ಮುಂಗಾರು ಹದ ಮಳೆಗೆ ಅನ್ನದಾತರಲ್ಲಿ ಮಂದಹಾಸ

- ನಗರ, ಜಿಲ್ಲಾದ್ಯಂತ ಮಳೆರಾಯನ ಕೃಪಾಕಟಾಕ್ಷ । ಸದ್ದಿಲ್ಲದ ಹಬ್ಬದ ಸಂಭ್ರಮಕ್ಕೆ ಸಾಕ್ಷಿಯಾದ ಮಹಾಜನ - - - ಕನ್ನಡಪ್ರಭ ವಾರ್ತೆ, ದಾವಣಗೆರೆ

ಜಿಲ್ಲಾದ್ಯಂತ 2 ದಿನದಿಂದ ದಟ್ಟಮೋಡಗಳು ಆವರಿಸಿದ್ದವು. ಶುಕ್ರವಾರ ಬೆಳಗ್ಗೆಯಿಂದ ಇಡೀ ನಗರ, ಜಿಲ್ಲೆಯ ಬಹುತೇಕ ಕಡೆ ಮುಂಗಾರು ಮಳೆಯ ವೃಷ್ಟಿಯಾಯಿತು. ಅದರಲ್ಲೂ ಜಿಲ್ಲಾ ಕೇಂದ್ರದ ಮೇಲಂದೂ ಕಪ್ಪುಮೋಡಗಳು ಆವರಿಸಿ, ಮಧ್ಯದಲ್ಲಿ ಸುರುಳಿಯಂತಾಗಿ ಮಳೆಯಾಗುತ್ತಿದ್ದ ನಯನ ಮನೋಹರ ದೃಶ್ಯ ಊರ ಹೊರಗಿನ ಪ್ರದೇಶ, ಎತ್ತರ ಪ್ರದೇಶದಿಂದ ಕಣ್ಮನ ಸೆಳೆಯುವಂತೆ ಕಂಡುಬಂದಿತು.

ತಾಲೂಕಿನ ತೋಳಹುಣಸೆಯ ಫ್ಲೈಓ‍ರ್ ಮೇಲಿನಿಂದ ಜಿಲ್ಲಾ ಕೇಂದ್ರದಲ್ಲಿ ಸುರಿಯುತ್ತಿದ್ದ ಮಳೆಯಂತೂ ಚಹಾ ಬಣ್ಣದಿಂದ ಮನರಂಜಿಸಿದೆ. ಪಾತ್ರೆಯಿಂದ ಜಾಲರಿ ಮೂಲಕ ಲೋಟಕ್ಕೆ ಬಿಸಿ ಬಿಸಿ ಚಹಾ ಬೀಳುವಂತೆ ಮಳೆನೀರು ಎಲ್ಲೆಡೆ ದರ್ಶನ ತೋರುತ್ತಿದೆ. ಮಣ್ಣುಮಿಶ್ರಿತವಾಗಿ ಹರಿಯುವ ಈ ನೀರಿನ ವಯ್ಯಾರದ ದೃಶ್ಯ ನೋಡಲು ಎರಡು ಕಣ್ಣು ಸಾಲದು ಎಂಬ ಭಾವ ಜನರಲ್ಲಿ ಮೂಡಿಸಿದೆ.

ರೈತರಿಗೆ ಮಳೆಯಿಂದ ಖುಷಿಯೇನೋ ಆಗಿದೆ. ಆದರೆ, ಮಾರುಕಟ್ಟೆ, ವ್ಯಾಪಾರ, ಖರೀದಿಗೆ ಬಂದವರು, ಪರ ಊರಿನಿಂದ ಬಂದವರಿಗೆ ಇದೇ ಮಳೆ ತೀವ್ರ ತೊಂದರೆಯನ್ನೂ ತಂದಿದೆ. ಜೋರುಮಳೆ ಸುರಿಯುತ್ತಿದ್ದರೂ ಸಂಚಾರ ನಿಯಮ ಉಲ್ಲಂಘಿಸಿದರೆ ದಂಡದ ರಸೀದಿ ಮನೆ ಬಾಗಿಲಿಗೆ ಬರುತ್ತದೆಂಬ ಭಯಕ್ಕೆ ಅದೆಷ್ಟೋ ಜನರು ಸಿಗ್ನಲ್‌ಗಳಲ್ಲೇ ನಿಂತು ಮಳೆಯಿಂದ ರಕ್ಷಣೆ ಪಡೆಯುವ ಪ್ರಯತ್ನ ಮಾಡುತ್ತಿದ್ದರು. ಮಳೆಯಲ್ಲೂ ನೆನೆಯುತ್ತಾ ಗ್ರೀನ್ ಸಿಗ್ನಲ್‌ಗಾಗಿ ಕಾಯುತ್ತಿದ್ದರೆ, ಮತ್ತೆ ಕೆಲವರು ಮಳೆ ನೆಪದಲ್ಲಿ ಸಿಗ್ನಲ್ ಸಹ ಲೆಕ್ಕಿಸದೇ ಮುಂದೆ ಸಾಗುತ್ತಿದ್ದರು.

- - - (-ಫೋಟೋಗಳಿವೆ)

ದಾವಣಗೆರೆ ತಾಲೂಕಿನ ತೋಳಹುಣಸೆ ರೈಲ್ವೆ ಮೇಲ್ಸೇತುವೆಯಿಂದ ಕ್ಯಾಮೆರಾಕ್ಕೆ ಕಂಡ ಕಾರ್ಮೋಡ ದೃಶ್ಯ. -5ಕೆಡಿವಿಜಿ13: ದಾವಣಗೆರೆಯಲ್ಲಿ ಮಳೆ ಮಧ್ಯೆ ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿರುವ ಕುಟುಂಬ.-5ಕೆಡಿವಿಜಿ14: ದಾವಣಗೆರೆಯಲ್ಲಿ ಜೋರು ಮಳೆಯಲ್ಲೇ ಕಾಲೇಜು ವಿದ್ಯಾರ್ಥಿನಿಯರು ಮನೆಗೆ ಮರಳುತ್ತಿರುವುದು.