ಹಣಕಾಸು ವ್ಯವಸ್ಥೆಯಲ್ಲಿ ಬದ್ಧತೆ ರೂಢಿಸಿಕೊಳ್ಳಿ

ಕನ್ನಡಪ್ರಭ ವಾರ್ತೆ ಯಮಕನಮರಡಿ

ಇಲ್ಲಿನ ಹುಣಸಿಕೊಳ್ಳಮಠದ ಗುರುಸಿದ್ದೇಶ್ವರ ಶ್ರೀಗಳಳ ಸಭಾ ಭವನದಲ್ಲಿ ಕ್ರೆಡಿಟ್‌ ಆಕ್ಸಿಸ್‌ ಗ್ರಾಮೀಣ ಲಿಮಿಟೆಡ್‌ ಯಮಕನಮರಡಿ ಶಾಖೆಯವರು ಶನಿವಾರ ಆಯೋಜಿಸಿದ್ದ ಸಾಮಾಜಿಕ ಆರ್ಥಿಕ ಅಭಿವೃದ್ಧಿ ಕಾರ್ಯಾಗಾರದಲ್ಲಿ ಅವರು ಮಾತನಾಡಿದರು. ಬ್ಯಾಂಕ್‌ ಗಳಲ್ಲಿ ಠೇವಣಿ ಇಡುವಾಗ, ಸಾಲ ಪಡೆಯುವಾಗ ಅನಗತ್ಯ ವ್ಯಕ್ತಿಗಳು ಮಧ್ಯಪ್ರವೇಶ ಮಾಡಬಾರದು. ತಮ್ಮ ಆರ್ಥಿಕ ಚಟುವಟಿಕೆ ಸುಧಾರಿಸಿಕೊಳ್ಳಲು ಸಾಲ ಪಡೆದುಕೊಳ್ಳಬೇಕೇ ಹೊರತು ಬೇರೆಯವರಿಗೆ ಸಾಲ ಕೊಡಿಸಬಾರದು. ಸಾಲ ಪಡೆಯುವ ವ್ಯಕ್ತಿ ಬಗ್ಗೆ ತಿಳಿದು ಸಾಕ್ಷಿಯಾಗಬೇಕು. ಸಾಲಗಾರನಷ್ಟೇ ಸಾಕ್ಷಿದಾರರನ್ನು ಜವಾಬ್ದಾರಿ ಆಗಿರುತ್ತಾನೆ. ಮೊಬೈಲ್‌ಗಳಲ್ಲಿ ಬರುವ ಮೆಸೇಜ್‌ಗಳಿಗೆ ವಂಚನೆಗೆ ಒಳಗಾಗಬಾರದು, ಒಟಿಪಿ ಶೇರ್‌ ಮಾಡುವಾಗ ಎಚ್ಚರಿಕೆಯಿಂದ ಇರಬೇಕು ಎಂದರು.

ಬೆಳಗಾವಿ ಪ್ರಾದೇಶಿಕ ವ್ಯವಸ್ಥಾಪಕ ಮಾದೇಗೌಡ.ಸಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಜನರ ಆರ್ಥಿಕ ಸಬಲೀಕರಣ ಜೊತೆಗೆ ಸಾಮಾಜಿಕ, ಆರೋಗ್ಯ, ಶೈಕ್ಷಣಿಕ ವಲಯಗಳಲ್ಲಿ ಕೂಡ ಸಂಸ್ಥೆ ಕಾರ್ಯ ಮಾಡುತ್ತಿದೆ. ಅಂಗನವಾಡಿ ಕೇಂದ್ರ, ಸರ್ಕಾರಿ ಕಚೇರಿಗಳಿಗೆ ಪೀಠೋಪಕರಣಗಳನ್ನು ಕೂಡ ನೀಡಲಾಗುತ್ತಿದೆ ಎಂದರು.