ವಾಯುಮಾಲಿನ್ಯ ಸೂಚ್ಯಂಕ: ಕಂಪನಿಗಳ ದೂರಾಲೋಚನೆ..!

- ಕಡೇಚೂರಿನಲ್ಲಿ ಕೆಮಿಕಲ್‌ ಫ್ಯಾಕ್ಟರಿಗಳಿಂದ ವಿಷಗಾಳಿ, ದುರ್ನಾತ । ಜನರ ಆರೋಗ್ಯದ ಮೇಲೆ ಗಂಭೀರ ಪರಿಣಾಮಗಳು: ಖಾಸಾಮಠಶ್ರೀ ಆತಂಕ

ಆನಂದ್‌ ಎಂ. ಸೌದಿ

ಕೆಮಿಕಲ್‌ ಕಂಪನಿಗಳ ಕುರಿತ ಜನವಿರೋಧ ವ್ಯಕ್ತವಾಗುತ್ತಿರುವ ಜೊತೆಗೆ, ಈ ಹಿನ್ನೆಲೆಯಲ್ಲಿ ಅಧಿಕಾರಿಗಳ ಭೇಟಿ, ಪರಿಶೀಲನೆ ಮುಂತಾದವುಗಳಿಂದಾಗಿ ಎಚ್ಚೆತ್ತಂತಿರುವ ಕಂಪನಿಗಳು ಬೀಸೋ ದೊಣ್ಣೆ ತಪ್ಪಿಸಿಕೊಳ್ಳುವಂತೆ, ಉತ್ಪಾದನಾ ಕೆಲಸ ಕಾರ್ಯಗಳ ವೇಗಕ್ಕೆ ಕೊಂಚ ತಡೆ ನೀಡಿದ್ದಾರೆನ್ನಲಾಗಿದೆ.

ಸಂಜೆ, ರಾತ್ರಿ ಹಾಗೂ ನಸುಕಿನ ಜಾವದಲ್ಲಿ ಭಾರೀ ಪ್ರಮಾಣದ ದುರ್ನಾತ, ವಿಷಗಾಳಿಯ ಆತಂಕ ಅದ್ಯಾಕೋ ಗೊತ್ತಿಲ್ಲ ಇದೀಗ ಕಮ್ಮಿಯಾಗಿದೆ. ಪರಿಸರ ಮಾಲಿನ್ಯ ಮಾಪನ ವಾಹನ ಎಲ್ಲ ಕಡೆ ತಿರುಗಾಡುತ್ತಿತ್ತು. ಕೆಲ ದಿನಗಳ ಹಿಂದೆ, ಜಿಲ್ಲಾಧಿಕಾರಿ ಸೂಚಿಸಿದ, ಸಹಾಯಕ ಆಯುಕ್ತರ ನೇತೃತ್ವದ ಸಮಿತಿ ಬಂದಾಗಲೂ ದುರ್ನಾತಕ್ಕೆ ಕಡಿವಾಣ ಬಿದ್ದಿತ್ತು ಎಂದೆನ್ನುವ ಪತ್ರಕರ್ತ, ಸಾಮಾಜಿಕ ಹೋರಾಟಗಾರ ಭೀಮಣ್ಣ ವಡವಟ್‌, ತಪಾಸಣೆಗೆಂದು ಅಧಿಕಾರಿಗಳು ಮೊದಲೇ ಡಂಗೂರ ಸಾರಿ ಬಂದರೆ ಕಂಪನಿಗಳು ಜಾಣ್ಮೆ ಮೆರೆಯುವುದಿಲ್ಲವೇ ಅಂತ ಪ್ರಶ್ನಿಸುತ್ತಾರೆ.

-ಪ್ರಜ್ಞಾವಂತ ಸಮುದಾಯ ಎಚ್ಚೆತ್ತುಕೊಳ್ಳಲಿ: ಖಾಸಾಮಠಶ್ರೀ

ಕಡೇಚೂರ-ಬಾಡಿಯಾಳ ಕೈಗಾರಿಕಾ ಪ್ರದೇಶದಲ್ಲಿನ ರಾಸಾಯನಿಕ ಕೈಗಾರಿಕೆಗಳು ಮತ್ತು ಘನ ತ್ಯಾಜ್ಯ ವಿಲೇವಾರಿ ಘಟಕ ಸೇರಿದಂತೆ ಇತರ ಕೈಗಾರಿಕೆಗಳು ಕಾನೂನು ಬಹಿರವಾಗಿ ಪರಿಸರಕ್ಕೆ ಹಾನಿಯಾಗು ವಿಷ ಅನಿಲವನ್ನು ಹೊರ ಹಾಕುತ್ತಿರುವುದು ಹಾಗೂ ಇತರ ಐದು ರಾಜ್ಯಗಳಿಂದ ಬರುತಿರುವ ರಾಸಾಯಾನಿಕ ಕೈಗಾರಿಕೆಗಳ ತ್ಯಾಜ್ಯವನ್ನು ಈ ಪ್ರದೇಶದಲ್ಲಿ ಶೇಖರಿಸುತ್ತಿರುವುದರ ಪರಿಣಾಮದಿಂದ ಸೈದಾಪುರ ವಲಯದ ಸುಮಾರು 10 ರಿಂದ 12 ಗ್ರಾಮಗಳ ಜನರ ಮೇಲೆ ಆರೋಗ್ಯ ಸಮಸ್ಯೆಯುಂಟಾಗುತ್ತಿರುವುದು ಅತ್ಯಂತ ನೋವಿನ ಸಂಗತಿಯಾಗಿದೆ.

-

-

-

-