ಕಬ್ಬಡ್ಡಿ: ಕದಂಬ ಕೆನ್ನಾಳು ತಂಡ ಪ್ರಥಮಇಲ್ಲಿನ ಸಮೀಪದ ಅಣ್ಣೂರು ಗ್ರಾಮದಲ್ಲಿ ಶ್ರೀ ಮಾರಮ್ಮ ಸೇವಾ ಸಮಿತಿ ಹಾಗೂ ಅರುಣೋದಯ ಯುವಕ ಸಂಘದ ವತಿಯಿಂದ ಆಯೋಜಿಸಿದ್ದ ರಾಜ್ಯಮಟ್ಟದ ಹೊನಲು ಬೆಳಕಿನ ಕಬಡ್ಡಿ ಪಂದ್ಯಾವಳಿಯಲ್ಲಿ ಕದಂಬ ಕೆನ್ನಾಳು ತಂಡ ಪ್ರಥಮ ಸ್ಥಾನದೊಂದಿಗೆ 15 ಸಾವಿರ ರು. ನಗದು ಹಾಗೂ ಆಕರ್ಷಕ ಟ್ರೋಫಿ ತನ್ನದಾಗಿಸಿಕೊಂಡಿದೆ. ಶ್ರೀ ಮಾರಮ್ಮ ದೇವಿ ಯುವಕರ ತಂಡ ಅಣ್ಣೂರು ದ್ವಿತೀಯ ಸ್ಥಾನ ಪಡೆದುಕೊಂಡು 10 ಸಾವಿರ ರು. ನಗದು ಹಾಗೂ ಟ್ರೋಫಿ, ತುಮಕೂರು ತಂಡಕ್ಕೆ ತೃತೀಯ ಬಹುಮಾನ 5 ಸಾವಿರ ರು. ನಗದು ಹಾಗೂ ಟ್ರೋಫಿ, ಟಿ.ನರಸಿಪುರ ತಂಡಕ್ಕೆ ನಾಲ್ಕನೇ ಬಹುಮಾನ 3 ಸಾವಿರ ರು. ನಗದು ಹಾಗೂ ಟ್ರೋಫಿ ಪಡೆದುಕೊಂಡಿದ್ದಾರೆ. ತೀರ್ಪುಗಾರರಾಗಿ ಅಣ್ಣೂರು ಕುಮಾರ್, ಎನ್.ಬಿ.ಕೃಷ್ಣ, ಕೆ.ಜೆ.ರಮೇಶ್, ಡಿ.ಬಿ.ಶಿವಣ್ಣ, ಓದುಲಿಂಗ, ಎಂ.ಶ್ರೀನಿವಾಸ್, ಬಸವರಾಜು, ಸುದೀಪ್, ಭಾಗಹಿಸಿದ್ದರು.
