ಯುಗಾದಿಗೆ ಇಲ್ಲಿ ಸಂಭ್ರಮದ ಬದಲು ಸೂತಕದ ಛಾಯೆ

ಕೂಡ್ಲಿಗಿ, ಕೊಟ್ಟೂರು ತಾಲೂಕುಗಳಲ್ಲಿ ಯುಗಾದಿ ಸಂಭ್ರಮವಿಲ್ಲಹಬ್ಬ ಆಚರಿಸಿದರೆ ಕೇಡಾಗುವುದೆಂಬ ನಂಬಿಕೆ೨ ದಿನಗಳು ಸ್ನಾನವಿಲ್ಲ ಹೊಸಬಟ್ಟೆ ತೊಡುವುದಿಲ್ಲ

ಎಲ್ಲರೂ ಯುಗಾದಿ ಹಬ್ಬದ ಸಂಭ್ರಮದಲ್ಲಿದ್ದರೆ ಕೂಡ್ಲಿಗಿ, ಕೊಟ್ಟೂರು, ಹಗರಿಬೊಮ್ಮನಹಳ್ಳಿ ಸೇರಿದಂತೆ ಉತ್ತರ ಕರ್ನಾಟಕದ ಕೆಲವು ಹಳ್ಳಿಗಳಲ್ಲಿ ನೂರಾರು ಕುಟುಂಬಗಳು ಹಬ್ಬ ಮಾಡದೇ ಸೂತಕ ಆವರಿಸಿದಂತೆ ಇರುತ್ತಾರೆ.ದೇಶವೇ ಪ್ರಕೃತಿಯ ಹೊಸ ವರ್ಷ ಯುಗಾದಿ ಹಬ್ಬ ಆಚರಿಸಿದರೆ, ಇತ್ತ ಈ ಹಳ್ಳಿಗಳಲ್ಲಿ ಮಾತ್ರ ಯುಗಾದಿ ಅಪಶಕುನ ಎಂಬಂತೆ ಕೆಲವು ಕುಟುಂಬಗಳು ಈ ಹಬ್ಬ ಯಾಕೆ ಬರುತ್ತದೆ ಎಂಬ ನಿರುತ್ಸಾಹ ವ್ಯಕ್ತಪಡಿಸುತ್ತಾರೆ. ಕೊಟ್ಟೂರು, ಹೂವಿನಹಡಗಲಿ, ಹಗರಿಬೊಮ್ಮನಹಳ್ಳಿ, ಸಂಡೂರು ಸೇರಿ ನಾನಾ ತಾಲೂಕುಗಳ ಕೆಲ ಹಳ್ಳಿಗಳಲ್ಲಿ ಬಾರಿಕರು, ವಾಲ್ಮೀಕಿ ಸಮುದಾಯದವರಿಗೆ ಮಾತ್ರ ಈ ಯುಗಾದಿಯು ನಿಷಿದ್ಧ ವೆಂಬ ನಂಬಿಕೆ ತಲೆ ತಲಾಂತರಗಳಿಂದ ನಡೆದುಕೊಂಡು ಬಂದಿದೆ. ೨ ದಿನ ಸ್ನಾನ ಮಾಡಲ್ಲ:

ಪೂರ್ವಜರ ಹಿನ್ನೆಲೆ:ಯುಗಾದಿ ಹಬ್ಬದ ದಿನದಂದು ನಮ್ಮ ಪೂರ್ವಜರು ಕೆಲಸಕ್ಕೆಂದು ಹೋದವರು ವಾಪಸ್ ಮನೆಗೆ ಬಂದಿಲ್ಲ. ಪ್ರತಿ ವರ್ಷದ ಯುಗಾದಿಯೂ ನಮ್ಮ ಕುಟುಂಬಗಳಲ್ಲಿ ಅಪಶಕುನವಾಗಿದೆ ಎಂಬ ಹಿನ್ನೆಲೆ ತಾತ, ಮುತ್ತಾತಂದಿರ ಕಾಲದಿಂದಲೂ ಪಾಲಿಸುತ್ತಾ ಬರಲಾಗಿದೆ. ಹೀಗಾಗಿ, ಹತ್ತಾರು ಹಳ್ಳಿಗಳಲ್ಲಿ ಬಾರಿಕರು ಮತ್ತು ವಾಲ್ಮೀಕಿ ಸಮುದಾಯದ ಕೆಲ ಕುಟುಂಬಗಳಲ್ಲಿ ವಿದ್ಯಾವಂತರೂ ಸೇರಿ ಎಲ್ಲರೂ ಸಹ ನೂರಾರು ವರ್ಷಗಳಿಂದ ಹಿರಿಯರು ಪಾಲಿಸಿಕೊಂಡು ಬಂದಂಥ ಪದ್ಧತಿಯನ್ನು ಈಗಲೂ ಮುಂದುವರಿಸಿಕೊಂಡು ಬಂದಿರುವುದರಿಂದ ನೂರಾರು ಕುಟುಂಬಗಳಲ್ಲಿ ಯುಗಾದಿ ಆಚರಣೆ ಕಹಿಯಂತಾಗಿದೆ ಎನ್ನುತ್ತಾರೆ ಗಜಾಪುರ ಗ್ರಾಮದ ಬಾರಿಕರ ಮಂಜುನಾಥ.