ಶಿಕ್ಷಕರಲ್ಲಿ ಕೌಶಲ್ಯ ಹೆಚ್ಚಿಸಲು ಕಾರ್ಯಾಗಾರಗಳು ನಿರಂತರವಾಗಿರಬೇಕು: ಮಧು ಜಿ.ಮಾದೇಗೌಡ

ಕನ್ನಡಪ್ರಭ ವಾರ್ತೆ ಕೆ.ಎಂ.ದೊಡ್ಡಿ

ಭಾರತೀ ವಿದ್ಯಾ ಸಂಸ್ಥೆಯ ಡೈಮಂಡ್ ಜುಬಿಲಿ ಬ್ಲಾಕ್ ಆವರಣದಲ್ಲಿ ಭಾರತೀ ಎಜುಕೇಷನ್ ಟ್ರಸ್ಟ್ ಮತ್ತು ಭಾರತೀ ಶಿಕ್ಷಣ ಮಹಾವಿದ್ಯಾಲಯ ಸಹಯೋಗದೊಂದಿಗೆ ಸಮಗ್ರ ನಾವೀನ್ಯತೆ ಮತ್ತು ತರಗತಿ ನಿರ್ವಹಣೆಯಲ್ಲಿ ಶಿಕ್ಷಕರನ್ನು ರೂಪಿಸುವುದು ಎಂಬ ಶೀರ್ಷಿಕೆಯ ೨ ದಿನಗಳ ಆಯೋಜಿಸಿದ್ದ ಅಧ್ಯಾಪಕರ ಅಭಿವೃದ್ಧಿ ಕಾರ್ಯಾಗಾರದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಶಿಕ್ಷಕರ ವೃತ್ತಿಪರ ಕೌಶಲ್ಯ ಹೆಚ್ಚಿಸುವ ವಿವಿಧ ತಂತ್ರಗಳು ಮತ್ತು ಸಾಧನ ಒದಗಿಸಲು ಅಧ್ಯಾಪಕರ ಕೆಲಸದ ಕಾರ್ಯಕ್ಷಮತೆ ಸುಧಾರಣೆ, ಬೋಧನಾ ವಿನ್ಯಾಸಗಳನ್ನು ಅಳವಡಿಸಿಕೊಳ್ಳಲು ವೃತ್ತಿಪರ ಅಭಿವೃದ್ಧಿ ತರಬೇತಿ ಆಯೋಜಿಸಲಾಗಿದೆ. ಇದನ್ನು ಪ್ರತಿಯೊಬ್ಬರು ಸದುಪಯೋಗ ಪಡಿಸಿಕೊಳ್ಳಬೇಕು ಎಂದರು.

ಮತ್ತೊರ್ವ ಸಂಪನ್ಮೂಲ ವ್ಯಕ್ತಿ, ಬೆಂಗಳೂರಿನ ಅಕಾಡೆಮಿ ಫಾರ್ ಕ್ರಿಯೇಟಿವ್ ಟೀಚಿಂಗ್ (ಎಸಿಟಿ) ರೇವತಿ ಲೈಯರ್ ರಾಜಾರಾಮ್ ಅವರು, ಎಫೆಕ್ಟಿವ್ ಕ್ಲಾಸ್ ರೂಮ್ ಮ್ಯಾನೇಜ್ ಮೆಂಟ್ ವಿಷಯದಲ್ಲಿ ಪರಿಣಾಮಕಾರಿ ತರಗತಿ ಸಂವಹನ ಕೌಶಲ್ಯ, ತರಗತಿಯಲ್ಲಿ ಶಿಕ್ಷಕನಿಗೆ ಇರಬೇಕಾದ ಕೌಶಲ್ಯಗಳು ಸೇರಿದಂತೆ ಇತರೆ ವಿಷಯಗಳ ಬಗ್ಗೆ ತಿಳಿಸಿದರು.

ಕಾರ್ಯಾಗಾರದಲ್ಲಿ ಎಫ್‌ಡಿಪಿ ಮುಖ್ಯ ಸಂಯೋಜಕ ಡಾ.ಎಸ್.ಎಲ್.ಸುರೇಶ್, ಭಾರತೀ ಹೆಲ್ತ್ ಸೈನ್ಸ್‌ ನಿರ್ದೇಶಕ ಡಾ. ತಮಿಜ್ ಮಣಿ, ಭಾರತಿ ಪಿಯು ಕಾಲೇಜಿನ ಆಡಳಿತಾಧಿಕಾರಿ ಜವರೇಗೌಡ, ಅಂಗ ಸಂಸ್ಥೆಯ ಪ್ರಾಂಶುಪಾಲರಾದ ಜಿ.ಬಿ.ಪಲ್ಲವಿ, ಸಿ.ವಿ.ಮಲ್ಲಿಕಾರ್ಜುನ್, ಪುಟ್ಟಸ್ವಾಮಿ, ಡಾ.ಜಿ.ಶಾಂತ ಕುಮಾರ್, ಡಾ.ಮಂಜು ಎಂ ಜಾಕೋಬ್, ಎನ್. ರಾಚಪ್ಪಾಜಿ, ಡಾ.ಮಹೇಶ್ ಕುಮಾರ್ ಜಿ ಲೋನಿ, ರಾಜೇಂದ್ರ ರಾಜೇ ಅರಸ್, ಸಿ.ರಮ್ಯ, ಡಾ.ಪೂರ್ಣಿಮಾ, ಎಫ್‌ಡಿಪಿ ಸಂಯೋಜಕ ಬಿ.ಎನ್.ಕಿರಣ್, ಕೆ.ಪಿ. ಅಪರ್ಣಾ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.