ಶಿರಾಡಿಯಲ್ಲಿ ಅನಿರ್ದಿಷ್ಟಾವಧಿ ರೈಲು ಸಂಚಾರ ಬಂದ್‌

ಕನ್ನಡಪ್ರಭ ವಾರ್ತೆ ಸಕಲೇಶಪುರಪಟ್ಟಣದ ಆಚಂಗಿ ಗ್ರಾಮ ಸಮೀಪ ರೈಲ್ವೆಹಳಿಯ ಮೇಲೆ ಭಾರಿ ಪ್ರಮಾಣದ ಭೂಕುಸಿತ ಸಂಭವಿಸಿದ ಪರಿಣಾಮ ಆರು ರೈಲುಗಳ ಸಂಚಾರವನ್ನು ಅನಿರ್ದಿಷ್ಟಾವಧಿಯವರಗೆ ತಡೆಹಿಡಿಯಲಾಗಿದೆ.

ರೈಲಿನಲ್ಲೇ ಜಾಗರಣೆ: ಮಧ್ಯರಾತ್ರಿ ಗುಡ್ಡ ಕುಸಿದಿದ್ದರಿಂದ ಮೂರು ರೈಲುಗಳ ಸಂಚಾರವನ್ನು ಮಾರ್ಗಮಧ್ಯೆ ತಡೆಹಿಡಿಯಲಾಗಿದ್ದು ಇನ್ನೂ ಮೂರು ರೈಲುಗಳ ಸಂಚಾರವನ್ನು ಆರಂಭದಲ್ಲೆ ತಡೆಹಿಡಿಯಲಾಗಿದೆ. ಮಂಗಳೂರಿನಿಂದ ಬೆಂಗಳೂರಿನೆಡೆಗೆ ಸಂಚರಿಸುತ್ತಿದ್ದ ರೈಲನ್ನು ಸಕಲೇಶಪುರ ರೈಲು ನಿಲ್ದಾಣದಲ್ಲಿ ತಡೆಹಿಡಿಯಲಾದರೆ, ಬೆಂಗಳೂರಿನಿಂದ ಮಂಗಳೂರಿನೆಡೆಗೆ ಚಲಿಸುತ್ತಿದ್ದ ರೈಲುಗಳನ್ನು ಆಲೂರು ಹಾಗೂ ಹಾಸನ ರೈಲ್ವೆ ನಿಲ್ದಾಣದಲ್ಲಿ ತಡೆಯಡಿಯಲಾಗಿತ್ತು. ಈ ಮೂರು ರೈಲುಗಳಲ್ಲಿದ್ದ ಸಾವಿರಾರು ಮಂದಿ ರೈಲಿನಲ್ಲೆ ರಾತ್ರಿ ಕಳೆದರು. ಮುಂಜಾನೆ ಎಲ್ಲ ಪ್ರಯಾಣಿಕರಿಗೆ ರೈಲ್ವೆ ಇಲಾಖೆ ಬಿಸ್ಕೆಟ್, ಕಾಫಿ ಹಾಗೂ ತಿಂಡಿ ನೀಡುವ ಮೂಲಕ ಉಪಚರಿಸಿ ಹಾಸನ ಹಾಗೂ ಸಕಲೇಶಪುರ ಡಿಪೋಗೆ ಸೇರಿದ ಸುಮಾರು ೩೦ ಬಸ್‌ಗಳಲ್ಲಿ ವಿವಿಧ ಊರುಗಳಿಗೆ ಕಳುಹಿಸಿ ಕೊಡಲಾಯಿತು. ಪಟ್ಟಣದ ಆಚಂಗಿ ಸಮೀಪ ರೈಲ್ವೆಹಳಿಯ ಮೇಲೆ ಕುಸಿದಿರುವ ಗುಡ್ಡ ಜುಲೈ ತಿಂಗಳ ಅಂತ್ಯದಲ್ಲಿ ಸುರಿದ ಭಾರಿ ಮಳೆಯ ವೇಳೆಯು ಕುಸಿದಿದ್ದು ತಕ್ಷಣವೇ ತೆರವುಗೊಳಿಸಲಾಗಿತ್ತು.

*ಬಾಕ್ಸ್‌: ಪರೀಕ್ಷೆ ಬರೆಯಲಾಗದೇ ಯುವಕ ಅಸಮಾಧಾನ