ಸಚಿವರ ಮನೆಗೆ ಮುತ್ತಿಗೆ ಹಾಸ್ಯಾಸ್ಪದ: ರೆಡ್ಡಿ ಶ್ರೀನಿವಾಸ್

ಕನ್ನಡಪ್ರಭ ವಾರ್ತೆ ಕಾರಟಗಿ

ಪಟ್ಟಣದ ಕಾಂಗ್ರೆಸ್ ಕಚೇರಿಯಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಸಚಿವ ಶಿವರಾಜ್ ತಂಗಡಗಿಯವರ ಮಾತನ್ನು ಸಮರ್ಥಿಸಿಕೊಂಡರು.

ಬರದ ಅನುದಾನ ನೀಡಲು ಮುಂದೆ ಬಾರದ ಪ್ರಧಾನಿ ನರೇಂದ್ರ ಮೋದಿ ಪರ ರಾಜ್ಯ ಬಿಜೆಪಿ ನಿಲ್ಲುತ್ತಿದೆ. ಇವರಿಗೆ ರೈತರ ಸಂಕಷ್ಟಕ್ಕಿಂತ ತಮ್ಮ ಪ್ರಧಾನಿಯನ್ನು ಹೊಗಳುವುದೇ ಹೆಚ್ಚಾಗಿದೆ ಎಂದು ವ್ಯಂಗ್ಯವಾಡಿದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶರಣೇಗೌಡ ಮಾಲಿ ಪಾಟೀಲ ಮಾತನಾಡಿ, ಸಚಿವ ಶಿವರಾಜ ತಂಗಡಗಿ ಕಪಾಳಕ್ಕೆ ಹೊಡೆಯಿರಿ ಎಂದು ಹೇಳಿರುವುದು ಉತ್ತರ ಕರ್ನಾಟಕ ಭಾಗದಲ್ಲಿ ಭಾಷೆಯ ಶೈಲಿಯಲ್ಲಿ. ಮನೆಯ ಹಿರಿಯರಾಗಿ ಮನೆ ಮಕ್ಕಳಿಗೆ ಹೇಳುವ ರೀತಿಯಲ್ಲಿ ಹೇಳಿರುವುದಷ್ಟೇ. ಆದರೆ, ಅದನ್ನು ತಿರುಚಿ ಬಿಜೆಪಿಯವರು ದೊಡ್ಡ ಅಪರಾಧದ ರೀತಿಯಲ್ಲಿ ಬಿಂಬಿಸಲು ಹೊರಟಿರುವುದು ಅವರ ಬೌದ್ಧಿಕ ದಿವಾಳಿತನ ತೋರಿಸುತ್ತದೆ ಎಂದರು.

ಈ ವೇಳೆ ಕೆಪಿಸಿಸಿ ಸದಸ್ಯ ಬಸವರಾಜ್ ನೀರಗಂಟಿ, ಗ್ಯಾರಂಟಿ ಯೋಜನೆಗಳ ಪ್ರಾಧಿಕಾರ ಸಮಿತಿ ಉಪಾಧ್ಯಕ್ಷ ನಾಗರಾಜ್ ಅರಳಿ, ಜಿಲ್ಲಾ ಸದಸ್ಯರಾದ ಸೋಮನಾಥ್ ದೊಡ್ಡಮನಿ, ಶಕುಂತಲಾ, ತಾಲೂಕು ಅಧ್ಯಕ್ಷ ದೇವಪ್ಪ ಬಾವಿಕಟ್ಟಿ, ಸದಸ್ಯೆ ದೀಪಾ ರಾಥೋಡ್, ವಿಶೇಷ ಎಪಿಎಂಸಿ ಮಾಜಿ ಅಧ್ಯಕ್ಷ ಶಿವರಡ್ಡಿ ನಾಯಕ್, ನಗರ ಕಾಂಗ್ರೆಸ್ ಅಧ್ಯಕ್ಷ ಅಯ್ಯಪ್ಪ ಉಪ್ಪಾರ ಸೇರಿ ಇನ್ನಿತರರು ಇದ್ದರು.