ಸಮಾಜದಲ್ಲಿಂದು ಹೃದಯವಂತಿಕೆ ಕೊರತೆ ಇದೆ: ಚೊನ್ನಿಕೇರಿ

ಕನ್ನಡಪ್ರಭ ವಾರ್ತೆ ಬೀದರ್

ನಗರದ ಡಾ. ಚನ್ನಬಸವ ಪಟ್ಟದೇವರ ಪ್ರಸಾದ ನಿಲಯದಲ್ಲಿ 177ನೇ ತಿಂಗಳ ಅನುಭವ ಮಂಟಪ ಕಾರ್ಯಕ್ರಮ ಹಾಗೂ ಹೂಗಾರ ಮಾದಯ್ಯನವರ ಜಯಂತಿ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಎಲ್ಲೆಡೆ ದ್ವೇಷ, ಅಸೂಯೆ, ಕೊಲೆ, ದರೋಡೆ ಹೆಚ್ಚುತ್ತಲಿವೆ ಇದಕ್ಕೆಲ್ಲಾ ಶರಣರ, ಸಂತರ ಸತ್ಸಂಗದ ಕೊರೆತೆ ಇದೆ. ಮಕ್ಕಳಲ್ಲಿ ಬಸವ ಸಂಸ್ಕೃತಿಯಾದ ಇಷ್ಠಲಿಂಗ ಪೂಜೆ, ದಯಾಪರತೆ, ಗೌರವ ಮಾನವಿಯ ಗುಣಗಳನ್ನು ಕಲಿಸಿಕೊಟ್ಟಾಗ ಮಾತ್ರ ಮಕ್ಕಳು ಸಮಾಜದ ಉತ್ತಮ ಪ್ರಜೆಯಾಗಲು ಸಾಧ್ಯವಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಕರ್ನಾಟಕ ಕಾಲೇಜಿನ ಕನ್ನಡ ಪ್ರಾಧ್ಯಾಪಕರಾದ ಡಾ. ಸುನಿತಾ ಕೂಡ್ಲಿಕರ್ ಅವರು ‘ಹೂಗಾರ ಮಾದಯ್ಯ’ ನವರ ಕುರಿತು ಅನುಭಾವ ನುಡಿಗಳನ್ನು ಮಂಡಿಸಿದರು.

ಅನುಭವ ಮಂಟಪ ಸಂಸ್ಕೃತಿ ವಿದ್ಯಾಲಯದ ವಿದ್ಯಾರ್ಥಿನಿ ನೇಹಾ ವೀರಶೆಟ್ಟಿ ‘ಬಸವ ಸಂಸ್ಕೃತಿ’ ಕುರಿತು ಮಾತನಾಡಿದರು.

ದಾಸೋಹಿಗಳಾದ ವಿಜಯಕುಮಾರ ಬಾಬಣೆ ಗುರುಬಸವ ಪೂಜೆ ನೆರವೇರಿಸಿದರು. ವಿಜಯಕುಮಾರ ಬಾಬಣೆ ಸ್ವಾಗತಿಸಿದರು. ಪ್ರೊ.ಉಮಾಕಾಂತ ಮೀಸೆ ನಿರೂಪಿಸಿದರೆ, ರಾಜಾಬಾಯಿ ವಂದಿಸಿದರು.