ಜಿಲ್ಲಾ ಮಟ್ಟದ 5ನೇ ಜಾನಪದ ಸಮ್ಮೇಳನಾಧ್ಯಕ್ಷರಿಗೆ ಸಾಂಪ್ರದಾಯಿಕ ಆಹ್ವಾನ

ಕನ್ನಡಪ್ರಭ ವಾರ್ತೆ, ಅಜ್ಜಂಪುರ

ಕರ್ನಾಟಕ ಜಾನಪದ ಪರಿಷತ್ತಿನ ಚಿಕ್ಕಮಗಳೂರು ಜಿಲ್ಲಾ ಘಟಕ, ಅಜ್ಜಂಪುರ ತಾಲೂಕು, ಶಿವನಿ ಹೋಬಳಿ ಕಲ್ಲೇನಹಳ್ಳಿ ಘಟಕಗಳ ಸಹಯೋಗದಲ್ಲಿ ನೀಡಿದ ಆಹ್ವಾನ ಸ್ವೀಕರಿಸಿ ಮಾತನಾಡಿದ ಕರಿಬಸಪ್ಪ, ಸುಮಾರು 35 ವರ್ಷಗಳಿಂದ ಜಾನಪದ ಕಲಾವಿದನಾಗಿ, ಪ್ರೌಢಶಾಲಾ ಮುಖ್ಯ ಶಿಕ್ಷಕನಾಗಿ, ವಿದ್ಯಾರ್ಥಿಗಳಿಗೆ ಜನಪದ ಕಲಾವಿದರಿಗೆ, ಜನಪದ ಕಲೆ ಸಾಹಿತ್ಯ ಸಂಸ್ಕೃತಿ ಸಂಗೀತ, ಸೇವೆಗೆ ಕೊಟ್ಟ ಪ್ರೋತ್ಸಾಹ ಇಂದು ಜಿಲ್ಲಾ ಮಟ್ಟದ ಸಮ್ಮೇಳನದ ಅಧ್ಯಕ್ಷನಾಗುವ ಸುವರ್ಣ ಅವಕಾಶ ಒದಗಿಸಿದೆ ಎಂದರು.

ಕರ್ನಾಟಕ ಜಾನಪದ ಪರಿಷತ್ತಿನ ಜಿಲ್ಲಾಧ್ಯಕ್ಷ ಜಿ.ಬಿ.ಸುರೇಶ್ ಮಾತನಾಡಿ, ಜನಪದ ಕಲಾವಿದರು ಮೂಲ ಕೃಷಿಕರೇ ಆಗಿದ್ದು ಜೀವನಾಡಿ ಕೃಷಿಯೊಂದಿಗೆ ಜಾನಪದ ಕಲೆಗಳನ್ನು ಉಳಿಸಬೇಕಾಗಿದೆ. ಈ ಕಲೆಯನ್ನೆ ನಂಬಿ ಬದುಕುವ ಕಲಾವಿದರಿದ್ದಾರೆ. ಹಾಗಾಗಿ ಈಗ ಕೊಡುತ್ತಿರುವ ಮಾಶಾಸನ ಏನಕ್ಕೂ ಸಾಕಾಗುತ್ತಿಲ್ಲ. ಜನಪದ ಕಲಾವಿದರನ್ನು ಕಡೆಗಣಿಸಿದರೆ ಮುಂದಿನ ದಿನಗಳಲ್ಲಿ ಈ ಜಾನಪದ ಕಲೆ, ಸಾಹಿತ್ಯ ಕಣ್ಮರೆಯಾಗುತ್ತವೆ. ಸರ್ಕಾರ ಈ ಕಲೆ ಮತ್ತು ಕಲಾವಿದರನ್ನು ಆರ್ಥಿಕ ಸಹಕಾರ ನೀಡಿ ಹೆಚ್ಚು ಪ್ರೋತ್ಸಾಹಿಸಬೇಕಾಗಿದೆ ಎಂದು ಕೋರಿದರು.

ಸಾಹಿತಿ ದಂದೂರು ರಾಜಣ್ಣ ಮಾತನಾಡಿ, ಜಾನಪದ ಕಲೆ ಸಾಹಿತ್ಯ ಸಂಗೀತ ಸಂಸ್ಕೃತಿಯ ಬಗ್ಗೆ ಕುಟುಂಬದ ಹಿರಿಯರು ತಮ್ಮ ಮಕ್ಕಳಿಗೆ ಚಿಕ್ಕಂದಿನಿಂದಲೇ ತಿಳಿ ಹೇಳಬೇಕು ಎಂದರು.

29ಕೆಕೆಡಿಯು3.