ಸಕಲೇಶಪುರದಲ್ಲಿ ಮಳೆಯಲ್ಲಿ ಸೋರುವ ಪಾರಂಪರಿಕ ಎಸಿ ನಿವಾಸ

ಕಾಂತರಾಜ್‌ ಹೊನ್ನೇಕೋಡಿ

ಪಾರಂಪರಿಕ ಕಟ್ಟಡಗಳ ಪಟ್ಟಿಗೆ ಸೇರಿರುವ ಸಕಲೇಶಪುರ ಉಪವಿಭಾಗಾಧಿಕಾರಿ ನಿವಾಸ ದುಸ್ಥಿತಿಗೀಡಾಗಿದ್ದು ಉನ್ನತ ಅಧಿಕಾರಿಯೆ ಜೀವಭಯದಲ್ಲಿ ದಿನ ಕಳೆಯುವಂತಾಗಿದೆ.

ಇಂದು ಯಾವ ಸೌಲಭ್ಯವು ಇಲ್ಲ:

ಉಪ ವಿಭಾಗಾಧಿಕಾರಿಗಳ ನಿವಾಸ ವಿಶಾಲ ಕೊಠಡಿಗಳನ್ನು ಹೊಂದಿದ್ದು ನಿವಾಸದ ಎಲ್ಲ ಕೊಠಡಿಗಳು ಇಂದಿಗೂ ಬಳಕೆಯಾಗಿಲ್ಲ. ಈ ಕಟ್ಟಡದಲ್ಲಿ ಉಪ ವಿಭಾಗಾಧಿಕಾರಿಗಳು ಒಬ್ಬರೇ ವಾಸಿಸುವುದು ಕಷ್ಟಕರ. ಈ ಅಧಿಕಾರಿಯ ನಿವಾಸದ ಸುತ್ತಮುತ್ತ ಯಾವುದೇ ವಾಸಯೋಗ್ಯ ಮನೆ, ಜನಸಂಚಾರ ಇಲ್ಲ. ಟಾರ್ಪಲ್ ಹೊದಿಕೆ ಹಾಕಿದ್ದರೂ ಹಲವೆಡೆ ಸೋರುತ್ತಿರುವುದರಿಂದ ನಿವಾಸದಲ್ಲಿ ನೆಮ್ಮದಿಯಾಗಿ ನಿದ್ರೆ ಮಾಡುವುದು ದುಸ್ಥರವಾಗಿದೆ.

ಬ್ರಿಟಿಷರು ವಿಶೇಷ ವಿನ್ಯಾಸದ ಮೂಲಕ ನಿರ್ಮಿಸಲಾಗಿರುವ ಕಟ್ಟಡದಲ್ಲಿ ಸಾಕಷ್ಟು ಉಪ ವಿಭಾಗಾಧಿಕಾರಿಗಳು ವಾಸ್ತವ್ಯ ಇದ್ದರು. ಸುಮಾರು ಎರಡು ಎಕರೆಯಷ್ಟು ವಿಶಾಲ ಪ್ರದೇಶದಲ್ಲಿ ಈ ನಿವಾಸವಿದೆ. ಉಪ ವಿಭಾಗಾಧಿಕಾರಿ ನಿವಾಸಕ್ಕೆ ಹೊಂದಿಕೊಂಡಂತೆ ತಹಸೀಲ್ದಾರ್ ನಿವಾಸವಿದ್ದು ಮೂರು ಬದಿಯಲ್ಲಿ ರಸ್ತೆಗಳಿಗೆ ಈ ಎರಡು ನಿವಾಸಗಳು ಹೊಂದಿಕೊಂಡಿವೆ. ಈ ಆಯಕಟ್ಟಿನ ಪ್ರದೇಶದಲ್ಲಿರುವ ಪ್ರದೇಶ ಬಸ್ ನಿಲ್ದಾಣಕ್ಕೆ, ಸಾರ್ವಜನಿಕ ಆಸ್ಪತ್ರೆ ಹಾಗೂ ರೈಲ್ವೆ ನಿಲ್ದಾಣಕ್ಕೆ ಕೂಗಳತೆ ದೂರದಲ್ಲಿರುವುದರಿಂದ ಇಲ್ಲಿ ಕಂದಾಯ ಇಲಾಖೆ ಕಟ್ಟಡ ನಿರ್ಮಿಸಿದರೆ ಗ್ರಾಮೀಣ ಭಾಗದಿಂದ ಬರುವ ರೈತಾಪಿ ಜನರಿಗೆ ಅನುಕೂಲವಾಗಲಿದೆ ಎಂದು ೨೦೦೨ರಲ್ಲಿ ಅಂದಿನ ಶಾಸಕ ಬಿ.ಬಿ.ಶಿವಪ್ಪ ಈ ಕಟ್ಟಡಗಳನ್ನು ನೆಲಸಮಗೊಳಿಸಿ ಮಿನಿವಿಧಾನಸೌಧ ನಿರ್ಮಾಣಕ್ಕೆ ಚಿಂತನೆ ನಡೆಸಿ ಸರ್ವೇಕಾರ್ಯ ಪೂರ್ಣಗೊಳಿಸಿದ್ದರು. ಈ ಯೋಜನೆ ಕಾರ್ಯಗತಗೊಳ್ಳುವ ಮುನ್ನ ೨೦೦೩ರಲ್ಲಿ ಸಕಲೇಶಪುರ ಉಪವಿಭಾಗಕ್ಕೆ ಉಪ ವಿಭಾಗಾಧಿಕಾರಿ ಏಕ್‌ರೂಪ್ ಕೌರ್ ಈ ಎರಡು ನಿವಾಸಗಳನ್ನು ಪರಾಂಪರಿಕ ಪಟ್ಟಿಗೆ ಸೇರ್ಪಡೆಗೊಳಿಸಿ ಈ ಕಟ್ಟಡಗಳನ್ನು ಎಂದಿಗೂ ನೆಲಸಮಗೊಳಿಸದಂತೆ ಮಾಡಿದರು. ಇದರಿಂದಾಗಿ ಇಂದಿಗೂ ಕಟ್ಟಡವನ್ನು ಮೂಲ ಸ್ಥಿತಿಯಲ್ಲಿ ಉಳಿಸಿಕೊಂಡು ದುರಸ್ತಿ ಮಾಡಬಹುದೇ ಹೊರತು ಈ ಕಟ್ಟಡವನ್ನು ನೆಲಸಮ ಮಾಡಲಾಗದು.

ಮೆಹೆಬೂಬ್‌. ಸಾಮಾಜಿಕ ಹೋರಾಟಗಾರ

ಶೃತಿ. ಉಪ ವಿಭಾಗಾಧಿಕಾರಿ.