ವಿಲೇವಾರಿಯಾಗದ ಕಸ, ಅಧಿಕಾರಿಗಳಿಗೆ ತರಾಟೆ

ಧಾರವಾಡ:

ಇಲ್ಲಿಯ ಮಹಾನಗರ ಪಾಲಿಕೆ ಸ್ವಾತಂತ್ರ್ಯ ಅಮೃತ ಮಹೋತ್ಸವ ಭವನದಲ್ಲಿ ಬುಧವಾರ ನಡೆದ ಸಾಮಾನ್ಯ ಸಭೆಯಲ್ಲಿ ಪಕ್ಷಬೇಧ ಮರೆತು ಬಿಜೆಪಿ, ಕಾಂಗ್ರೆಸ್‌, ಜೆಡಿಎಸ್‌ ಸದಸ್ಯರು ಮಹಾನಗರ ಪಾಲಿಕೆ ಆಯುಕ್ತರು ಹಾಗೂ ಅಧಿಕಾರಿಗಳಿಗೆ ಕಸ ವಿಲೇವಾರಿ ಕುರಿತು ತರಾಟೆಗೆ ತೆಗೆದುಕೊಂಡಿದ್ದೇ ಇದಕ್ಷೆ ಸಾಕ್ಷಿ. ಒಂದು ಹಂತದಲ್ಲಿ ಸದಸ್ಯರನ್ನು ಸಮಾಧಾನ ಮಾಡಲು ಬಂದ ಮೇಯರ್‌ ಅನುಪಸ್ಥಿತಿಯಲ್ಲಿ ಮೇಯರ್‌ ಸ್ಥಾನ ಅಲಂಕರಿಸಿದ್ದ ಉಪ ಮೇಯರ್‌ ಸಂತೋಷ ಹಾನಗಲ್‌ ಅವರನ್ನು ಸದಸ್ಯರು ಗದರಿಸಿದರು.

ಸರಿಯಾಗಿ ಮನೆ-ಮನೆಗೆ ಕಸದ ವಾಹನಗಳು ಹೋಗಿ ಕಸ ಸಂಗ್ರಹಿಸುತ್ತಿಲ್ಲ, ಬರೀ ರಿಪೇರಿ ನೆಪ ಹೇಳಲಾಗುತ್ತಿದೆ. ಇನ್ನು, ಅಲಲ್ಲಿ ಬಿದ್ದಿರುವ ಕಸ ಸಂಗ್ರಹಿಸುವ ಟ್ರ್ಯಾಕ್ಟರ್‌ಗಳೂ ಒಂದೊಂದು ಬಡಾವಣೆಗೆ ತಿಂಗಳುಗಟ್ಟಲೇ ಬರುವುದಿಲ್ಲ. ಪೌರ ಕಾರ್ಮಿಕರು ಸರಿಯಾಗಿ ಕಾರ್ಯ ನಿರ್ವಹಿಸದ ಹಿನ್ನೆಲೆಯಲ್ಲಿ ಅವಳಿ ನಗರ ಸುಂದರ ನಗರ ಎಂಬುದು ಹೆಸರಿಗಷ್ಟೇ ಎಂದು ಸದಸ್ಯರು ತರಾಟೆಗೆ ತೆಗೆದುಕೊಂಡರು. ಜತೆಗೆ ಅವಳಿ ನಗರದಲ್ಲಿ ಸಮರ್ಪಕ ಕಸ ವಿಲೇವಾರಿ ಆಗದಿರಲು ನಿಖರ ಕಾರಣವೇನು? ಕಸದ ವಾಹನಗಳೆಷ್ಟು? ಈ ಪೈಕಿ ಎಷ್ಟು ಚಾಲ್ತಿ, ಎಷ್ಟು ರಿಪೇರಿ ಇವೆ. ಪೌರ ಕಾರ್ಮಿಕರ ಸಂಖ್ಯೆ ಎಷ್ಟು? ಈ ಪೈಕಿ ಎಷ್ಟು ಜನರು ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಎಷ್ಟು ಜನರು ಬರೀ ಹಾಜರಿ ಹಾಕುತ್ತಿದ್ದಾರೆ? ಎಂಬ ಪ್ರಶ್ನೆಗಳನ್ನು ಪಾಲಿಕೆ ಅಧಿಕಾರಿಗಳ ಮುಂದಿಟ್ಟರು.

