ಹೆಸರು ಖರೀದಿ ಕೇಂದ್ರ ತೆರೆಯದ ಸರ್ಕಾರ, ಸಂಕಷ್ಟದಲ್ಲಿ ರೈತರು

ಹೆಸರು ದರ ಕುಸಿದರೂ ಬೆಂಬಲ ಖರೀದಿ ಇಲ್ಲ

₹8600 ಬೆಂಬಲ ಬೆಲೆ ಇದೆ

ಸೋಮರಡ್ಡಿ ಅಳವಂಡಿ

ಮಾರುಕಟ್ಟೆಯಲ್ಲಿ ಹೆಸರನ್ನು ಕೇಳುವವರೇ ಇಲ್ಲ, ಹೀಗಾಗಿ, ರೈತರು ಕೇಳಿದಷ್ಟು ಬೆಲೆಗೆ ಕೊಟ್ಟು ಕಣ್ಣೀರು ಹಾಕುತ್ತಿದ್ದಾರೆ. ಇತ್ತ ಕೇಂದ್ರ ಸರ್ಕಾರ ಬೆಂಬಲ ಬೆಲೆ ಘೋಷಣೆ ಮಾಡಿ, ಖರೀದಿಸುವಂತೆ ಆದೇಶ ಮಾಡಿದ್ದರೂ ಸಹ ಜಿಲ್ಲಾಡಳಿತ ಮುತುವರ್ಜಿ ವಹಿಸಿ, ಖರೀದಿ ಕೇಂದ್ರ ಪ್ರಾರಂಭಿಸದೇ ಇರುವುದು ರೈತರ ಆಕ್ರೋಶಕ್ಕೆ ಕಾರಣವಾಗಿದೆ.

ಹೆಸರು ಬೆಲೆ ಪಾತಾಳಕ್ಕೆ:

ಬೆಂಬಲ ಬೆಲೆ ಘೋಷಣೆ:

ಕೇಂದ್ರ ಸರ್ಕಾರ ಆದೇಶ ಮಾಡಿದ್ದರೂ ಖರೀದಿ ಮಾಡಲು ಯಾಕೆ ಮೀನಮೇಷ ಮಾಡಲಾಗುತ್ತದೆ ಎನ್ನುವುದು ರೈತರ ಪ್ರಶ್ನೆ. ಆದರೆ, ಇದಕ್ಕೆ ಅಧಿಕಾರಿಗಳು ಹೇಳುವುದೇ ಬೇರೆ, ಖರೀದಿ ಮಾಡುವುದಕ್ಕೆ ಆದೇಶ ಬಂದಿದೆ. ಆದರೆ, ಲಾಗಿನ್ ಆಗುತ್ತಿಲ್ಲ. ಹೀಗಾಗಿ, ಸಮಸ್ಯೆಯಾಗಿದೆ ಎಂದು ಸಬೂಬು ಹೇಳುತ್ತಾರೆ ಎನ್ನುತ್ತಾರೆ ರೈತರು.

ಹೆಸರು ಬೆಳೆದ ರೈತರು ಬೆಲೆ ಕುಸಿತದಿಂದ ಸಂಕಷ್ಟದಲ್ಲಿದ್ದಾರೆ. ಕೂಡಲೇ ಘೋಷಿತ ಬೆಂಬಲ ಬೆಲೆಯಂತೆ ಹೆಸರು ಖರೀದಿ ಮಾಡುವಂತೆ ಮುಖ್ಯಮಂತ್ರಿಗಳ ಆರ್ಥಿಕ ಸಲಹೆಗಾರ ಬಸವರಾಜ ರಾಯರಡ್ಡಿ ಸರ್ಕಾರಕ್ಕೆ ಮತ್ತು ಜಿಲ್ಲಾಧಿಕಾರಿಗೆ ಪತ್ರ ಬರೆದಿದ್ದಾರೆ. ರೈತರಿಗೆ ತೊಂದರೆಯಾಗದಂತೆ ಕೂಡಲೇ ಕ್ರಮ ವಹಿಸಿ ಎಂದು ತಿಳಿಸಿದ್ದಾರೆ.

ಕಳೆದ ವರ್ಷ ಹೀಗೆ ವಿಳಂಬವಾಗಿ ಖರೀದಿ ಕೇಂದ್ರ ಪ್ರಾರಂಭಿಸಿದ್ದರಿಂದ ರೈತರಿಗೆ ಆಗುವ ಲಾಭ ಮಧ್ಯವರ್ತಿಗಳಿಗೆ ಆಯಿತು. ಬಹುತೇಕ ಬೆಂಬಲ ಬೆಲೆ ಕೇಂದ್ರಗಳನ್ನು ತಡವಾಗಿ ತೆರೆಯಲಾಗುತ್ತದೆ. ಆ ವೇಳೆಗಾಗಲೇ ರೈತರು ಮಾರಿಕೊಂಡಿರುತ್ತಾರೆ. ಮಾರಿಕೊಂಡ ಬೆಳೆಗಳನ್ನು ಬೇರೆ ರೈತರ ಹೆಸರಿನಲ್ಲಿ ಮಾರಿಕೊಂಡು ಮಧ್ಯವರ್ತಿಗಳು ಲಾಭ ಮಾಡಿಕೊಳ್ಳುತ್ತಾರೆ. ಇದನ್ನು ತಪ್ಪಿಸಲು ಕೂಡಲೇ ಬೆಂಬಲ ಬೆಲೆ ಕೇಂದ್ರ ತೆರೆಯಬೇಕು ಎನ್ನುವುದು ರೈತರ ಆಗ್ರಹ.