45 ವರ್ಷಗಳಿಂದ ಅರಕಲಗೂಡು ಕಾರ್ಗಲ್ಲು ಗ್ರಾಮದ ರಸ್ತೆ ಸಂಪರ್ಕ ಕಂಡಿಲ್ಲ

ಅರಕಲಗೂಡು ತಾಲೂಕಿನ ಕಾರ್ಗಲ್ಲಿನ ಗೋಮಾಳದಲ್ಲಿರುವ ದಲಿತ ಕುಟುಂಬಗಳ ದುಸ್ಥಿತಿ ಕನ್ನಡಪ್ರಭ ವಾರ್ತೆ ಅರಕಲಗೂಡು

ಗ್ರಾಮದ ಸರ್ವೇನಂಬರ್ 137ರಲ್ಲಿ ಒಟ್ಟು 86 ಎಕರೆಗೂ ಅಧಿಕ ಗೋಮಾಳ ಜಮೀನು ಇದ್ದು, ಅನುಭವದಲ್ಲಿ ಭೂಮಿ ಮಂಜೂರು ಮಾಡುವ ವೇಳೆ 40 ಎಕರೆ ಭೂಮಿಯನ್ನು ಜಾನುವಾರುಗಳ ಮೇವು, ತಿರುಗುವ ರಸ್ತೆ ಸಲುವಾಗಿ ಮೀಸಲಿಟ್ಟು ಉಳಿದ ಜಮೀನನ್ನು ಅನುಭವನದ ಮೇಲೆ ಒಂದು ಎಕರೆಯಿಂದ ನಾಲ್ಕು ಎಕರೆ ತನಕ 17 ಮಂದಿ ರೈತರಿಗೆ ಮಂಜೂರಾತಿ ಮಾಡಲಾಗಿದೆ. ದಲಿತ ಕುಟುಂಬಗಳಿಗೆ ಮಂಜೂರಾಗಿರುವ ಕೃಷಿ ಭೂಮಿ ಗ್ರಾಮಾಠಾಣೆಯಿಂದ ದೂರವಿರುವುದಲ್ಲದೇ ಸುತ್ತಮುತ್ತಲೂ ಇತರೆ ವರ್ಗದವರು ಉಳುಮೆ ಮಾಡುತ್ತಿದ್ದಾರೆ. ಮಧ್ಯದಲ್ಲಿರುವ ಈ ಐದು ಮಂದಿ ದಲಿತ ಕುಟುಂಬಗಳಿಗೆ ತಿರುಗಾಡಲು ರಸ್ತೆಯನ್ನು ಸರ್ಕಾರಿ ಭೂಮಿ ಮಂಜೂರು ಮಾಡುವ ವೇಳೆ ಬಿಟ್ಟಿಲ್ಲ. ಇದರಿಂದ ಕೃಷಿ ಮಾಡಿರುವ ಜಮೀನಿನ ಬದುಗಳಲ್ಲಿಯೇ ಜಮೀನಿನವರ ವಿರೋಧದ ನಡುವೆ ಭಯದಿಂದ ಈ ಕುಟುಂಬಗಳು ಓಡಾಡುತ್ತಿವೆ. ರಾತ್ರಿವೇಳೆಯಂತು ಕೃಷಿ ಜಮೀನಿನಲ್ಲಿ ಓಡಾಡುವುದು ಜೀವ ಭಯವನ್ನು ಉಂಟುಮಾಡಿದೆ.

ವಾಸವಿರುವ ಮನೆ ಬಳಿಯೇ ಶವಸಂಸ್ಕಾರ: ಸರ್ಕಾರ ಗೋಮಾಳ ಜಾಗದಲ್ಲಿ ಮಂಜೂರಾತಿ ಮಾಡುವ ವೇಳೆ ಕಡ್ಡಾಯವಾಗಿ ಸ್ಮಶಾನಕ್ಕೆ ಜಾಗವನ್ನು ಮೀಸಲಿಡುತ್ತದೆ. ಆದರೆ ಕಾರ್ಗಲ್ಲು ಗ್ರಾಮದಲ್ಲಿನ ಸ್ಮಶಾನ ಮಾತ್ರ ದಲಿತ ಕುಟುಂಬಗಳಿಗೆ ಇಲ್ಲವಾಗಿದೆ. ಕಳೆದ ಹತ್ತು ವರ್ಷಗಳಲ್ಲಿ 5 ಮಂದಿ ಸಾವನಪ್ಪಿದ್ದು, ಇವರನ್ನು ವಾಸವಿರುವ ಮನೆಯಿಂದ 20 ಅಡಿ ಅಂತರದಲ್ಲಿಯೇ ಶವಸಂಸ್ಕಾರ ಮಾಡುತ್ತಿದ್ದಾರೆ.

ಶಿಕ್ಷಣದಿಂದ ವಂಚನೆ: ಕಾರ್ಗಲ್ಲು ಗ್ರಾಮದಲ್ಲಿ ಪ್ರಾಥಮಿಕ ಶಾಲೆ,ಅಂಗನವಾಡಿ ಕೇಂದ್ರವಿದ್ದು, ಇಲ್ಲಿನ ಶಿಕ್ಷಣವನ್ನು ಸಕಾಲದಲ್ಲಿ ಪಡೆಯಲು ಈ ಐದು ದಲಿತ ಕುಟುಂಬಗಳಿಗೆ ಇದುವರೆಗೂ ಸಾಧ್ಯವಾಗುತ್ತಿಲ್ಲ. ಕೂಲಿ ಕೆಲಸಕ್ಕೆ ತೆರಳುವ ಬಡಕುಟುಂಬಗಳು ಶಿಕ್ಷಣದಿಂದ ವಂಚಿತಗೊಂಡಿವೆ.

ವಿಜಯ್‌ ಕುಮಾರ್‌, ಪಿಡಿಒ, ತರಿಗಳಲೆ ಗ್ರಾಪಂ.