ಬರಗಾಲದಲ್ಲಿ ಹಂಪಿ ಉತ್ಸವ ಏತಕ್ಕೆ

ಕೃಷ್ಣ ಎನ್‌. ಲಮಾಣಿ ಹಂಪಿ (ಶ್ರೀ ವಿರೂಪಾಕ್ಷೇಶ್ವರ ದೇವಸ್ಥಾನ ವೇದಿಕೆ)

ಹಂಪಿಯ ಶ್ರೀ ವಿರೂಪಾಕ್ಷೇಶ್ವರ ವೇದಿಕೆಯಲ್ಲಿ ಶುಕ್ರವಾರ ಹಂಪಿ ಉತ್ಸವದ ನಿಮಿತ್ತ ಹಮ್ಮಿಕೊಂಡಿದ್ದ ವಿಚಾರಗೋಷ್ಠಿಗೆ ಚಾಲನೆ ನೀಡಿ ಮಾತನಾಡಿದ ಅವರು, ಎಂ.ಪಿ. ಪ್ರಕಾಶ ಅವರನ್ನು ನೆನಪಿಸುವ ಕಾರ್ಯ ಮಾಡಿಲ್ಲ. ಎಂ.ಪಿ. ಪ್ರಕಾಶ ಅವರು ಐತಿಹಾಸಿಕ, ಸಾಂಸ್ಕೃತಿಕ ಉತ್ಸವ ನಡೆಸುತ್ತಿದ್ದರು. ಈಗ ಅಂತಹ ಉತ್ಸವ ಮಾಡಲಾಗುತ್ತಿಲ್ಲ ಎಂದರು.

ಹಂಪಿ ಒಂದು ಐತಿಹಾಸಿಕ ಪ್ರದೇಶವಾಗಿದೆ. ಹಂಪಿ ಇಡೀ ಜಗತ್ತಿಗೆ ಮಾದರಿಯಾಗಿದೆ. ಐತಿಹಾಸಿಕ ಸ್ಮಾರಕಗಳನ್ನು ಒಳಗೊಂಡಿರುವ ಹಂಪಿ ಪರಿಸರದಲ್ಲಿ ಅಪರೂಪದ ಪಕ್ಷಿ ಸಂಕುಲಗಳು ಕೂಡ ಇವೆ. ಮುಂದಿನ ಪೀಳಿಗೆಗೆ ನಮ್ಮ ಕಲೆ, ಸಾಹಿತ್ಯ, ಸಂಸ್ಕೃತಿಯನ್ನು ಕೊಂಡೊಯ್ಯಬೇಕು. ಇದಕ್ಕಾಗಿ ನಾವು ಹಂಪಿಯನ್ನು ಸಹಜ ಸ್ಥಿತಿಯಲ್ಲಿ ಉಳಿಸಿಕೊಂಡು ಸಾಗಬೇಕಿದೆ ಎಂದರು.

ಹೂವಿನಹಡಗಲಿಯ ಪದವಿ ಕಾಲೇಜಿನ ಪ್ರಾಚಾರ್ಯ ಎಸ್.ಎಸ್. ಪಾಟೀಲ್ ಮಾತನಾಡಿ, ವಿಜಯನಗರ ಸಾಮ್ರಾಜ್ಯದ ರಾಜಕೀಯ, ಆರ್ಥಿಕತೆಯ ಬಗ್ಗೆ ವಿವರಿಸಿದರು.

ಮೌಖಿಕ ಕಾವ್ಯಗಳಲ್ಲಿ ವಿಜಯನಗರ ಎಂಬ ವಿಷಯದ ಕುರಿತು ಡಾ. ಚಂದ್ರಪ್ಪ ಸೊಬಟಿ, ವ್ಯಾಸ ಕೂಟ ಮತ್ತು ದಾಸ ಕೂಟ ಸಾಂಸ್ಕೃತಿಕ ಮುಖಾಮುಖಿ ಕುರಿತು ಡಾ. ಮಲ್ಲಿಕಾರ್ಜುನ ಬಿ. ಮಾನ್ಪಡೆ, ವಿಜಯನಗರ ಕಾಲದ ಬೇಹುಗಾರಿಕೆ ಹಾಗೂ ಗೂಢಚಾರಿಕೆ ಸಂಬಂಧಗಳ ಕುರಿತು ಡಾ. ಕೆ.ಎಸ್. ಶಿವಪ್ರಕಾಶ್ ಹಾಗೂ ವರ್ತಮಾನ ಸಂದರ್ಭದಲ್ಲಿ ಹಂಪಿಯ ಕುರಿತು ಡಾ. ವೀರೇಶ್ ಉತ್ತಂಗಿ ವಿಚಾರ ಮಂಡಿಸಿದರು.

ಬರದಲ್ಲಿ ಆಚರಣೆ ಸಲ್ಲ:

ಹಂಪಿ ಉತ್ಸವ ಸಮೃದ್ಧತೆ ನೆಲೆಗೊಂಡಾಗ ಆಚರಿಸಬೇಕು. ನೃಪತುಂಗ ಕವಿ, ರೈತ ಕಣ್ಣೀರು ತೆಗೆದರೆ; ರಾಜ್ಯ ಸುಭಿಕ್ಷವಾಗಿರುವುದಿಲ್ಲ ಎಂದಿದ್ದಾರೆ. ಒಂದು ರಾಜ್ಯ ಸುಭಿಕ್ಷವಾಗಬೇಕಾದರೆ, ಮೊದಲು ರೈತರು ಖುಷಿಯಲ್ಲಿರಬೇಕು. ಈಗ ಬರಗಾಲ ಇದೆ. ಇಂತಹ ಹೊತ್ತಿನಲ್ಲಿ ಹಂಪಿ ಉತ್ಸವಕ್ಕೆ ₹20 ಕೋಟಿ ಖರ್ಚು ಮಾಡಿ ಉತ್ಸವ ಮಾಡುವ ಹೊತ್ತು ಇದಲ್ಲ. ಆದರೆ, ಮಾಡುತ್ತಿದ್ದಾರೆ ಎಂದು ಬೇಸರ ವ್ಯಕ್ತಪಡಿಸಿದರು.ಖುಷಿಪಟ್ಟರು.