ಬಿತ್ತನೆ ಬೀಜ, ರಸಗೊಬ್ಬರ ಕೊರತೆ ಇಲ್ಲ-ಸವಿತಾ ಚಕ್ರಸಾಲಿ

ಸವಣೂರು: ರೈತರಿಗೆ ಕೃಷಿ ಇಲಾಖೆಯಿಂದ ರಿಯಾಯಿತಿ ದರದಲ್ಲಿ ಬಿತ್ತನೆ ಬೀಜಗಳನ್ನು ವಿತರಿಸಲು ಸವಣೂರ ತಾಲೂಕಿನಲ್ಲಿ ೨ ರೈತ ಸಂಪರ್ಕ ಕೇಂದ್ರ ಹಾಗೂ ೪ ಹೆಚ್ಚುವರಿ ಬಿತ್ತನೆ ಬೀಜ ವಿತರಣಾ ಕೇಂದ್ರಗಳನ್ನು ತೆರೆಯಲಾಗಿದೆ. ಬಿತ್ತನೆ ಬೀಜ, ರಸಗೊಬ್ಬರ ಮತ್ತು ಇತರೆ ಕೃಷಿ ಪರಿಕರಗಳ ಕೊರತೆ ಇರುವುದಿಲ್ಲ ಎಂದು ಸಹಾಯಕ ಕೃಷಿ ನಿರ್ದೇಶಕಿ ಸವಿತಾ ಚಕ್ರಸಾಲಿ ಹೇಳಿದರು.

ತಾಲೂಕಿನಲ್ಲಿ ಆರು ಬೀಜ ವಿತರಣಾ ಕೇಂದ್ರಗಳು ಸವಣೂರ ನಗರ ಹಾಗೂ ಹುರುಳಿಕುಪ್ಪಿ, ತವರಮೇಳ್ಳಿಹಳ್ಳಿ, ಹತ್ತಿಮತ್ತೂರು ಹೋಬಳಿ ವ್ಯಾಪ್ತಿಯಲ್ಲಿ ಕಡಕೋಳ ಹಾಗೂ ಯಲವಿಗಿ ತಲಾ ಒಂದರಂತೆ ಬೀಜ ವಿತರಣಾ ಘಟಕವನ್ನು ಪ್ರಾರಂಭಿಸಲಾಗಿದೆ. ರೈತರು ಸದುಪಯೋಗ ಪಡೆದುಕೊಳ್ಳಬೇಕು ಎಂದು ತಿಳಿಸಿದರು.

ರೈತ ಮುಖಂಡ ನಾಗರಾಜ ಬಂಕಾಪುರ ಮಾತನಾಡಿ, ಹೆಚ್ಚಿನ ದರದಲ್ಲಿ ಯೂರಿಯಾ, ಡಿ.ಎ.ಪಿ. ಮಾರುತ್ತಿರುವ ಕುರಿತು ತಾಲೂಕಿನ ರೈತರು ಆರೋಪಿಸಿದ್ದಾರೆ. ಯಾವುದೆ ಬಿಲ್ ಸಹ ನೀಡುವುದಿಲ್ಲ, ಬಿಲ್ ಕೇಳಿದರೆ ಬೀಜ, ಗೊಬ್ಬರ ಖಾಲಿಯಾಗಿದೆ. ಬೇರೆ ಕಡೆ ಹೋಗಿ ತಗೋಳಿ ಎಂದು ಹೇಳುತ್ತಾರೆ ಎಂದರು.ಈ ಸಂದರ್ಭದಲ್ಲಿ ರೈತ ಸಂಘದ ತಾಲೂಕು ಅಧ್ಯಕ್ಷರಾದ ಬಾಬು ಫರಾಶ, ರೈತ ಮುಖಂಡರಾದ ನಾಗರಾಜ ಬಂಕಾಪೂರ, ಬಸವರಾಜ ಮೈಲಮ್ಮನವರ, ಶಿವಾನಂದ ಯಲಿಗಾರ, ಮಲ್ಲನಗೌಡ್ರ ವಿ. ದೊಡ್ಡಗೌಡ್ರ ಹಾಗೂ ಪಾಂಡಪ್ಪ ರು. ಕಡೆಮನಿ, ರೈತ ಸಂಘದ ಯುವ ಮುಖಂಡರು ಅಬ್ದುಲ್ ಖಾದರ್ ಇದ್ದರು.