ತುಂಗಭದ್ರಾ ಅಚ್ಚುಕಟ್ಟು ರೈತರ ಕಣ್ಣಲ್ಲಿ ಜಿನುಗುವ ಕಣ್ಣೀರು

ಸುರೇಶ ಯಳಕಪ್ಪನವರ

ಈ ಹಿನ್ನೀರನ್ನು ನೆಚ್ಚಿಕೊಂಡು ತಾಲೂಕಿನ ೧೪ ಏತ ನೀರಾವರಿ ವ್ಯಾಪ್ತಿಯ ರೈತರು ಪ್ರಮುಖವಾಗಿ ಮೆಕ್ಕೆಜೋಳ, ಭತ್ತ, ಈರುಳ್ಳಿ, ಶೇಂಗಾ, ಅಲಸಂದಿ ಬೆಳೆ ಬೆಳೆಯುತ್ತಾರೆ. ಹಿನ್ನೀರು ಇಳಿಮುಖವಾದಂತೆ ಏತ ನೀರಾವರಿಗಳಿಗೆ ನೀರು ಸರಬರಾಜು ಸ್ಥಗಿತಗೊಂಡು ರೈತರ ಬೆಳೆಗಳು ನಷ್ಟಕ್ಕೆ ತುತ್ತಾಗುತ್ತವೆ. ತಾಲೂಕಿನಲ್ಲಿ ಸಕಾಲಕ್ಕೆ ಮಳೆ ಆಗದೇ ಇರುವುದರಿಂದ ಮೊದಲಿಗೆ ಬಿತ್ತನೆ ಮಾಡಿದ್ದ ಮೆಕ್ಕೊಜೋಳ ಬೆಳೆ ಸಂಪೂರ್ಣ ಕೈಕೊಟ್ಟಿವೆ. ಇನ್ನೇನು ಮೇಲ್ಭಾಗದಲ್ಲಿ ಮಳೆಯಾಯ್ತು, ನಮ್ಮ ಹೊಳೆ ತುಂಬಿತು, ನಮ್ಮ ಬೋರ್‌ಗಳು ರಿಚಾರ್ಜ್ ಆಗುತ್ತವೆ ಎನ್ನುವಷ್ಟರಲ್ಲಿಯೇ ಡ್ಯಾಂನ ೧೯ನೇ ಕ್ಟಸ್ಟ್ ಗೇಟ್‌ ಮುರಿದಿದ್ದರಿಂದಾಗಿ ರೈತರಲ್ಲಿದ್ದ ಉತ್ಸಾಹ ಮಂಕಾಗಿದೆ.

ಹಿಂಗಾರು ಕೈಹಿಡಿಯುವುದೇ?:

ಮೊದಲಿಗೆ ಮಳೆ ನೆಚ್ಚಿಕೊಂಡು ಹಾಕಿರುವ ಮೆಕ್ಕೆಜೋಳ, ಇತರೆ ಬೆಳೆಗಳು ನಷ್ಟದಲ್ಲಿವೆ. ಇನ್ನೇನು ಹೊಳೆ ಬಂತು, ಮುಂದಿನ ಬೆಳೆ ಚೆನ್ನಾಗಿ ಬೆಳೆದು ಸಾಲ ತೀರಿಸೋಣ ಅಂದರೆ ಡ್ಯಾಂ ಗೇಟ್‌ ಮುರಿದಿರುವುದು ರೈತರಿಗೆ ನೋವುಂಟು ಮಾಡಿದೆ. ಸರ್ಕಾರ ಕೂಡಲೇ ಕ್ರಸ್ಟ್‌ ಗೇಟ್ ರಿಪೇರಿ ಮಾಡಿಸಿ ರೈತರ ಬದುಕಿಗೆ ನೆರವಾಗಬೇಕು ಎನ್ನುತ್ತಾರೆ ಕಿತ್ನೂರು ಗ್ರಾಮದ ರೈತ ಗೊಂಡಬಾಳ ಬಸವರಾಜ.