ಕಾಂಗ್ರೆಸ್‌ ಚುರುಕು: ಮುಖಂಡರು, ಪದಾಧಿಕಾರಿಗಳ ಜತೆ ಸಚಿವ ಮಧು ಸಭೆ - ಚುನಾವಣೆ ಕಾರ್ಯತಂತ್ರಗಳು, ಗ್ಯಾರಂಟಿ ಫಲಾನುಭವಿಗಳ ಭೇಟಿ ಇನ್ನಿತರ ವಿಷಯಗಳ ಚರ್ಚೆ ಲೋಕಸಭೆ ಚುನಾವಣೆ ಹಿನ್ನೆಲೆ ಕಾಂಗ್ರೆಸ್‌ನಲ್ಲಿ ಬಿರುಸಿನ ರಾಜಕೀಯ ಚಟುವಟಿಕೆ ಆರಂಭವಾಗಿದ್ದು, ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಪಕ್ಷದ ಕಚೇರಿಯಲ್ಲಿ ಶುಕ್ರವಾರ ಮುಖಂಡರು ಹಾಗೂ ಪದಾಧಿಕಾರಿಗಳ ಸಭೆ ನಡೆಸಿದರು. ಚುನಾವಣೆ ಕಾರ್ಯತಂತ್ರಗಳು, ಗ್ಯಾರಂಟಿ ಫಲಾನುಭವಿಗಳ ಭೇಟಿ, ಗ್ರಾಮ ಪಂಚಾಯಿತಿ ಮಟ್ಟದಲ್ಲಿ ಅಭ್ಯರ್ಥಿಯ ಪ್ರವಾಸ ಕುರಿತಂತೆ ವಿಚಾರ ವಿಮರ್ಶೆ ಮಾಡಲಾಯಿತು. ಮಾ.17ರಂದು ಜಿಲ್ಲಾ ಕಾಂಗ್ರೆಸ್‌ನ ಎಲ್ಲ ಮುಂಚೂಣಿ ಘಟಕಗಳ ಪ್ರಮುಖರ ಸಭೆ ಕರೆಯಬೇಕು, ಈ ಬಗ್ಗೆ ಸಭೆಯಲ್ಲಿ ಪ್ರಮುಖರ ಅಭಿಪ್ರಾಯ ಸಂಗ್ರಹಿಸಲಾಯಿತು.
