ಬಹುತ್ವ ಭಾರತದ ಆಭರಣ, ವೈವಿಧ್ಯತೆ ಅದರ ಶಕ್ತಿ

ಕನ್ನಡಪ್ರಭ ವಾರ್ತೆ ಚಿಕ್ಕಮಗಳೂರುಬಹುತ್ವ ಭಾರತದ ಆಭರಣ, ವೈವಿಧ್ಯತೆ ಭಾರತದ ಶಕ್ತಿ ಎಂದು ಸಾಹಿತಿ ಡಾ. ಎಚ್.ಎಂ. ರುದ್ರಸ್ವಾಮಿ ಅವರು ಹೇಳಿದರು. ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಕುವೆಂಪು ಕಲಾಮಂದಿರದಲ್ಲಿ ಭಾನುವಾರ ಆಯೋಜಿಸಿರುವ ಚಿಕ್ಕಮಗಳೂರು ತಾಲೂಕು ಐದನೇ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಭಾನುವಾರ ತಾಲೂಕು ಸಾಹಿತ್ಯಾವಲೋಕನ ಗೋಷ್ಠಿಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.ಸಾಹಿತ್ಯಲೋಕಕ್ಕೆ ಜಿಲ್ಲೆಯ ಕೊಡುಗೆ ಗಣನೀಯವಾಗಿದೆ. ಪತ್ತೇದಾರಿ ಕಾದಂಬರಿ ಮೂಲಕ ಹೆಸರು ಮಾಡಿದ ಎಚ್. ನರಸಿಂಹಯ್ಯ ನಗರದ ಶಂಕರಪುರ ಬಡಾವಣೆಯಲ್ಲಿ ವಾಸವಾಗಿದ್ದರು. ಎಲ್ಲ ರೀತಿಯ ಬರವಣಿಗೆಯಲ್ಲಿ ಜಿಲ್ಲೆಯ ಪಾಲಿದೆ ಎಂದರು.ಕನ್ನಡದ ಹಿರಿಮೆಗೆ ಧಕ್ಕೆಯಾಗಬಾರದು. ಕನ್ನಡದ ಸಾರ್ವಭೌಮತ್ವ ಕನ್ನಡಿಗರಿಗೆ ಬೇಕು. ಕೇಂದ್ರ ಗೃಹ ಸಚಿವರು ದೇಶವನ್ನೆ ಹಿಂದಿಮಯ ಮಾಡಲು ಹೊರಟಿರುವುದು ಒಪ್ಪಲಾಗದು. ಅಪೂರ್ವ ವಜ್ರಗಳು ಕನ್ನಡದಲ್ಲಿ ಇದ್ದು ಆಯ್ದುಕೊಂಡಿದ್ದೇವೆ. ಕನ್ನಡವೂ ಹಿಂದಿಯಂತೆಯೇ ರಾಷ್ಟ್ರೀಯಭಾಷೆ ಎಂಬುದನ್ನು ಮರೆಯಲಾಗದು ಎಂದು ತಿಳಿಸಿದರು.ಕನ್ನಡ ಅನೇಕ ಕ್ಷೇತ್ರಗಳಲ್ಲಿ ಮರೆಯಾಗಿದೆ. ಸರ್ವೋಚ್ಛ ನ್ಯಾಯಾಲಯದ ಕಲಾಪಗಳು ಮತ್ತು ತೀರ್ಪುಗಳು ಬಹುತೇಕ ಇಂಗ್ಲೀಷ್‌ನಲ್ಲೆ ಇರುತ್ತದೆ. ಕಾವೇರಿ ನದಿನೀರಿನ ವಿವಾದ ಕುರಿತಂತೆ ಕರ್ನಾಟಕದ ಪರವಾಗಿ ವಾದ ಮಾಡುವ ನಮ್ಮವರಿಗೆ ಇಂಗ್ಲೀಷ್ ಬರುವುದಿಲ್ಲ ಎಂಬ ಕಾರಣಕ್ಕಾಗಿಯೇ ನಾರಿಮನ್ ಅವರಿಗೆ ನಿಮಿಷಕ್ಕೆ ಒಂದು ಲಕ್ಷ ರೂ. ನೀಡಿದ್ದೇವೆ ಎಂದರು.