ಕಾಂಗ್ರೆಸ್ ಕೋಟೆ ಬಿಜೆಪಿ ಭದ್ರ ಕೋಟೆಯಾಗಿದ್ಯಾವಾಗ

15 ವರ್ಷಗಳಿಂದ ಕೊಪ್ಪಳ ಲೋಕಸಭಾ ಕ್ಷೇತ್ರದಲ್ಲಿ ಬಿಜೆಪಿ ಪ್ರಾಬಲ್ಯ

ಕಾಂಗ್ರೆಸ್ ಪಕ್ಷದ ಒಳಗುದಿಯೇ ಬಿಜೆಪಿಗೆ ಮಣೆ ಹಾಕಲು ಕಾರಣ

ಕನ್ನಡಪ್ರಭ ವಾರ್ತೆ ಕೊಪ್ಪಳ

ಈ ಕ್ಷೇತ್ರದಲ್ಲಿ ಕಾಂಗ್ರೆಸ್ ಬಹುತೇಕ ಬಾರಿ ಗೆಲುವು ಸಾಧಿಸಿದೆ. ಕೆಲವೊಂದು ಬಾರಿ ಮಾತ್ರ ಜನತಾದಳ ಜಯ ಸಾಧಿಸಿದೆ. ಉಳಿದಂತೆ 2009ವರೆಗೂ ಕಾಂಗ್ರೆಸ್ ಮತ್ತು ಜನತಾ ದಳವೇ ಗೆಲುವು ಸಾಧಿಸುತ್ತಿತ್ತು.

2009ರ ಚುನಾವಣೆಯಲ್ಲಿ ಬಿಜೆಪಿ ಕೊಪ್ಪಳದಲ್ಲಿ ಗೆಲುವು ಸಾಧಿಸಿತು. ಅದು ಕೊಪ್ಪಳ ಲೋಕಸಭಾ ಕ್ಷೇತ್ರದಲ್ಲಿ ಅಷ್ಟಾಗಿ ಪರಿಚಯವೇ ಇಲ್ಲದ ಗಂಗಾವತಿಯ ಶಿವರಾಮಗೌಡ ಕೊನೆ ಗಳಿಗೆಯಲ್ಲಿ ಸ್ಪರ್ಧೆ ಮಾಡಿ ಗೆಲುವು ಸಾಧಿಸಿದರು.

ಅದರಲ್ಲಿ ಮುಸ್ಲಿಂ ಮತಗಳು ಕಾಂಗ್ರೆಸ್ ಪಕ್ಷದಿಂದ ಹಂಚಿಹೋಗಿ ಜೆಡಿಎಸ್‌ಗೆ ಬಂದಿದ್ದರಿಂದ ಕಾಂಗ್ರೆಸ್ ಪಕ್ಷದ ಬಸವರಾಜ ರಾಯರಡ್ಡಿ ಬಿಜೆಪಿಯ ಶಿವರಾಮಗೌಡ ವಿರುದ್ಧ ಸೋಲುಣ್ಣುವಂತಾಯಿತು.

ಅಂದಿನಿಂದ ಕೊಪ್ಪಳ ಲೋಕಸಭಾ ಕ್ಷೇತ್ರದಲ್ಲಿ ಕಳೆದ ಮೂರು ಚುನಾವಣೆಯಲ್ಲಿ ಬಿಜೆಪಿ ನಡೆದಿದ್ದೇ ದಾರಿ ಎನ್ನುವಂತಾಗಿದೆ. 2014ರಲ್ಲಿ ವಿಧಾನಸಭಾ ಚುನಾವಣೆಯಲ್ಲಿ ಸೋತಿದ್ದ ಕರಡಿ ಸಂಗಣ್ಣ ಅವರನ್ನು ಬಿಜೆಪಿಯ ಅಭ್ಯರ್ಥಿಯನ್ನಾಗಿ ಅಖಾಡಕ್ಕೆ ಇಳಿಸಲಾಯಿತು. ಹಾಲಿ ಸಂಸದ ಶಿವಕರಾಮಗೌಡರಿಗೆ ಟಿಕೆಟ್ ತಪ್ಪಿಸಿ, ಸಂಸದ ಕರಡಿಗೆ ಟಿಕೆಟ್ ನೀಡಲಾಯಿತು. 2014 ಮತ್ತು 2019ರಲ್ಲಿ ಸತತ ಎರಡು ಬಾರಿ ಅವರು ಗೆಲುವು ಸಾಧಿಸಿದರು. ಬಿಜೆಪಿ ನಿರಂತರವಾಗಿ ಮೂರು ಬಾರಿ ಗೆಲುವು ಸಾಧಿಸುವ ಮೂಲಕ ಹ್ಯಾಟ್ರಿಕ್ ಜಯ ದಾಖಲಿಸಿತು.

ಈ ಬಾರಿ ಮತ್ತೆ ಬಿಜೆಪಿ ಹಾಲಿ ಸಂಸದರಿಗೆ ಟಿಕೆಟ್ ತಪ್ಪಿಸಿ ಡಾ. ಬಸವರಾಜಗೆ ನೀಡಿದೆ.

ಸತತ ಮೂರನೇ ಪ್ರಯತ್ನ:

-------------------

ವರ್ಷಹೆಸರು ಪಕ್ಷ

1957 ಸಂಗಣ್ಣ ಅಗಡಿ ಪಕ್ಷೇತರ

1967ಸಂಗಣ್ಣ ಅಗಡಿ ಕಾಂಗ್ರೆಸ್

1977ಸಿದ್ದರಾಮೇಶ್ವರಸ್ವಾಮಿ ಕಾಂಗ್ರೆಸ್

1984ಎಚ್.ಜಿ. ರಾಮುಲು ಕಾಂಗ್ರೆಸ್

1991ಬಸವರಾದ ಪಾಟೀಲ್ ಅನ್ವರಿ ಕಾಂಗ್ರೆಸ್

1998ಎಚ್.ಜಿ. ರಾಮುಲು ಕಾಂಗ್ರೆಸ್

2004ಕೆ. ವಿರುಪಾಕ್ಷಪ್ಪ ಕಾಂಗ್ರೆಸ್

2014ಸಂಗಣ್ಣ ಕರಡಿ ಬಿಜೆಪಿ