ಜಗಳೂರು ಕೆರೆಗೆ ನೀರು: ಕ್ಷೇತ್ರ ಜನತೆಗೆ ಸಂತಸ

ಕನ್ನಡ ಪ್ರಭವಾರ್ತೆ ಜಗಳೂರು

ಪಟ್ಟಣದ ಜಗಳೂರುಕೆರೆಗೆ ತುಂಗಾಭದ್ರದಿಂದ ನೀರು ಹರಿದು ಬಂದ ಹಿನ್ನೆಲೆ ಶನಿವಾರ ಹಮ್ಮಿಕೊಂಡಿದದ ಸಂಭ್ರಮೋತ್ಸವದಲ್ಲಿ ಮಾತನಾಡಿ, ತಾಲೂಕಿನ ಕೆರೆಗಳಿಗೆ ನೀರು ತುಂಬಿಸುವ ಮಹತ್ವದ ಯೋಜನೆ ಯಶಸ್ಸಿಗೆ ಸಿರಿಗೆರೆ ಡಾ.ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಪರಿಶ್ರಮ ಹಾಗೂ ಸಿಎಂ ಸಿದ್ದರಾಮಯ್ಯ ಕಾಳಾಜಿಯಾಗಿದೆ. ಈ ಯೋಜನೆ ಯಶಸ್ಸಿನಲ್ಲಿ ಮಾಜಿ ಶಾಸಕರಾದ ಎಚ್.ಪಿ ರಾಜೇಶ್, ಎಸ್.ವಿ ರಾಮಚಂದ್ರ ಸೇರಿ ನಮ್ಮ ಮೂರು ಜನರ ಪಾತ್ರವು ಇದೆ. ನಮ್ಮ ಉದ್ದೇಶ ಕ್ಷೇತ್ರದ ಅಭಿವೃದ್ಧಿಗೆ ಪಕ್ಷ ಭೇದ ಮರೆತು ನಾವೆಲ್ಲರು ಒಂದಾಗಿ ಕೆಲಸ ಮಾಡುತ್ತೇವೆ. ೫೭ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ಯಶಸ್ವಿಯಾಗಿದೆ. ಭದ್ರಾ ಮೇಲ್ದಂಡೆ ಯೋಜನೆ, ಬಹುಗ್ರಾಮ ಕುಡಿಯುವ ನೀರು ಯೋಜನೆ ಸೇರಿ ನೀರಾವರಿ ಯೋಜನೆ ಜಾರಿಗೆ ಬರುವ ಸಮೀಪವಿದ್ದು, ಆದಷ್ಟು ಬೇಗ ಇದಕ್ಕೆ ಹಸಿರು ನಿಶಾನೆ ತೋರಿಸಲಾಗುವುದು ಎಂದು ತಿಳಿಸಿದರು.

ಮಾಜಿ ಶಾಸಕ ಎಚ್.ಪಿ ರಾಜೇಶ್ ಮಾತನಾಡಿ, ಜಗಳೂರು ಕೆರೆ ಅಭಿವೃದ್ಧಿಗೆ ಸುಮಾರು ₹೨ ಕೋಟಿ ಅನುದಾನದಲ್ಲಿ ಸುತ್ತಲು ವಾಕ್ ಪಾತ್ ನಿರ್ಮಾಣ ಮಾಡಲಾಗಿತ್ತು. ಕೆರೆ ಹೂಳು ತೆಗೆಸಲಾಗಿತ್ತು. ಇದೀಗ ನೀರು ಬಂದ ಮೇಲೆ ಉತ್ತಮ ವಾತಾವರಣ ನಿರ್ಮಾಣವಾಗಲಿದೆ. ತಾಲೂಕಿನ ೪೬ ಕೆರೆ, ಅರಸಿಕೆರೆ ಹೋಬಳಿ ೧೧ ಕೆರೆ ಸೇರಿ ೫೭ ಕೆರೆಗಳಿಗೆ ನೀರು ಬರಲಿದೆ. ಇದರಲ್ಲಿ ಸಿರಿಗೆರೆ ಶ್ರೀಗಳು ಶ್ರಮ ತುಂಬ ಇದೆ. ಎಸ್.ಎಸ್ ಮಲ್ಲಿಕಾರ್ಜುನ, ಎಂ.ಬಿ ಪಾಟೀಲ್, ಎಚ್. ಆಂಜನೇಯ ನೆನಸಿಕೊಳ್ಳಬೇಕು, ಸಿದ್ದರಾಮಯ್ಯ ಅವರ ಕಾರ್ಯದರ್ಶಿ ಅತೀಕ್ ಅವರ ಕೊನೆಗಳಿಗೆಯಲ್ಲಿ ಬಜೆಟ್‌ ಸೇರಿಸುವಲ್ಲಿ ಮುಖ್ಯವಾಗಿದ್ದಾರೆ. ಬಿಜೆಪಿ ಸರ್ಕಾರದ ಅವದಿಯಲ್ಲಿ ರಾಮಚಂದ್ರ ಸಾಕಷ್ಟು ಒತ್ತು ನೀಡಿದ್ದರು ಎಂದರು. ಸಿಹಿ ಹಂಚಿ ಸಂಭ್ರಮ:

ಈ ಸಂದರ್ಭದಲ್ಲಿ ಜೆಡಿಎಸ್ ರಾಜ್ಯ ಕಾರ್ಯದರ್ಶಿ ಕಲ್ಲೇರುದ್ರೇಶ್, ಕೆಪಿಸಿಸಿ ಎಸ್ಟಿ ಘಟಕದ ರಾಜ್ಯಾಧ್ಯಕ್ಷ ಕೆ.ಪಿ ಪಾಲಯ್ಯ, ಬಿಜೆಪಿ ಮಂಡಲ್ ಅಧ್ಯಕ್ಷ ಎಚ್.ಸಿ ಮಹೇಶ್ ಬ್ಲಾಕ್ ಕಾಂಗ್ರೆಸ್ ತಾಲೂಕಾಧ್ಯಕ್ಷ ಷಂಷೀರ್ ಅಹಮದ್, , ಮಾಜಿ ತಾ.ಪಂ ಸದಸ್ಯ ಸಿದ್ದೇಶ್, ಪ.ಪಂ ಮಾಜಿ ಸದಸ್ಯ ಮಂಜುನಾಥ್, ಪೂಜಾರಿ ಸಿದ್ದಪ್ಪ, ಗ್ಯಾರಂಟಿ ಅನುಷ್ಠಾನ ಯೋಜನೆಯ ಸದಸ್ಯ ರಮೇಶ್ ಸರ್ಕಾರ್, ಡಿ.ವಿ ನಾಗಪ್ಪ,ಮರುಳಾರಾಧ್ಯ, ಸೇರಿದಂತೆ ಮತ್ತಿತರರಿದ್ದರು.