ಡಾ. ಗಿರಡ್ಡಿ ಶ್ರೇಷ್ಠ ಕ್ರಿಯಾಶೀಲ ಕಥೆಗಾರರಲ್ಲಿ ಒಬ್ಬರು: ಎಸ್‌. ದಿವಾಕರು

ಕನ್ನಡಪ್ರಭ ವಾರ್ತೆ ಧಾರವಾಡ

ಡಾ. ಗಿರಡ್ಡಿ ಗೋವಿಂದರಾಜ ಫೌಂಡೇಶನ್ ಡಾ. ಗಿರಡ್ಡಿ ಅವರ 6ನೇ ಪುಣ್ಯಸ್ಮರಣೆ ನಿಮಿತ್ತ ಶನಿವಾರ ಇಲ್ಲಿಯ ರಂಗಾಯಣದ ಸಾಂಸ್ಕೃತಿಕ ಸಮ್ಮುಚ್ಛಯದಲ್ಲಿ ಆಯೋಜಿಸಿದ್ದ ವಿಶೇಷ ಉಪನ್ಯಾಸದಲ್ಲಿ ಡಾ. ಗಿರಡ್ಡಿ ಅವರ ಕಥೆಗಳ ಕುರಿತು ಮಾತನಾಡಿದರು.ಗಿರಡ್ಡಿ ಪ್ರಪಂಚದ ಕೆಲವೇ ಕೆಲವು ಶ್ರೇಷ್ಠ, ಕ್ರೀಯಾಶೀಲ ಕಥೆಗಾರರಲ್ಲಿ ಒಬ್ಬರು. ಅವರ ಸಮಗ್ರ ಕಥೆಗಳಲ್ಲಿ ಬರೀ 12 ಕಥೆಗಳಿದ್ದು ಅವುಗಳ ಪೈಕಿ ಆರು ಕಥೆಗಳು ಅತ್ಯುತ್ತಮ ಕಥೆಗಳಾಗಿವೆ. ಅವುಗಳಲ್ಲಿ ನವ್ಯದ ಪ್ರಭಾವ ಇದ್ದರೂ ಅವರದ್ದೇ ಆದ ನಿಜ ಧ್ವನಿ ಅಡಿಗಿದೆ ಎಂದ ಅವರು ಗಿರಡ್ಡಿ ಅವರ ಮಣ್ಣು ಸೇರಿದಂತೆ ಹಲವು ಕಥೆಗಳ ಉದಾಹರಣೆ ಸಹಿತ ಹೇಳಿದರು.

ಇದಕ್ಕೂ ಮುಂಚೆ ಡಾ. ಗಿರಡ್ಡಿ ಅವರ ಭಾವಚಿತ್ರಕ್ಕೆ ಪುಷ್ಪಾರ್ಚಣೆ ಮಾಡಲಾಯಿತು. ಪ್ರಾಸ್ತಾವಿಕವಾಗಿ ಮಾತನಾಡಿದ ಶಶಿಧರ ತೋಡಕರ, ನಾಡಿಗೆ ಹತ್ತಾರು ಕಥೆ, ಕಾದಂಬರಿ ಹಾಗೂ ವಿಮರ್ಶಾ ಕೃತಿಗಳನ್ನು ನೀಡಿದ ಡಾ. ಗಿರಡ್ಡಿ ಗೋವಿಂದರಾಜ ಅವರನ್ನು ಮರು ಮೆಲಕು ಹಾಕುವು ಹಿನ್ನೆಲೆಯಲ್ಲಿ ಫೌಂಡೇಶನ್ ಅವರ ಜನ್ಮದಿನ ಹಾಗೂ ಪುಣ್ಯಸ್ಮರಣೆ ಹಾಗೂ ಮಧ್ಯದಲ್ಲೂ ಹಲವು ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ. ಜೊತೆಗೆ ಅವರ ಸಾಹಿತ್ಯ ಹೊಸ ತಲೆಮಾರಿಗೆ ಪರಿಚಯಿಸುವ ಉದ್ದೇಶ ಪ್ರಮುಖವಾಗಿದೆ. ಮೇ 11ರಂದು ಅವರ ಪುಣ್ಯಸ್ಮರಣೆಗೆ ಅವರ ಸಾಹಿತ್ಯ ಪರಿಚಯ ಮಾಡುತ್ತಿದ್ದು, ಸೆಪ್ಟೆಂಬರ್ 11ಕ್ಕೆ ಅವರ ಜನ್ಮದಿನದಂದು ವಿಮರ್ಶಾ ಕೃತಿಗಳನ್ನು ಆಹ್ವಾನಿಸಿ ಅತ್ಯುತ್ತಮ ವಿಮರ್ಶಾ ಕೃತಿಗಳಿಗೆ ಪ್ರಶಸ್ತಿ ನೀಡಲಾಗುತ್ತಿದೆ ಎಂದರು.

ಗಿರಡ್ಡಿ ಗೋವಿಂದರಾಜ ಅವರ ಪತ್ನಿ ಸರೋಜಾ ಗಿರಡ್ಡಿ, ಪುತ್ರ ಸುನೀಲ ಗಿರಡ್ಡಿ ಇದ್ದರು. ರವಿ ಕುಲಕರ್ಣಿ ನಿರೂಪಿಸಿದರು. ಮಲ್ಲಿಕಾರ್ಜುನ ಪಾಟೀಲ, ಡಾ. ರಮಾಕಾಂತ ಜೋಶಿ, ಹ.ವೆಂ. ಕಾಖಂಡಕಿ, ಶಶಿಧರ ನರೇಂದ್ರ ಮತ್ತಿತರರು ಇದ್ದರು.