ಚುನಾವಣೆಗೆ ಬಿಜೆಪಿಯಿಂದ ಸಂಕಲ್ಪ ಪತ್ರ ಜಾರಿ: ಮಾಳವಿಕಾ ಅವಿನಾಶ

ಕನ್ನಡಪ್ರಭ ವಾರ್ತೆ ದಾವಣಗೆರೆ

ನಗರದ ಬಿಜೆಪಿ ಜಿಲ್ಲಾ ಕಚೇರಿಯಲ್ಲಿ ಗುರುವಾರ ವಿಕಸಿತ ಭಾರತ ಮೋದಿ ಗ್ಯಾರಂಟಿ ಮಾಧ್ಯಮ ಸಂವಾದ ಉದ್ಘಾಟಿಸಿ ಮಾತನಾಡಿ ಮೋದಿಯವರಂತಹ ನಾಯಕರಿಗೆ ಮಾತ್ರ ಪ್ರಣಾಳಿಕೆಯ ಬದಲಿಗೆ, ಸಂಕಲ್ಪ ಪತ್ರ ಹೊರತರುವ ವಿನೂತನ ಆಲೋಚನೆ ಬರಲು ಸಾಧ್ಯ ಎಂದರು.

ಇಡೀ ಜಗತ್ತನ್ನೇ ಮುನ್ನಡೆಸುವ ಮಟ್ಟಕ್ಕೆ ಭಾರತ ಬೆಳೆದಿದೆ. ಭಾರತವನ್ನು ವಿಶ್ವಗುರು ಮಾಡುವ ಪರಿಕಲ್ಪನೆಯ ಸಮರ್ಥ ನಾಯಕತ್ವ ಮೋದಿಯವರಲ್ಲಿದೆ. ಬಡವರು, ಯುವಜನತೆ, ಅನ್ನದಾತರು, ನಾರಿಶಕ್ತಿ ಎಂಬ ನಾಲ್ಕು ವರ್ಗಗಳ ಜೊತೆಗೆ ಉಳಿದ ಎಲ್ಲಾ ವರ್ಗಗಳಿಗೂ ಸಹಕಾರಿಯಾಗುವಂತಹ ಜನ್ ಧನ್, ಡಿಜಿಟಲ್ ಇಂಡಿಯಾ, ಮುದ್ರಾ, ವಿಶ್ವಕರ್ಮ, ಸ್ವನಿಧಿ, ಮಾತೃವಂದನೆ ಹೀಗೆ ಅನೇಕಾನೇಕ ಕಾರ್ಯಕ್ರಮ ಜಾರಿಗೆ ತಂದಿದ್ದು ಮೋದಿ ಎಂದು ಮಾಳವಿಕಾ ಅವಿನಾಶ ಮನವಿ ಮಾಡಿದರು.

ಪಕ್ಷದ ಜಿಲ್ಲಾಧ್ಯಕ್ಷ ಎನ್.ರಾಜಶೇಖರ ನಾಗಪ್ಪ ಅಧ್ಯಕ್ಷತೆ ವಹಿಸಿದ್ದರು. ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಗಾಯತ್ರಿ ಸಿದ್ದೇಶ್ವರ, ರಾಜ್ಯ ಕಾರ್ಯದರ್ಶಿ ಅನಿತಾ ಹುಲಿರಾಯ್ಕರ್, ಎಸ್.ಎಂ.ವೀರೇಶ ಹನಗವಾಡಿ, ಬಿ.ಎಂ.ಸತೀಶ ಕೊಳೇನಹಳ್ಳಿ, ಧನಂಜಯ ಕಡ್ಲೇಬಾಳು, ಡಿ.ಎಸ್.ಶಿವಶಂಕರ, ಜಿ.ಎಸ್.ಅನಿತಕುಮಾರ, ಅನಿಲಕುಮಾರ ನಾಯ್ಕ, ಕೆ.ಮಹಾಂತೇಶ, ವಕೀಲ ಕೆ.ಸಿ.ರಾಘವೇಂದ್ರ ಮೊಹರೆ ಇತರರಿದ್ದರು.