ಕಾಪೆಕ್ಷ್‌ ನಂಬಿ ಕ್ಯಾಪ್ ಹಾಕಿಸಿಕೊಂಡ ಕಾಂಟ್ರಾಕ್ಟರ್‌!

ಶಶಿಕಾಂತ ಮೆಂಡೆಗಾರ

ಆಧುನಿಕತೆಯ ಭರಾಟೆಯಲ್ಲಿ ನಾವು ಮೊಬೈಲ್‌ನಲ್ಲಿ ಬಳಸುವ ಸಾಮಾಜಿಕ ಜಾಲತಾಣಗಳು ಎಷ್ಟರ ಮಟ್ಟಿಗೆ ಸೇಫ್ ಎಂಬುವುದು ಯಾರಿಗೂ ಗೊತ್ತಿಲ್ಲ. ಆನಲೈನ್‌ನಲ್ಲಿ, ಸಾಮಾಜಿಕ ಜಾಲತಾಣಗಳಲ್ಲಿ ಬರುವ ಅಪರಿಚಿತರ ಸಂದೇಶಗಳು ಹಾಗೂ ಮೊಬೈಲ್‌ಗೆ ಬರುವ ಅಪರಿಚಿತ ಮೆಸೇಜ್‌ಗಳ ಮೇಲೆ ಕ್ಲಿಕ್‌ ಮಾಡಿದರೇ ಅಪಾಯ ಕಟ್ಟಿಟ್ಟ ಬುತ್ತಿ.ಇದೇ ರೀತಿ CAPEX.COM ಎಂಬ ಖಾತೆಯಿಂದ ಇನ್‌ಸ್ಟಾಗ್ರಾಂನಲ್ಲಿ ಬಂದಿದ್ದ ಲಿಂಕ್ ಕ್ಲಿಕ್ಕಿಸಿದ ವ್ಯಕ್ತಿಯೊಬ್ಬರು ಅವರು ಹೇಳಿದಂತೆ ಮಾಡಿ ಕೋಟಿ ಕೋಟಿ ಹಣ ಬರುತ್ತದೆ ಎಂದು ಅತಿಯಾಸೆಗೆ ಬಿದ್ದು ಗುತ್ತಿಗೆದಾರನೊಬ್ಬ ಬರೋಬ್ಬರಿ ₹1.88 ಕೋಟಿ ಕಳೆದುಕೊಂಡ ಘಟನೆಯೊಂದು ವಿಜಯಪುರ ಜಿಲ್ಲೆಯಲ್ಲಿ ನಡೆದಿದೆ. ಗುತ್ತಿಗೆದಾರನಿಗೆ ವಂಚನೆಃ

CAPEX.COM ನಲ್ಲಿ ಹಣ ಹೂಡಿಕೆ ಮಾಡಿದರೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಟ್ರೇಡಿಂಗ್ ಮಾಡಬಹುದು. ಡಾಲರ್, ಗೋಲ್ಡ್, ಕ್ರೂಡ್ ಆಯಿಲ್, ಕರೆನ್ಸಿ, ಪೇರ್, ಟ್ರೇಡ್ ನಲ್ಲಿ ಹಣ ಹೂಡಿಕೆ ಮಾಡುವ ಹಣಕ್ಕೆ ಪ್ರತಿವಾರವೂ ಶೇ.75 ರಷ್ಟು ಲಾಭ ಗಳಿಸಬಹುದು ಎಂದು ನಂಬಿಸಲಾಯಿತು. ಇದನ್ನೇ ನಂಬಿದ ಗುತ್ತಿಗೆದಾರ ತನ್ನ ವಿವಿಧ ಬ್ಯಾಂಕ್ ಖಾತೆಗಳಿಂದ ವಂಚಕರು ನೀಡಿದ ಯುಪಿಐ ಐಡಿಗಳಿಗೆ ಹಣ ಹಾಕುತ್ತಲೇ ಬಂದಿದ್ದಾರೆ. ಕೊನೆಗೆ ಇದು ಮೋಸದ ಜಾಲ ಎಂಬುದು ಗೊತ್ತಾಗಿ, ನಗರದ ಸಿಇಎನ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.ಮೊದಲಿಗೆ ಹಣ ಹಾಕಿ ನಂಬುವಂತೆ ಮಾಡಿದರು:

ಈ ಮೊದಲು ₹3 ಲಕ್ಷ ಲಾಭದ ಹಣ ಎಂದು ವಂಚಕರು ಹಣ ಹಾಕಿದ್ದಾಗ ಎಕ್ಸಿಸ್‌ ಬ್ಯಾಂಕ್‌ನವರು ಇದು ಯಾವುದೋ ಮೋಸದ ಖಾತೆಯಿಂದಲೇ ಹಣ ಬಂದಿದೆ ಎಂದು ಗುತ್ತಿಗೆದಾರನ ಖಾತೆಯೇ ಸೀಜ್ ಮಾಡಿದ್ದರು. ಈ ಕುರಿತು ವಂಚಕರಿಗೆ ಗುತ್ತಿಗೆದಾರ ಮಾಹಿತಿ ತಿಳಿಸದಾಗ, ಬ್ಯಾಂಕ್ ನವರೇ ನಿಮಗೆ ತಪ್ಪು ಮಾಹಿತಿ ಕೊಟ್ಟಿದ್ದಾರೆ ಎಂದು ನಂಬಿಸಿದ್ದರು. ಅದಾದ ಬಳಿಕ ಇದು ವಿದೇಶಿ ಹಣ ಇರುವುದರಿಂದ ಸಮಸ್ಯೆ ಆಗುತ್ತದೆ. ನಾವು ನಿಮಗೆ ಅಬುದಾಬಿಗೆ ಕರೆಯಿಸಿಕೊಂಡು ಅಲ್ಲಿಯೇ ನಿಮ್ಮ ಹೆಸರಿನಲ್ಲಿ ಅಕೌಂಟ್ ಮಾಡಿಸಿ ಅಲ್ಲಿಂದ ಭಾರತದ ಖಾತೆಗೆ ಹಣ ವರ್ಗಾವಣೆ ಮಾಡುತ್ತೇವೆ ಎಂದು ನಂಬಿಸಿದ್ದರು.

-ವಂಚನೆಗೊಳಗಾದವರು.

ಕ್ಯಾಪೆಕ್ಸ್ ಡಾಟ್ ಕಾಮ್ ಹೆಸರಿನಲ್ಲಿ ಗುತ್ತಿಗೆದಾರನೊಬ್ಬನಿಗೆ ವಂಚಿಸಿರುವ ಕುರಿತು ಸಿಇಎನ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಪ್ರಕರಣದ ಕುರಿತು ತನಿಖೆ ಮಾಡಿ ಆರೋಪಿಗಳನ್ನು ಪತ್ತೆ ಹಚ್ಚಲಾಗುವುದು. ಸಾರ್ವಜನಿಕರು ಸಹ ಹೆಚ್ಚಿಗೆ ಹಣದ ಆಮಿಷ ಕೊಡುವವರಿಗೆ ಮೋಸ ಹೋಗಬಾರದು. ಇಂತಹ ಮೋಸದ ಜಾಲದವರು ಮೊದಲಿಗೆ ಸ್ವಲ್ಪ ಹಣ ಕೊಟ್ಟಂತೆ ಮಾಡಿ ನಂಬಿಸುತ್ತಾರೆ. ಆ ಬಳಿಕ ಈ ರೀತಿ ಕೋಟ್ಯಂತರ ರುಪಾಯಿ ವಂಚಿಸುತ್ತಾರೆ.