪ್ರಭಾ ನದಿಯ ದಂಡೆಯ ಮೇಲಿನ 8 ಮೋಟಾರ್‌ ಪಂಪಸೆಟ್‌ ಕಳ್ಳತನ ಮಾಡಿರುವುದನ್ನು ಬಾಯ್ಬಿಟ್ಟಿದ್ದಾನೆ.

ಆಸಂಗಿ, ಲಾಯದಗುಂದಿ, ಸಬ್ಬಲಹುಣಸಿ ಗ್ರಾಮದಲ್ಲಿ ಮನೆಯ ಮುಂದೆ ಇಟ್ಟಿದ್ದ 30 ಕೆ.ಜಿ. ತೂಕದ 5 ತಾಮ್ರದ ಹಂಡೆಗಳು ಕಳ್ಳತನವಾಗಿದ್ದರ ಕುರಿತು ಕರಣ ದಾಖಲಾಗಿತ್ತು. ಬಳ್ಳಾರಿ ಜಿಲ್ಲೆಯ ಕುರಗೋಡ ಗ್ರಾಮದ ಮಂಜುನಾಥ ಮರಿಸ್ವಾಮಿ ಹಂಡಿಜೋಗಿ ಎಂಬಾತನನನ್ಉ ಬಂಧಿಸಿ 8 ತಾಮ್ರದ ಹಂಡೆಗಳನ್ನು ವಶಪಡಿಸಿಕೊಂಡಿದ್ದಾರೆ.