ಕಸ ವಿಲೇವಾರಿ ಟ್ರ್ಯಾಕ್ಟರ್‌ಗಳಿಗೆ ಬಾಡಿಗೆ ಕೊಡಲಾಗದ ನಿಮಗೆ ಹೊಸ ವಾಹನ ಖರೀದಿಸಿ ಅವುಗಳನ್ನು ಹೇಗೆ ಕಾರ್ಯಗತಗೊಳಿಸಲು ಸಾಧ್ಯ. ಈ ವಿಚಾರವಾಗಿ ಅಧಿಕಾರಿಗಳು ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಕಾಂಗ್ರೆಸ್ ಸದಸ್ಯರು ಕಿಡಿಕಾರಿದರು. ಆಗ ಕೈಗೊಂಡ ಕ್ರಮಗಳ ಬಗ್ಗೆ ಅಧಿಕಾರಿಗಳು ಮಾಹಿತಿ ನೀಡಿದರೂ ಕಾಂಗ್ರೆಸ್ ಸದಸ್ಯರು ತೃಪ್ತರಾಗಲಿಲ್ಲ. ಈ ಮಧ್ಯೆ ಮೇಯರ್ 2024-25ನೇ ಸಾಲಿನ ಆಯವ್ಯಯ ಅಂದಾಜು ಪತ್ರಿಕೆ ಮಂಜೂರಾತಿ ಬಗೆಗಿನ ನಡಾವಳಿ ದೃಢೀಕರಣಕ್ಕೆ ಮುಂದಾದಾಗ ಪ್ರತಿಪಕ್ಷ ಸದಸ್ಯರು ಸಭಾತ್ಯಾಗ ಮಾಡಿ ಹೊರಗಡೆ ಪ್ರತಿಭಟನೆ ನಡೆಸಿದರು. ಹೀಗಾಗಿ ಆರಂಭಗೊಂಡ ಎರಡು ಗಂಟೆಗಳಲ್ಲಿ ಸಭೆಯನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಯಿತು.

ಸಭಾತ್ಯಾಗ:

ಮಳೆಗಾಲದಲ್ಲಿ ಕಸ ವಿಲೇವಾರಿ ಸಮರ್ಪಕವಾಗಿಲ್ಲ. ನಾಲಾಗಳಲ್ಲಿ ಹೂಳು ತುಂಬಿದ್ದು, ಗಿಡ-ಗಂಟಿ ಬೆಳೆದಿವೆ. ಪಾಲಿಕೆ ಸದಸ್ಯರಿಗೆ ಅಧಿಕಾರಿಗಳು ಸ್ಪಂದಿಸುತ್ತಿಲ್ಲ. ಕರೆ ಸ್ವೀಕರಿಸುತ್ತಿಲ್ಲ. ಡೆಂಘೀ ಹಾವಳಿ ಹೆಚ್ಚಿದೆ. ಸೊಳ್ಳೆಗಳ ಕಾಟ ಮಿತಿಮೀರಿದೆ. ಈ ನಿರ್ಲಕ್ಷ್ಯದಿಂದ ಯಾರಾದರೂ ಮೃತಪಟ್ಟರೆ ಯಾರು ಹೊಣೆ ಎಂದು ಸರ್ವಪಕ್ಷಗಳ ಸದಸ್ಯರು ಕಿಡಿಕಾರಿದರು. ಈ ವೇಳೆ ಧಾರವಾಡದ ಸದಸ್ಯೆ ಲಕ್ಷ್ಮಿ ಹಿಂಡಸಗೇರಿ, ರಾಜೀವಗಾಂಧಿ ನಗರದಲ್ಲಿ ಸ್ವಚ್ಛತೆಯೇ ಇಲ್ಲ. ಗಟಾರುಗಳು ಒಡೆದಿವೆ. ಸೊಳ್ಳೆಗಳ ಕಾಟ ಮಿತಿಮೀರಿದೆ. ನಮ್ಮ ವಾರ್ಡ್‌ನಲ್ಲಿ ಯಾರಾದರು ಸತ್ತರೆ ಮೃತದೇಹದೊಂದಿಗೆ ಪಾಲಿಕೆಗೆ ಬರುವುದಾಗಿ ಎಚ್ಚರಿಸಿದರು.ಎಲ್ಲ ವಿಷಯಗಳು ಪಾಸ್‌: