ಬಸವ ತತ್ವದಂತೆ ಎಂ.ಬಿ.ಪಾಟೀಲರ ಪುತ್ರನ ಆರತಕ್ಷತೆ

ಕನ್ನಡಪ್ರಭ ವಾರ್ತೆ ವಿಜಯಪುರಬೃಹತ್ ಕೈಗಾರಿಕೆ ಸಚಿವ ಎಂ.ಬಿ.ಪಾಟೀಲ ಹಾಗೂ ಆಶಾ ಪಾಟೀಲರ ಪುತ್ರ ಬಸವನಗೌಡ ಹಾಗೂ ಶಾಮನೂರು ಶಿವಶಂಕರಪ್ಪ ಅವರ ಮೊಮ್ಮಗಳು ಅಖಿಲಾ ಅವರ ಆರತಕ್ಷತೆ ಶುಕ್ರವಾರ ವಿಜಯಪುರದಲ್ಲಿ ಬಸವ ತತ್ವದಂತೆ ವಚನಗಳ ಪಠಣದೊಂದಿಗೆ ನಡೆಯಿತು.

ಸಚಿವರಾದ ಎಸ್.ಎಸ್.ಮಲ್ಲಿಕಾರ್ಜುನ, ಮಾಜಿ ಮುಖ್ಯಮಂತ್ರಿ ಜಗದೀಶ ಶೆಟ್ಟರ್, ಶಾಸಕರಾದ ವಿಠ್ಠಲ ಕಟಕದೊಂಡ, ಅಶೋಕ ಮನಗೂಳಿ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು. ಆಗಮಿಸಿದ ಸಾವಿರಾರು ಜನರನ್ನು ಕೂಡಿಸಿ ಅಚ್ಚುಕಟ್ಟಾಗಿ ಬಾಳೆ ಎಲೆಯಲ್ಲಿ ಹೋಳಿಗೆ ಊಟ ಹಾಕಿಸಿದ್ದು ವಿಶೇಷವಾಗಿತ್ತು. ಸರಳವಾಗಿ ಆರತಕ್ಷತೆ ನಡೆಯಿತು. ಎಂ.ಬಿ.ಪಾಟೀಲರ ಬಬಲೇಶ್ವರ ಕ್ಷೇತ್ರ ಸೇರಿದಂತೆ ಜಿಲ್ಲೆಯ ಎಲ್ಲ ಕಡೆಗಳಿಂದ ಜನರು ಆಗಮಿಸಿದ್ದರು.