ವಂದೇ ಮಾತರಂ ಗೀತೆಯಲ್ಲ: ಸ್ವಾತಂತ್ರ್ಯದ ಆತ್ಮಘೋಷಣೆ

ಕನ್ನಡಪ್ರಭ ವಾರ್ತೆ, ಬಾಳೆಹೊನ್ನೂರು

ಪಟ್ಟಣದ ಮಂಥನ ವೇದಿಕೆ ಶ್ರೀ ವಿದ್ಯಾಗಣಪತಿ ಸಮುದಾಯ ಭವನದಲ್ಲಿ ಶುಕ್ರವಾರ ಆಯೋಜಿಸಿದ್ದ ಮಂಥನ ಕಾರ್ಯಕ್ರಮದಲ್ಲಿ ಮಾತನಾಡಿದರು. 150 ವರ್ಷಗಳ ಇತಿಹಾಸದಲ್ಲಿ ರಾಷ್ಟ್ರಭಕ್ತಿಯ ಕಿಚ್ಚು ಹೊತ್ತಿಸಿದ ಅಮರ ಗೀತೆ ವಂದೇ ಮಾತರಂ. ಭಾರತದ ಸ್ವಾತಂತ್ರ‍್ಯ ಹೋರಾಟದ ಇತಿಹಾಸದಲ್ಲಿ ಕೆಲವು ಘೋಷಣೆಗಳು ಕೇವಲ ಪದಗಳಾಗಿ ಉಳಿಯದೆ, ಕೋಟ್ಯಂತರ ಜನರ ಹೃದಯದ ಭಾವನೆಗಳಾಗಿ ಬೆಳೆದಿವೆ. ಅಂತಹ ಅಮರ ಘೋಷಣೆಗಳಲ್ಲಿ ವಂದೇ ಮಾತರಂ ಅಗ್ರಸ್ಥಾನದಲ್ಲಿದೆ.

ಬ್ರಿಟಿಷರ ಆಳ್ವಿಕೆ ಕಾಲಘಟ್ಟದಲ್ಲಿ ರಾಷ್ಟ್ರಪ್ರೇಮ ಮತ್ತು ದೇಶದ ಸ್ವಾತಂತ್ರ‍್ಯದ ಆಶಯ ಜನರಲ್ಲಿ ಜಾಗೃತಗೊಳಿಸುವಲ್ಲಿ ಈ ಕಾದಂಬರಿ ಹಾಗೂ ಗೀತೆ ಮಹತ್ವದ ಪಾತ್ರ ವಹಿಸಿತು. 1905ರಲ್ಲಿ ಬ್ರಿಟಿಷರು ಬಂಗಾಳ ವಿಭಜನೆಗೆ ಮುಂದಾದಾಗ ದೇಶಾ ದ್ಯಂತ ಸ್ವದೇಶಿ ಚಳವಳಿ ಪ್ರಬಲವಾಗಿ ಬೆಳೆಯಿತು. ಈ ಸಂದರ್ಭದಲ್ಲಿ ವಂದೇ ಮಾತರಂ ಕೇವಲ ಗೀತೆಯಾಗಿ ಉಳಿಯದೆ, ಸ್ವಾತಂತ್ರ‍್ಯ ಹೋರಾಟಗಾರರ ಹೋರಾಟದ ಘೋಷಣೆಯಾಯಿತು.

ರಾಷ್ಟ್ರಗೀತೆ ಜನಗಣಮನ ಮತ್ತು ರಾಷ್ಟ್ರೀಯ ಗೀತೆ ವಂದೇ ಮಾತರಂ ಎರಡೂ ಭಾರತೀಯರ ರಾಷ್ಟ್ರೀಯ ಬದುಕಿನಲ್ಲಿ ವಿಶಿಷ್ಟ ಸ್ಥಾನ ಹೊಂದಿವೆ. ಇಂದು ನಾವು ಸ್ವತಂತ್ರ ಭಾರತದಲ್ಲಿ ಬದುಕುತ್ತಿದ್ದೇವೆ. ಆದರೆ ದೇಶದ ಮೇಲಿನ ಜವಾಬ್ದಾರಿ ಮುಗಿದಿಲ್ಲ. ದೇಶದ ಏಕತೆ, ಸಾಮಾಜಿಕ ಸಾಮರಸ್ಯ, ಪರಿಸರ ಸಂರಕ್ಷಣೆ, ರೈತರ ಕಲ್ಯಾಣ, ಸ್ವದೇಶಿ ಚಿಂತನೆ ಮತ್ತು ರಾಷ್ಟ್ರೀಯ ಅಭಿವೃದ್ಧಿಗೆ ಪ್ರತಿಯೊಬ್ಬ ನಾಗರಿಕನೂ ಕೊಡುಗೆ ನೀಡಬೇಕಿದೆ ಎಂದರು.

ಪ್ರಗತಿಪರ ಕೃಷಿಕ ಮಹೇಶ ಕುಮಾರ್ ಮಣಬೂರು ಮಾತನಾಡಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಕಾರ್ಯಕರ್ತರು ನಿಸ್ವಾರ್ಥವಾಗಿ ಕಾರ್ಯನಿರ್ವಹಿಸುತಿರುವುದರಿಂದ ೧೦೦ ವರ್ಷಗಳಿಂದ ಸಂಘ ತನ್ನ ಕಾರ್ಯ ತನ್ನ ಪಾಡಿಗೆ ಮಾಡುತ್ತಿದೆ. ಮುಂದೆಯೂ ಹಳ್ಳಿ ಹಳ್ಳಿಗಳಲ್ಲಿ ಸಂಘದ ಶಾಖೆ ಆದಾಗ ದೇಶ ಮತ್ತು ಧರ್ಮದ ಬಗ್ಗೆ ಸರಿಯಾದ ತಿಳುವಳಿಕೆ ಬರುತ್ತದೆ ಎಂದರು.

ಬಾಳೆಹೊನ್ನೂರಿನ ಮಂಥನ ವೇದಿಕೆ ಆಯೋಜಿಸಿದ್ದ ವಂದೇ ಮಾತರಂ ಕುರಿತ ಮಂಥನ ಕಾರ್ಯಕ್ರಮದಲ್ಲಿ ವಿವಿಧ ರಾಷ್ಟ್ರೀಯ ಸಾಹಿತ್ಯದ ಕೃತಿಗಳನ್ನು ಬಿಡುಗಡೆಗೊಳಿಸಲಾಯಿತು. ರಾಜೇಶ್ ಪದ್ಮಾರ್, ಮಹೇಶ್ ಕುಮಾರ್, ಪ್ರಶಾಂತ್ ಲಿಂಬೆಕೊಂಡ ಹಾಜರಿದ್ದರು.