ಸಂಕಷ್ಟಗಳಿವೆ ಆದರೆ ಸೇವಾ ಸಂತೃಪ್ತಿ ನಮಗಿದೆ: ದಶರಥ ಸಾವೂರ

ಕನ್ನಡಪ್ರಭ ವಾರ್ತೆ ದೇವದುರ್ಗ

ಪಟ್ಟಣದ ಖೆಣೇದ್ ಫಂಕ್ಶನ್ ಹಾಲ್ನಲ್ಲಿ ಸೋಮವಾರ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘ ಆಯೋಜಿಸಿದ್ದ ಪತ್ರಿಕಾ ದಿನಾಚರಣೆ ಹಾಗೂ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದರು. ನಮಗಾಗಿಯೇ ಇರುವ ವಾರ್ತಾ ಮತ್ತು ಪ್ರಚಾರ ಇಲಾಖೆ ಪರಿಣಾಮಕಾರಿಯಾಗಿ ಸೇವಾ ಸೌಲಭ್ಯ ನೀಡದಿರುವದು ಖೇದದ ಸಂಗತಿ.ಜೊತೆಗೆ ನಮ್ಮ ಸಹಾಯ ಪಡೆದು ರಾಜಕೀಯದಲ್ಲಿ ನಾಯಕರಾಗಿ ಬೆಳೆದ ಮೇಲೆ ಬದಲಾಗುತ್ತಾರೆ.ಹೀಗಾಗಿ ನಮ್ಮ ನಿಷ್ಠೆ ಸಮಾಜ ಸೇವೆಗೆ ಮುಡುಪಾಗಿದೆ.ಹತ್ತಿರುವ ಏಣಿಯನ್ನು ಮರೆಯುವವರೇ ಹೆಚ್ಚು.

ಸಾಹಿತ್ಯ, ಕ್ರೀಡೆ, ಆರೋಗ್ಯ, ಗ್ರಾಮೀಣಾಭಿವೃದ್ಧಿ, ಕೃಷಿ, ಕ್ರೀಡೆ ಹೀಗೆ ಹಲವು ಹತ್ತಾರು ಕ್ಷೇತ್ರಗಳಿಗೆ ಮಾಧ್ಯಮದ ಕೊಡುಗೆ ಇದೆ. ಪೈಪೋಟಿ ಯುಗದಲ್ಲಿ ಜನರು ನೀರಿಕ್ಷಿಸುವದನ್ನು, ಬಯಸುವ ವಿಷಯಗಳನ್ನು ನೀಡಬೇಕಾದ ಅನಿವಾರ್ಯತೆ ಇದೆ. ಹೀಗಾಗಿ ಈ ಕಾಲಘಟ್ಟದಲ್ಲಿ ರಾಜಕೀಯ ಮತ್ತು ಕೈಂ ಸುದ್ದಿಗಳೇ ಹೆಚ್ಚಾಗಿ ಪ್ರಾಸರಗೊಳ್ಳುತ್ತವೆ ಪ್ರಕಟಗೊಳ್ಳುತ್ತವೆ.

ಸಮಾರಂಭವನ್ನು ಕು.ಗೌರಿ ಜಿ.ನಾಯಕ ಉದ್ಘಾಟಿಸಿದರು. ಎ.ವೆಂಕಟೇಶ ನಾಯಕ ಸ್ಮರಣಾರ್ಥ ನೀಡಲಾಗುತ್ತಿರುವ ದುರ್ಗದ ಸಿರಿ ಪ್ರಶಸ್ತಿಯನ್ನು ಆರ್‌ಡಿಸಿಸಿ ಬ್ಯಾಂಕ್ ನಿರ್ದೇಶಕ ರಾಜಶೇಖರ ವಿ.ನಾಯಕ ವಿತರಿಸಿದರು.

ಈ ಸಂದರ್ಭದಲ್ಲಿ ಪುರಸಭೆ ಅಧ್ಯಕ್ಷೆ ಮಲ್ಲಮ್ಮ ಶಾಂತಪ್ಪ ಹೆಂಬೆರಾಳ,ಉಪಾಧ್ಯಕ್ಷೆ ಲಕ್ಷ್ಮೀ ಈರಪ್ಪ ನಾಯಕ,ಎಪಿಎಂಸಿ ಅಧ್ಯಕ್ಷ ಆದನಗೌಡ ಪಾಟೀಲ್ ಬುಂಕಲದೊಡ್ಡಿ,ಪಿಕಾರ್ಡ ಬ್ಯಾಂಕ್ ಅಧ್ಯಕ್ಷ ಶರರಣಗೌಡ ಹಂಚಿನಾಳ,ಪುರಸಭೆ ಮುಖ್ಯಧಿಕಾರಿ ಹಂಪಯ್ಯ ಕೆ.,ಕ್ಷೇತ್ರ ಶಿಕ್ಷಣಾಧಿಕಾರಿ ಮಹಾದೇವಯ್ಯ, ಕೆಬಿಜೆಎನ್ಎಲ್ ಎಇಇ ಶ್ರೀಧರ ಬಲ್ಲಿದವ, ಸಿಪಿಐ ಎನ್.ವೈ.ಗುಂಡುರಾವ್, ಸಂಘದ ಪ್ರಧಾನ ಕಾರ್ಯದರ್ಶಿ ನಾಗರಾಜ ಸುಟ್ಟಿ ಉಪಸ್ಥಿತರಿದ್ದರು. ಪತ್ರಕರ್ತರಾದ ಬಸವರಾಜ ಬ್ಯಾಗವಾಟ, ಅಮರೇಶ ಚಿಲ್ಕಾರಾಗಿ, ನಾಗರಾಜ ಪೂಜಾರಿ ನಿರ್ವಹಿಸಿದರು.