ನಾಡಿನಲ್ಲಿ ಭಗವತ್ ಸಂಸ್ಕೃತಿ ತುಳಕಾಡುತ್ತಿದೆ

ಕನ್ನಡಪ್ರಭ ವಾರ್ತೆ ತಾಳಿಕೋಟೆ

ಪಟ್ಟಣದಲ್ಲಿ ಹಿಂದೂ ಮಹಾ ಗಣಪತಿ ಮಹಾ ಮಂಡಳಿ ಆಯೋಜಿಸಿದ್ದ ಸನಾತನ ಮತ್ತು ಕೃಷಿ ವಿಷಯ ಜಾಗೃತಿ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದ ಅವರು ನಮ್ಮ ಸಂಸ್ಕೃತಿಯನ್ನು ಗಮನಿಸುವ ಚಿಕ್ಕಮಕ್ಕಳು ಸಹ ದೇವರನ್ನು ನಮಿಸುವಂತಹ ಪರಿಪಾಠ ಇಂದಿನವರೆಗೂ ಇದೆ. ಆದರೆ ಹಿಂದೂ ಸಮಾಜದಲ್ಲಿ ಕೆಡುಕನ್ನು ಹುಟ್ಟಿಸಲು ನಮ್ಮ ಅಣ್ಣ ತಮ್ಮಂದಿರಲ್ಲಿ ಜಗಳವನ್ನು ಹಚ್ಚಲು ಬ್ರೀಟಿಷರು ಉಂಟು ಮಾಡುತ್ತಿದ್ದರು. ಈಗ ಸತ್ಯದ ಆಳವಾದ ಅರಿವಾಗಬೇಕಾದರೆ ವೇದಗಳನ್ನು ನಿರ್ಮಿಸಿದ ಋಷಿಮುನಿಗಳು ಸ್ತ್ರೋತ್ರಗಳಿಂದ ಕಾಣುವ ಎಲ್ಲ ಋಷಿಗಳು ವ್ಯವಸಾಯದವರೆಲ್ಲರೂ ನಮ್ಮವರೇ ಎಂದರು.

ಶಿರೋಳದ ಶಂಕರಾನಂದ ಮಹಾಸ್ವಾಮಿಗಳು ಮಾತನಾಡಿ, ದೇಶ ಒಳ್ಳೆಯ ಸಂಸ್ಕೃತಿಯ ದೇಶವಾಗಿದೆ. ಭಹುದೊಡ್ಡ ರಾಷ್ಟ್ರವಾಗಿದ್ದು, ಹಿಂದಿನ ಋಷಿ ಮುನಿಗಳಿಂದ ೧೨ ಅಮವಾಸ್ಯೆ, ೧೨ ಹುಣ್ಣಿಮೆಗಳು ಪ್ರಚಲಿತವಾದವು. ಅದರಲ್ಲಿ ಶ್ರಾವಣ ಮಾಸದಲ್ಲಿ ಭಕ್ತಿಯ ಹಬ್ಬಗಳನ್ನು ಆಚರಿಸಲಾಗುತ್ತದೆ. ಅಂತಹ ಹಬ್ಬಗಳಲ್ಲಿ ಗಣಪತಿ ಹಬ್ಬ ಒಂದಾಗಿದ್ದು, ಇದು ಹಳ್ಳಿಯಿಂದ ಜಗತ್ತಿನಾದ್ಯಂತ ವ್ಯಾಪಿಸಿದೆ ಎಂದು ಹೇಳಿದರು.ಹಿಂದೂ ಮಹಾ ಗಣಪತಿ ಮಹಾ ಮಂಡಳದ ಉಪಾಧ್ಯಕ್ಷ ಕೆಸರಟ್ಟಿಯ ಸೋಮಲಿಂಗ ಮಹಾ ಸ್ವಾಮಿಗಳು ಪ್ರಾಸ್ಥಾವಿಕ ಮಾತನಾಡಿದರು.ಮಹಾ ಮಂಡಳಿಯ ಗೌರವ ಅಧ್ಯಕ್ಷರಾದ ಗುಂಡಕನಾಳ ಹಿರೇಮಠದ ಶ್ರೀ ಗುರುಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು ಮಾತನಾಡಿದರು. ಮಹಾ ಮಂಡಳಿಯ ಗೌರವ ಕಾರ್ಯದರ್ಶಿ ವೇ.ಸಂತೋಷಬಟ್ ಜೋಶಿ, ಸ್ವಾಗತ ಸಮಿತಿಯ ಅಧ್ಯಕ್ಷ ಡಾ.ವ್ಹಿ.ಎಸ್.ಕಾರ್ಚಿ, ಪ್ರಧಾನ ಕಾರ್ಯದರ್ಶಿ ಸೂರ್ಯವಂಶಿ, ಅನುಗ್ರಹ ಕಣ್ಣಿನ ಆಸ್ಪತ್ರೆಯ ಡಾ.ಪ್ರಭುಗೌಡ ಲಿಂಗದಳ್ಳಿ ಮೊದಲಾದವರು ಇದ್ದರು. ತೇಜಸ್ವೀನಿ ಡಿಸಲೆ ಸ್ವಾಗತಿಸಿ, ನಿರೂಪಿಸಿದರು. ರಾಘವೇಂದ್ರ ವಿಜಾಪೂರ ವಂದಿಸಿದರು.