ಇಂದಿನ ನಿಮ್ಮ ಕಠಿಣ ಶ್ರಮವೇ ಭವಿಷ್ಯಕ್ಕೆ ದಾರಿದೀಪ

ಸಂಡೂರು: ಇಂದಿನ ನಿಮ್ಮ ಕಠಿಣ ಶ್ರಮವೇ ಮುಂದೆ ಭವಿಷ್ಯಕ್ಕೆ ದಾರಿದೀಪವಾಗಲಿದೆ ಎಂದು ಸ್ಮಯೋರ್ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಬಹಿರ್ಜಿ ಅಜಯ್ ಘೋರ್ಪಡೆ ಅಭಿಪ್ರಾಯಪಟ್ಟರು.ಪಟ್ಟಣದ ಎಸ್.ಆರ್.ಎಸ್ ಶಾಲೆಯ ಡೈಮಂಡ್ ಜುಬಿಲಿ ಹಾಲ್‌ನಲ್ಲಿ ಸಂಡೂರು ವಸತಿ ಶಾಲೆಯ ೬೬ನೇ ವಾರ್ಷಿಕೋತ್ಸವ ಸಮಾರಂಭವನ್ನು ಉದ್ದೇಶಿಸಿ ಅವರು ಮಾತನಾಡಿದರು.

ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಡಾ. ಗೋವಿಂದ ರಾವ್ ಅವರು ಮಾತನಾಡಿದರು.

ಸಂಜೆ ಶಾಲಾ ಮಕ್ಕಳಿಂದ “ವಸುಧೈವ ಕುಟುಂಬ” ಎನ್ನುವ ಹಿಂದಿ ರೂಪಕವು ನಡೆಯಿತು. ಈ ರೂಪಕವನ್ನು ಶಾಲೆಯ ಹಿಂದಿ ಶಿಕ್ಷಕಿಯಾದ ಪ್ರೇರಣ ಯಾದವ್ ಅವರು ನಿರ್ದೇಶಿಸಿದ್ದರು. ಅಲ್ಲದೇ ಮಕ್ಕಳಿಂದ ವಿವಿಧ ಶೈಲಿಯ ನೃತ್ಯಗಳು, ಕರಾಟೆ, ಅಲ್ಲದೇ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.

ಕಾರ್ಯಕ್ರಮದಲ್ಲಿ ರಾಜ ವಂಶಸ್ಥರಾದ ಸೂರ್ಯಪ್ರಭ ಅಜಯ್ ರಾಜೇ ಘೋರ್ಪಡೆ, ಯಶೋಧರದೇವಿ ಎಸ್ ಘೋರ್ಪಡೆ, ಏಕಾಂಬರ್ ಅಜಯ್ ಘೋರ್ಪಡೆ, ಸ್ಮಯೋರ್ ಸಂಸ್ಥೆಯ ಚೇರಮನ್‌ರಾದ ಟಿ.ಆರ್. ರಘುನಂದನ್, ಸ್ಮಯೋರ್ ಸಂಸ್ಥೆಯ ಸಿಇಒ ಕೃಷ್ಣೇಂದು ಶ್ಯಾನೆಲ್, ಶಿವಪುರ ಶಿಕ್ಷಣ ಸಮಿತಿಯ ಕಾರ್ಯದರ್ಶಿಗಳಾದ ಆಶಿಯಾಬಾನು, ಎಸ್ ಇ ಎಸ್ ಎಜ್ಯುಕೇಷನ್ ಸೊಸೈಟಿಯ ಕಾರ್ಯದರ್ಶಿಗಳಾದ ಡಾ. ಜಗದೀಶ ಬಸಾಪುರ, ಸಂಡೂರ ಪಾಲಿಟೆಕ್ನಿಕ್ ಕಾಲೇಜಿನ ಪ್ರಾಂಶುಪಾಲರಾದ ಟಿ. ಎಮ್. ಅಲಿಂ ಅಹಮದ್, ಎಸ್ ಜಿ ಆರ್ ಎಸ್ ಶಾಲೆಯ ಪ್ರಾಂಶುಪಾಲರಾದ ಚಂದ್ರಿಕಾ ಆನಂದ್, ಎಸ್ ಜಿ ಆರ್ ಎಸ್‌ನ ಆಡಳಿತಾಧಿಕಾರಿಗಳಾದ ಜಂಬುನಾಥ, ಡಾ. ಹಾಲಂಬಿ ಅಲ್ಲದೇ ಶಾಲೆಯ ಶಿಕ್ಷಕ ವೃಂದದವರೂ, ವಿದ್ಯಾರ್ಥಿಗಳೂ ಮತ್ತು ವಿದ್ಯಾರ್ಥಿಗಳ ಪೋಷಕರೂ ಬಾಗವಹಿಸಿದ್ದರು.