ಕೈತೋಟದಿಂದ ರಾಸಾಯನಿಕ ಮುಕ್ತ ತರಕಾರಿ ಬೆಳೆಸಬಹುದು: ಮಂಜುನಾಥ ಹೆಗಡೆ

ಕನ್ನಡಪ್ರಭ ವಾರ್ತೆ ಶಿರಸಿ

ಮನುವಿಕಾಸ ಸಂಸ್ಥೆಯ ಯೋಜನಾ ನಿರ್ದೇಶಕ ಮಂಜುನಾಥ ಹೆಗಡೆ ಸಂಸ್ಥೆಯ ಕುರಿತು ಪ್ರಾಸ್ತಾವಿಕವಾಗಿ ಮಾತನಾಡಿ, ಸಂಸ್ಥೆಯು ಬೆಳೆದು ಬಂದ ಹಾದಿಯ ಬಗೆ, ಸಂಸ್ಥೆಯಿಂದ ದೊರೆಯುವ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿದರು.

ಕೇವಲ ಬೀಜಗಳನ್ನು ಸಂರಕ್ಷಿಸಿ, ತಮ್ಮಲ್ಲೇ ಇರಿಸಿಕೊಳ್ಳುವುದಕ್ಕಿಂತ ಪರಸ್ಪರ ವಿನಿಮಯ ಮಾಡಿಕೊಳ್ಳುವುದು ಉತ್ತಮ. ಹಾಗೆಯೇ ಇದರಿಂದ ವಿವಿಧ ಬೀಜಗಳ ಪರಿಚಯವಾಗುತ್ತದೆ. ಸಮಾರಂಭಗಳಲ್ಲಿ ಬಂದ ಅತಿಥಿಗಳಿಗೆ ಉಡುಗೊರೆ ರೂಪವಾಗಿ ನಾವು ಸಂಗ್ರಹಿಸಿದ ಬೀಜಗಳನ್ನು ವಿಚಾರಿಸಿದರೆ ನಮಗೂ ಸಂತೋಷ ಪಡೆದವರು ಸಂತೋಷಗೊಳ್ಳುತ್ತಾರೆಂದು ಬೀಜಗಳ ವಿನಿಮಯ ಮಾಡುವ ಬಗೆಗೆ ಹೇಳಿದರು.

ಬೀಜ ಅಮೃತವನ್ನು ಹೇಗೆ ತಯಾರಿಸುವುದು ಅದರ ಮಹತ್ವ ಹಾಗೂ ಹೇಗೆ ಬಳಸುವುದು ಎಂಬುದರ ಬಗೆಗೂ ವಿವರಿಸಿ, ಉತ್ತಮ ಬೀಜ ಹಾಗೂ ಜೊಳ್ಳು ಬೀಜಗಳನ್ನು ಹೇಗೆ ಕಂಡುಹಿಡಿಯುವ ಬಗೆಗೆ ಪ್ರಾತ್ಯಕ್ಷಿತವಾಗಿ ವಿವರಿಸಿದರು.