ಗೌರವಕ್ಕೆ ತಕ್ಕಂತೆ ನಡೆದುಕೊಳ್ಳಿ: ಭೋಸರಾಜ್

ಕನ್ನಡಪ್ರಭ ವಾರ್ತೆ ಮಡಿಕೇರಿ

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕುಮಾರಸ್ವಾಮಿ ಅವರು ಈಗ ಕೇಂದ್ರದ ಮಂತ್ರಿಯಾಗಿದ್ದಾರೆ. ರಾಜ್ಯದಲ್ಲಿ ಎರಡು ಬಾರಿ ಸಿಎಂ ಆಗಿದ್ದವರು. ಆದರೆ ಏನೇ ವಿಷಯ ಬಂದರೂ ಅದನ್ನು ರಾಮನಗರ ರಾಜಕೀಯಕ್ಕೆ ತಿರುಗಿಸುತ್ತಾರೆ. ಯಾರಿಗೊ ಡ್ಯಾಮೇಜ್ ಮಾಡಬೇಕು ಎಂದು ನೋಡುತ್ತಾರೆ.

ಕೇಂದ್ರದ ಸಚಿವರಾಗಿ ಏನು ಮಾತನಾಡಬಾರದೋ ಅದನ್ನೆಲ್ಲಾ ಮಾತನಾಡುತ್ತಾರೆ. ಅವರದು ಯಾವಾಗಲೂ ಹಿಟ್ ಅಂಡ್ ರನ್ ಕೇಸ್ ಆಯ್ತು. ಅದಕ್ಕೆ ಹಿಂದೆ ಮುಂದೆ ಸಾಕ್ಷ್ಯನೂ ಇರಲ್ಲ, ವಿಷಯನೂ ಇರಲ್ಲ. ಮುಖ್ಯಮಂತ್ರಿ ಅವರ ಪತ್ನಿಗೆ ಸೈಟು ಕೊಟ್ಟಿರುವುದು ಬಿಜೆಪಿ ಸರ್ಕಾರ ಇದ್ದಾಗ, ಲೆಕ್ಕದ ಪ್ರಕಾರ ಸಿಎಂ ಪತ್ನಿ ಅವರಿಗೆ 62 ಕೋಟಿ ಪರಿಹಾರ ಕೊಡಬೇಕು.

ಬಿಜೆಪಿ, ಜೆಡಿಎಸ್ ಮೈತ್ರಿ ಮೂಲಕ 28 ಕ್ಷೇತ್ರ ಗೆಲ್ಲುತ್ತೇವೆ ಎಂಬ ನಿರೀಕ್ಷೆ ಇತ್ತು. ಕೇಂದ್ರದಲ್ಲಿ 400 ಸೀಟು ಗೆಲ್ಲುತ್ತೇವೆ ಎಂದುಕೊಂಡಿದ್ದರು. ಆದರೆ ಇಂದು ಅವರ ಸೀಟು, ಮತಗಳ ಸಂಖ್ಯೆ ಎರಡು ಕಡಿಮೆ ಆಗಿವೆ. ಮತ್ತೊಂದೆಡೆ ರಾಹುಲ್ ಗಾಂಧಿಯವರು ಮಾತನಾಡುತ್ತಿದ್ದರೆ ಮೋದಿ ಅಮಿತ್ ಶಾ ಎಲ್ಲರೂ ಎರಡೆರಡು ಬಾರಿ ಎದ್ದು ನಿಂತಿದ್ದಾರೆ. ಪ್ರಧಾನಿಯವರು ತುಂಬಾ ಹತಾಶೆಗೆ ಒಳಗಾಗಿದ್ದಾರೆ ಎಂದು ಬೋಸರಾಜ್ ಅಸಮಾಧಾನಗೊಂಡರು.

ಅವರು ಜನಸ್ಪಂದನೆ ಕಾರ್ಯಕ್ರಮ ಮಾಡಬೇಕೆಂದರೆ ಸಂಬಂಧಿತ ಡಿಸಿ ಮೂಲಕ ಮುಖ್ಯ ಕಾರ್ಯದರ್ಶಿಗಳ ಗಮನಕ್ಕೆ ತರಬೇಕು. ಸುಮ್ಮನೆ ರಾಜ್ಯ ಸರ್ಕಾರಕ್ಕೆ ಕೆಟ್ಟ ಹೆಸರು ತರಬೇಕೆಂದು ಮಾತನಾಡಬಾರದು. ಅವರದು ಯಾವುದೇ ವಿಷಯವನ್ನು ಗಮನಕ್ಕೆ ತರದೆ ಸಭೆ ಹೇಗೆ ನಡೆಯುತ್ತದೆ. ನಾನು ಕೆಡಿಪಿ ಸಭೆಗೆ ಬರುತ್ತೇನೆ. ಬರುವ ಮುನ್ನ ಡಿಸಿಯವರಿಗೆ ತಿಳಿಸಿ ಸಿದ್ಧತೆ ಮಾಡುತ್ತೇನೆ ಅಲ್ಲವೆ ಎಂದು ಎಚ್ ಡಿಕೆಗೆ ತಿರುಗೇಟು ನೀಡಿದರು.