ಮಡಿಕೇರಿಯಲ್ಲಿ ಪತ್ರಿಕಾ ವಿತರಕರ ದಿನ

ಕನ್ನಡಪ್ರಭ ವಾರ್ತೆ ಮಡಿಕೇರಿ

ಕೊಡಗು ಪತ್ರಕರ್ತರ ಸಂಘ ಹಾಗೂ ಅಖಿಲ ಕರ್ನಾಟಕ ಪತ್ರಿಕಾ ವಿತರಕರ ಕ್ಷೇಮಾಭಿವೃದ್ಧಿ ಸಂಘದ ವತಿಯಿಂದ ನಗರದ ಪತ್ರಿಕಾ ಭವನದಲ್ಲಿ ಗುರುವಾರ ಆಯೋಜಿಸಲಾಗಿದ್ದ ಪತ್ರಿಕಾ ವಿತರಕರ ದಿನಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಶಕ್ತಿ ಪತ್ರಿಕೆಯ ಸಂಪಾದಕ ಜಿ. ಚಿದ್ವಿಲಾಸ್ ಮಾತನಾಡಿ ಇಂದಿಗೂ ಕೂಡಾ ಪತ್ರಿಕಾ ವಿತರಣೆ ಕಷ್ಟಕರವಾಗಿದೆ ಅಲ್ಲದೆ ಸವಾಲಿನ ಕೆಲಸ. ಓದುಗರ ವಾಟ್ಸಪ್ ಗ್ರೂಪ್ ರಚಿಸಿ ಪತ್ರಿಕಾ ವಿತರಣೆ ವಿಳಂಬವಾದರೂ ಕೂಡಾ ಅದನ್ನು ತಲುಪಿಸುವ ವ್ಯವಸ್ಥೆ ಕೊಡಗಿನಲ್ಲಿ ಮಾಡಲಾಗಿರುವುದು ಮೆಚ್ಚುವ ಕೆಲಸ ಎಂದರು.

ತಾವು ವಿತರಣೆ ಮಾಡಿದ ಪತ್ರಿಕೆಗಳ ಹಣ ಕೆಲವು ಓದುಗರಿಂದ ಸಕಾಲಕ್ಕೆ ಪಾವತಿಯಾಗುತ್ತಿಲ್ಲ. ಆದರೂ ವಿತರಕರು ತಾವು ಮಾಡುವ ಕೆಲಸದಲ್ಲಿ ಆದಾಯವನ್ನು ನೋಡದೆ ನಷ್ಟವಾದರೂ ಸೇವೆಯ ರೂಪದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇಂದು ಮುದ್ರಣ ಮಾಧ್ಯಮ ಪರಿಣಾಮಕಾರಿಯಾಗಿದೆ. ಯುವ ಜನಾಂಗ ಪತ್ರಿಕೆ ತೆಗೆದುಕೊಳ್ಳುವಂತೆ ಮಾಡುವ ನಿಟ್ಟಿನಲ್ಲಿ ಪ್ರಯತ್ನ ಮಾಡಬೇಕೆಂದರು.

ಪತ್ರಿಕಾ ವಿತರಕರಿಗೆ ಭವನ ನಿರ್ಮಾಣ ಮಾಡಬೇಕಿದೆ ಎಂದು ಮನವಿ ಮಾಡಿದರು.

ದಿ ಹಿಂದು ಪತ್ರಿಕೆ ಮಂಗಳೂರಿನ ಡೆಪ್ಯುಟಿ ಮ್ಯಾನೇಜರ್ ಸುರೇಂದ್ರ ಶೆಟ್ಟಿ ಮಾತನಾಡಿ, ಪತ್ರಿಕಾ ವಿತರಕರಿಗೆ ನಿವೃತ್ತಿ ಇಲ್ಲ. ಆದಾಯಕ್ಕೆ ಮಾಡುತ್ತಿಲ್ಲ. ಸೇವೆಯಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದರು.

ಅಖಿಲ ಕರ್ನಾಟಕ ಪತ್ರಿಕಾ ವಿತರಕರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಟಿ.ಜಿ. ಸತೀಶ್, ಹಿರಿಯ ಪತ್ರಿಕಾ ಓದುಗರಾದ ಪಿ.ಎ. ನಾಣಯ್ಯ ಇದ್ದರು.