ಸೋಮವಾರಪೇಟೆ ಜೇಸಿಐ ಮಹಿಳಾ ದಿನಾಚರಣೆ: ಸಾಧಕ ಮಹಿಳೆಯರಿಗೆ ಸನ್ಮಾನ

ಕನ್ನಡಪ್ರಭ ವಾರ್ತೆ ಸೋಮವಾರಪೇಟೆ

ಇಲ್ಲಿನ ಜೇಸಿಐ ಸೋಮವಾರಪೇಟೆ ಪುಷ್ಪಗಿರಿ ಲೇಡಿ ವಿಂಗ್ ವತಿಯಿಂದ ಸ್ಥಳೀಯ ಮಹಿಳಾ ಸಮಾಜದ ಸಭಾಂಗಣದಲ್ಲಿ ನಡೆದ ಮಹಿಳಾ ದಿನಾಚರಣೆ ಮತ್ತು ಸಾಧಕರಿಗೆ ಸನ್ಮಾನ ಕಾರ್ಯಕ್ರಮದಲ್ಲಿ ಮುಖ್ಯ ಭಾಷಣಕಾರರಾಗಿ ಪಾಲ್ಗೊಂಡು ಅವರು ಮಾತನಾಡಿದರು.

ಸಾಧನೆಗಳು ಯಾವುದೂ ಸುಲಭವಾಗಿ ಕೈ ಗೆ ಸಿಗುವುದಿಲ್ಲ. ಪರಿಶ್ರಮದಿಂದ ಕೆಲಸ ಮಾಡಿದಲ್ಲಿ ಮಾತ್ರ ಸಾಧ್ಯ. ಅದು ವೇದಿಕೆಗಳಲ್ಲಿ ಕೇವಲ ಪ್ರಶಸ್ತಿ, ಸನ್ಮಾನಕ್ಕೆ ಮೀಸಲಾಗಬಾರದು. ನಮ್ಮ ಜೀವನದ ಕನಸ್ಸನ್ನು ಈಡೇರಿಸುವಂತಾಗಬೇಕು. ನಮ್ಮ ಸಾಧನೆಯೊಂದಿಗೆ ಸಮಾಜದ ಕೆಳಹಂತದಲ್ಲಿರುವವರನ್ನು ನಮ್ಮೊಂದಿಗೆ ಮೇಲೆತ್ತುವ ಕೆಲಸ ನಮ್ಮಿಂದಲೇ ಆಗಬೇಕಿದೆ ಎಂದು ಅವರು ಕರೆ ನೀಡಿದರು.

ಸಮಾಜ ಸೇವಕಿ ಕುಶಾಲನಗರದ ದೀಕ್ಷಾ, ವ್ಯವಸಾಯದಲ್ಲಿ ಸಿದ್ಧಲಿಂಗಪುರದ ಮೀನಾಕ್ಷಿ, ಆರೋಗ್ಯದಲ್ಲಿ ಸರ್ಕಾರಿ ಆಸ್ಪತ್ರೆಯ ಹಿರಿಯ ಶುಶ್ರೂಷಕಿ ಬಿ.ಎಂ. ಅನಿತಾ, ಶಿಕ್ಷಣ ಕ್ಷೇತ್ರದಲ್ಲಿ ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲಾ ಶಿಕ್ಷಕಿ ಕೆ.ಟಿ. ಚಂದ್ರಕಲಾ, ಕ್ರೀಡಾ ಕ್ಷೇತ್ರದಲ್ಲಿ ಕರ್ಕಳ್ಳಿ ಗ್ರಾಮದ ಪುಣ್ಯ ಅವರಿಗೆ ಪಂಚರತ್ನ ಪ್ರಶಸ್ತಿ ನೀಡಲಾಯಿತು.

ಜೇಸಿಐ ಮಹಿಳಾ ಘಟಕದ ಅಧ್ಯಕ್ಷೆ ವಿನುತಾ ಸುದೀಪ್ ಅಧ್ಯಕ್ಷತೆ ವಹಿಸಿದ್ದರು. ವಲಯ 11ರ ಅಧ್ಯಕ್ಷೆ ಆಶಾ ಜೈನ್ ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ರಾಷ್ಟ್ರೀಯ ಮಹಿಳಾ ವಿಭಾಗದ ಎಚ್.ಎಸ್. ಯಶಸ್ವಿನಿ, ಪ್ರಮುಖರಾದ ರೂಪಾ ಗೋಪಾಲಕೃಷ್ಣ, ರುಬೀನಾ, ಜಗದಾಂಬ ಗುರುಪ್ರಸಾದ್ ಇದ್ದರು.