ಸಂಗೀತಕ್ಕೆ ಸೋಲದ ಮನಸ್ಸುಗಳಿಲ್ಲ: ಮೀರಾ

ಕನ್ನಡಪ್ರಭ ವಾರ್ತೆ ಮಂಡ್ಯ

ನಗರದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಲಾಮಂದಿರದಲ್ಲಿ ಕೆ.ಆರ್.ಪೇಟೆ ತಾಲೂಕಿನ ದೊಡ್ಡಕ್ಯಾತನಹಳ್ಳಿ ಭಾವಾಂತರಂಗ ಕಲಾವೃಂದದಿಂದ ರಂಗಕಲಾವಿದ, ಅಂಗವಿಕಲ ಜಿ.ಕೆ.ಶಂಕರ್ ಅವರ ವೈದ್ಯಕೀಯ ಚಿಕಿತ್ಸಾ ನೆರವಿಗಾಗಿ ಭಾನುವಾರ ಆಯೋಜಿಸಿದ್ದ ಭಾವತರಂಗ ಹಳೆಯ ಮಧುರ ಗೀತೆಗಳ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಉದ್ಘಾಟಿಸಿ ಮಾತನಾಡಿದ ಸಹಪ್ರಾಧ್ಯಾಪಕಿ ಎಂ.ಬಿ.ಪ್ರಮೀಳಾ ಶಂಕರೇಗೌಡ, ಭಾವತರಂಗ ಕಾರ್ಯಕ್ರಮಕ್ಕೆ ತಕ್ಕಂತೆ ಇಲ್ಲಿ ಹಾಡುಗಾರರಿಂದ ಸಂಗೀತ ಕೇಳಿ ಬರುತ್ತಿದೆ, ೧೯೭೦- ೮೦ರ ದಶಕದಲ್ಲಿ ಭಾವನೆಗಳಿಗೆ ಸ್ಪಂದಿಸುವ ಸಂಗೀತ ಕೇಳುತ್ತಿದ್ದೆವು. ಅದನ್ನು ನೆನಪಿಸುವ ಮಾದರಿಯಲ್ಲಿ ರಂಗಕಲಾವಿದ ಜಿ.ಕೆ.ಶಂಕರ್ ಅವರು ತಮ್ಮ ಅಂಗವಿಕಲತೆಯನ್ನು ಮರೆತು ಹೊಸ ಕಲಾವಿದರಿಗೆ ಅವಕಾಶ ನೀಡುತ್ತಿರುವ ಇವರ ಕೆಲಸ ಶ್ಲಾಘನೀಯ ಎಂದು ಅಭಿಪ್ರಾಯಪಟ್ಟರು.

ಕೀಬೋರ್ಡ್ ವಾದಕರಾದ ಮೈಸೂರಿನ ಅಪ್ಪಾಜಿ, ಎಚ್.ರಾಜೇಶ್, ರಿಧಂ ಪ್ಯಾಡ್ ಎನ್.ಅರುಣ್‌ಕುಮಾರ್, ತಬಲ ಎಂ.ಸಿ.ಜಗದೀಶ್ ಅವರ ಸ್ವಯಂ ನುಡಿಸುವಿಕೆಯಲ್ಲಿ ಗಾಯಕರಾದ ಅಶ್ವಿನಿ ಶಾಸ್ತ್ರಿ, ಸಿಂಚನಾ ಗೋಪಾಲ್, ದಿಶಾ ಎಸ್.ಜೈನ್, ಆರ್.ಶಂಕರ, ಡಿ.ಜಿ.ಪುಟ್ಟರಾಜು, ಮೋಹನ್ ರಾಗಿಮುದ್ದನಹಳ್ಳಿ, ಎಸ್.ಆನಂದ್, ಎನ್.ಪ್ರಸನ್ನ, ಮೋಹನ್ ಬಾಬು ಅವರು ಹಳೆಯ ಚಲನಚಿತ್ರಗೀತೆಗಳನ್ನು ಹಾಡುವ ಮೂಲಕ ಪ್ರೇಕ್ಷಕರನ್ನು ರಂಜಿಸಿದರು. ಕುಂದಾಪುರ ಪ್ರಭು ಅವರ ಜೂನಿಯರ್ ಪ್ರಭಾಕರ್ ನಟನೆಯೂ ಗಮನ ಸೆಳೆಯಿತು.