ಕನ್ನಡ ಭಾಷಾ ಅಸ್ತಿತ್ವ ಉಳಿಸಿಕೊಳ್ಳಬೇಕು: ಸೇಡಂ

ಕನ್ನಡಪ್ರಭ ವಾರ್ತೆ ಕಲಬುರಗಿ/ಸೇಡಂ

ಪಟ್ಟಣದ ನೀಲಗಂಗಮ್ಮ ಸಜ್ಜನಶೆಟ್ಟಿ ಕಲ್ಯಾಣ ಮಂಟಪದಲ್ಲಿ ಭಾನುವಾರ ನೃಪತುಂಗ ಅಧ್ಯಯನ ಸಂಸ್ಥೆ ಆಯೋಜಿಸಿದ್ದ ಪುಸ್ತಕ ಬಿಡುಗಡೆ ಮತ್ತು ಸನ್ಮಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.

ಡಾ.ವಾಸುದೇವ ಅಗ್ನಿಹೋತ್ರಿ ರಚಿಸಿದ ಕವಿರಾಜಮಾರ್ಗ : ಸಹಸ್ರಮಾನದ ವಿವೇಕ ಕೃತಿಯನ್ನು ಬಿಡುಗಡೆಗೊಳಿಸಿದ ಕಲಬುರಗಿ ಶರಣ ಬಸವ ವಿಶ್ವವಿದ್ಯಾಲಯದ ಕುಲಪತಿಗಳಾದ ಪ್ರೊ.ಅನೀಲಕುಮಾರ ಜಿ.ಬಿಡವೆ ಮಾತನಾಡಿ, ತಾಂತ್ರಿಕ ಶಿಕ್ಷಣದ ಬೋಧನೆಯಲ್ಲಿ ಕನ್ನಡದ ಪುಸ್ತಕಗಳು ಇಲ್ಲದ ಕಾರಣದಿಂದ ಆಂಗ್ಲ ಭಾಷೆಯ ಮೊರೆ ಹೋಗಬೇಕಾಗಿದೆ. ತಾಂತ್ರಿಕ ಶಿಕ್ಷಣದ ಪಠ್ಯ ಸಾಹಿತ್ಯವನ್ನು ಕನ್ನಡ ಸಾಹಿತಿಗಳು ಅನುವಾದಿಸುವ ಅಥವಾ ಬರೆಯುವ ಕಾರ್ಯಮಾಡಿದರೆ, ಇಂಜಿನಿಯರಿಂಗ್, ಮೆಡಿಕಲ್ ಶಿಕ್ಷಣದಲ್ಲೂ ಮಾತೃಭಾಷೆಗೆ ಸ್ಥಾನ ಸಿಗುತ್ತದೆ ಎಂದರು.

ಹೈದರಾಬಾದಿನ ಉಸ್ಮಾನಿಯಾ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಮುಖ್ಯಸ್ಥರಾದ ಡಾ.ಲಿಂಗಣ್ಣ ಗೋನಾಳ ಕೃತಿ ಪರಿಚಯಿಸಿ, ಕನ್ನಡ ಭಾಷೆಯ ಮೊದಲ ಲಭ್ಯ ಕೃತಿಯಾದ ಕವಿರಾಜಮಾರ್ಗವನ್ನು ಕನ್ನಡಿಗರ ವಿವೇಕದ ಹಿನ್ನೆಲೆಯಲ್ಲಿ ಲೇಖಕರು ಸೊಗಸಾಗಿ ವಿವರಿಸಿದ್ದಾರೆ ಎಂದರು.

ಹಿರಿಯ ಸಾಹಿತಿಗಳಾದ ಲಿಂಗಾರೆಡ್ಡಿ ಶೇರಿ, ಸಿದ್ದಪ್ಪ ತಳ್ಳಳ್ಳಿ, ಮಹಿಪಾಲರೆಡ್ಡಿ ಮುನ್ನೂರ, ಶ್ರೀಧರ ಇನಾಮದಾರ, ದತ್ತಾತ್ರೇಯ ಐನಾಪುರ, ಪ್ರಕಾಶ ಗೊಣಗಿ, ಪರಿಮಳಾ ಪಾಟೀಲ, ರುಕ್ಮಿಣಿ ಕಾಳಗಿ, ರೂಪಾದೇವಿ ಬಂಗಾರ, ಶಿವಕಾಂತಾ ರೆಮ್ಮಣ್ಣಿ ಉಪಸ್ಥಿತರಿದ್ದರು.