ಕುಮಟಾ ಎಪಿಎಂಸಿಯಲ್ಲಿ ಪಾರದರ್ಶಕ ವಹಿವಾಟು

ಸುದ್ದಿಗೋಷ್ಠಿಯಲ್ಲಿ ಎಪಿಎಂಸಿ ವರ್ತಕರ, ದಲಾಲರ, ಹಮಾಲರ ಪ್ರತಿನಿಧಿ ಅರವಿಂದ ಪೈ

ದಿ. ಟಿ.ಟಿ. ಹೆಗಡೆಯವರು ರೈತರಿಗಾಗಿಯೇ ಕಟ್ಟಿ ಬೆಳೆಸಿದ ಕುಮಟಾ ಎಪಿಎಂಸಿಯಲ್ಲಿ ಅಡಕೆ ಮಾರಾಟ ವ್ಯವಸ್ಥೆಯು ಅತ್ಯಂತ ಪ್ರಾಮಾಣಿಕ ಹಾಗೂ ಪಾರದರ್ಶಕವಾಗಿ ನಡೆಯುತ್ತಿದೆ. ರೈತರಿಗೆ ಯಾವುದೇ ಶೋಷಣೆ, ಅನ್ಯಾಯವಾಗುತ್ತಿಲ್ಲ ಎನ್ನುವುದಕ್ಕೆ ಇಲ್ಲಿ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ಅಡಕೆ ಮಾರಾಟ ಪ್ರಮಾಣವೇ ಸಾಕ್ಷಿ ಎಂದು ಎಪಿಎಂಸಿ ವರ್ತಕರ, ದಲಾಲರ, ಹಮಾಲರ ಪ್ರತಿನಿಧಿ ಅರವಿಂದ ಪೈ ತಿಳಿಸಿದರು.

ಕುಮಟಾ ಎಪಿಎಂಸಿಯಲ್ಲಿ ೨೦-೨೧ ರಲ್ಲಿ ೬೬೪೫೪ ಕ್ವಿಂಟಲ್ ಅಡಕೆ ಮಾರಾಟ, ೨೧-೨೨ ರಲ್ಲಿ ೬೮೯೦೦ ಕ್ವಿಂಟಲ್ ಅಡಕೆ ಮಾರಾಟ, ೨೨-೨೩ ರಲ್ಲಿ ೭೮೬೧೮ ಕ್ವಿಂಟಲ್ ಅಡಕೆ ಮಾರಾಟವಾಗಿರುವುದು ರೈತರ ವಿಶ್ವಾಸ, ಸ್ಪಂದನೆಯ ಧ್ಯೋತಕ. ಇಲ್ಲಿ ರೈತರಿಗೆ ಶೋಷಣೆಯಾಗುತ್ತಿಲ್ಲ, ಪಾರದರ್ಶಕ, ಪ್ರಾಮಾಣಿಕ ವಹಿವಾಟು ನಡೆಯುತ್ತಿರುವುದಕ್ಕೆ ಇದು ಸಾಕ್ಷಿ ಎಂದರು.

ಅಡಕೆ ಸೊಸೈಟಿ ಅಧ್ಯಕ್ಷ ಪ್ರಕಾಶ ಭಟ್ ಮಾತನಾಡಿ, ಯಾರಿಗೂ ಅನ್ಯಾಯವಾಗುವ ರೀತಿಯಲ್ಲಿ ವ್ಯವಹಾರ ನಡೆದಿಲ್ಲ. ಸದ್ಯ ಕಾರವಾರದಿಂದ ಭಟ್ಕಳದವರೆಗೆ ಎಪಿಎಂಸಿ ಅಡಕೆ ವಹಿವಾಟು ಎಂದರೆ ಕುಮಟಾದಲ್ಲಿ ಮಾತ್ರ, ರೈತರ ದಾರಿ ತಪ್ಪಿಸಲು ಸಂಬಂಧವಿಲ್ಲದವರು ಅಪಪ್ರಚಾರ ಮಾಡುವುದನ್ನು ಎಲ್ಲರೂ ಖಂಡಿಸುತ್ತೇವೆ ಎಂದರು.